ಕಲ್ಲಡ್ಕ ಶ್ರೀರಾಮ ಶಾಲೆಯ ವಿದ್ಯಾರ್ಥಿಗಳಿಗೆ ‘ಆಟಿಡೊಂಜಿ ಕೆಸರಪರ್ಬ’

ಕಲ್ಲಡ್ಕ:  ಸುದೆಕ್ಕಾರ್‌ ಗದ್ದೆಯಲ್ಲಿ ಕಲ್ಲಡ್ಕ ಶ್ರೀರಾಮ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಹಾಗೂ ಶಾಲಾ ಮಾತಾಜಿ, ಶ್ರೀಮಾನ್‌ರವರಿಗೆ ‘ಆಟಿಡೊಂಜಿ ಕೆಸರಪರ್ಬ’ ಎಂಬ ಕಾರ್ಯಕ್ರಮವನ್ನು ದಿನಾಂಕ 28-7-2018 ರಂದು ಆಯೋಜಿಸಲಾಯಿತು.

ಈ ಕಾರ್ಯಕ್ರಮವನ್ನು ಡಾ| ಮನೋಹರ್‌ ರೈರವರು ದೀಪ ಬೆಳಗಿಸಿ ಹಾಗೂ ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷರಾದ ಡಾ| ಕಲ್ಲಡ್ಕ ಪ್ರಭಾಕರ್ ಭಟ್‌ರವರು ಕೆಸರುಗದ್ದೆಗೆ ಹಾಲನ್ನು ಎರೆಯುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆಯನ್ನು ನೀಡಿದರು.

ಮಣ್ಣಿನ ಸೊಗಡು ಅದರಲ್ಲಿರುವ ಆರೋಗ್ಯಕರ ಅಂಶ ಮತ್ತು ಇತ್ತೀಚಿನ ದಿನಗಳಲ್ಲಿ ಮಣ್ಣಿನಿಂದ ದೂರ ಸರಿಯುತ್ತಿರುವ ಯುವ ಪೀಳಿಗೆಗೆ ಇಂತಹ ಕಾರ್ಯಕ್ರಮದ ಮೂಲಕ ಅವರಿಗೆ ಅರಿವನ್ನು ಮೂಡಿಸುವುದು ಅತ್ಯಗತ್ಯ ಎಂದು ಕಾರ್ಯಕ್ರಮದ ಮುಖ್ಯಅತಿಥಿಯಾದ ಡಾ| ಮನೋಹರ್‌ ರೈರವರು ಕಾರ್ಯಕ್ರಮದ ವೇದಿಕೆಯಲ್ಲಿ ಹೇಳಿದರು.

ವಿದ್ಯಾರ್ಥಿಗಳಿಗೆ ಓಟ, ಚೆಂಡಾಟ, ಉಪ್ಪುಮೂಟೆ, ನಿಧಿಶೋಧ, ಹಗ್ಗಜಗ್ಗಾಟ ಮುಂತಾದ ಸ್ಪರ್ಧೆಗಳನ್ನು ಏರ್ಪಡಿಸಲಾಯಿತು. ಎಲ್ಲಾ ವಿದ್ಯಾರ್ಥಿಗಳು ಸಂಭ್ರಮದಿಂದ ವಿವಿಧ ರೀತಿಯ ಆಟೋಟ ಸ್ಪರ್ಧೆಗಳಲ್ಲಿ ಭಾಗವಹಿಸಿದರು ಹಾಗೆಯೇ ಮಾತಾಜಿಗಳಿಗೆ ಕೂಡ ಹಗ್ಗಜಗ್ಗಾಟ ಮತ್ತು 100 ಮೀ.ಓಟ ಮಾಡಲಾಯಿತು.

ಈ ಕಾರ್ಯಕ್ರಮದಲ್ಲಿ ಡಾ| ಕಮಲಾ ಪ್ರಭಾಕರ್ ಭಟ್, ಶಾಲಾ ಮುಖ್ಯೋಪಾಧ್ಯಾಯರಾದ ರವಿರಾಜ್‌ ಕಣಂತೂರು, ಶಾಲಾ ಅಭಿವೃದ್ದಿ ಸಮಿತಿಯ ಅಧ್ಯಕ್ಷರು, ಹಾಗೂ ಸದಸ್ಯರು ಮತ್ತು ಮಾತೃಭಾರತಿಯ ಸದಸ್ಯರು ಉಪಸ್ಥಿತರಿದ್ದರು, ಹಾಗೂ ಅವರುಕೂಡ ಸ್ಪರ್ಧೆಯಲ್ಲಿ ಭಾಗವಹಿಸಿದರು.

ಮಕ್ಕಳಿಗೆ ಶ್ರೀರಾಮ ಶಾಲೆಯ ವೇದವ್ಯಾಸ ಮಂದಿರದಲ್ಲಿ ಗಂಜಿ ಮತ್ತು ಒಂದೆಲಗ ಚಟ್ನಿಯ ಮೂಲಕ ಮಧ್ಯಾಹ್ನದ ಭೋಜನವನ್ನು ಉಣಬಡಿಸಲಾಯಿತು.

ಈ ಕಾರ್ಯಕ್ರಮವನ್ನು ಮೀನಾಕ್ಷೀ ಮಾತಾಜಿ ನಿರೂಪಿಸಿ, ಶಾಲಾ ಅಭಿವೃದ್ದಿ ಸಮಿತಿಯ ಕಾರ್ಯದರ್ಶಿಗಳಾದ ಜಯರಾಮ್‌ ರೈರವರು ಸ್ವಾಗತಿಸಿ, ಶಾಲಾ ಮುಖ್ಯೋಪಾಧ್ಯಾಯರಾದ ರವಿರಾಜ್‌ ಕಣಂತೂರುರವರು ವಂದಿಸಿದರು.