ನವದೆಹಲಿ: ಕಾರ್ಗಿಲ್ ಯುದ್ಧ ಎಂದು ಕರೆಯಲ್ಪಡುವ 1999ರ ಭಾರತ-ಪಾಕಿಸ್ಥಾನ ನಡುವಣ ಯುದ್ಧ ಇತಿಹಾದಲ್ಲಿ ಎಂದಿಗೂ ಮರೆಯಲಾಗದ ಘಟನೆಯಾಗಿ ಅಚ್ಚೊತ್ತಿದೆ. ಇಂದಿಗೆ ಆ ಯುದ್ಧ ನಡೆದು 19 ವರ್ಷ. ಯುದ್ಧದ ಸಂದರ್ಭ ವೀರ ಯೋಧರು ತೋರಿದ ಅಪ್ರತಿಮ ಸಾಹಸ, ಧೈರ್ಯವನ್ನು ಸ್ಮರಿಸಿ ಅವರಿಗೆ ಗೌರವಾರ್ಪಣೆ ಮಾಡಬೇಕಾದುದು ಭಾರತೀಯರಾದ ಪ್ರತಿಯೊಬ್ಬನ ಜವಾಬ್ದಾರಿಯೂ ಹೌದು.
ಪಾಕಿಸ್ಥಾನ ವಶಕ್ಕೆ ಪಡೆದುಕೊಂಡಿದ್ದ ಕಾರ್ಗಿಲ್ ಔಟ್ ಪೋಸ್ಟ್‌ನ್ನು ಈ ಯುದ್ಧದಲ್ಲಿ ಭಾರತ ಮರಳಿ ಪಡೆದುಕೊಂಡಿತು. ಈ ಹಿನ್ನಲೆಯಲ್ಲಿ ಪ್ರತಿವರ್ಷ ಜುಲೈ 26ರನ್ನು ಭಾರತದಲ್ಲಿ ವಿಜಯ್ ದಿವಸ್ ಆಗಿ ಆಚರಣೆ ಮಾಡಲಾಗುತ್ತದೆ.
ಸುಮಾರು 60 ದಿನಗಳ ಕಾಲ ನಡೆದ ಈ ಯುದ್ಧ ಕೊನೆಗೊಂಡಿದ್ದು ಜುಲೈ 26ರಂದು. ಈ ದಿನ ಭಾರತದ ಸೇನಾನಿಗಳನ್ನು ಎದುರಿಸಲಾಗದ ಪಾಕಿಸ್ಥಾನ ಸೋಲೊಪ್ಪಿಕೊಂಡಿತ್ತು, ಭಾರತದ ವಿಜಯೋತ್ಸವ ಆಚರಿಸಿತು. ಆದರೆ ಅಪಾರ ಸಂಖ್ಯೆಯ ಯೋಧರು ಈ ವಿಜಯಕ್ಕಾಗಿ ಪ್ರಾಣಾರ್ಪಣೆಗೈದರು ಎಂಬುದನ್ನು ಯಾರೂ ಮರೆಯುವಂತಿಲ್ಲ.
ಜಮ್ಮು ಕಾಶ್ಮೀರದ ಕಾರ್ಗಿಲ್ ಡ್ರಾಸ್ ವಲಯದಲ್ಲಿ ಇಂದು ಕಾರ್ಗಿಲ್ ವಿಜಯ್ ದಿವಸ್ ಆಚರಣೆ ಮಾಡಲಾಗುತ್ತದೆ. ದೆಹಲಿಯ ಅಮರ್ ಜವಾನ್ ಜ್ಯೋತಿಯಲ್ಲೂ ಪ್ರಧಾನಿ ಸೇರಿದಂತೆ ಅನೇಕ ಗಣ್ಯರು ಹುತಾತ್ಮರಿಗೆ ಇಂದು ಗೌರವಾರ್ಪಣೆ ಸಲ್ಲಿಸುತ್ತಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
