ಧಾರವಾಡ : ಗಾನಯೋಗಿ ಪಂಚಾಕ್ಷರ ಗವಾಯಿ ಸ್ಮೃತಿ ಸಂಗೀತ ಸಭಾ ವತಿಯಿಂದ ಸ್ವರ ನಮನ ಕಾರ್ಯಕ್ರಮ ಆಯೋಜಿಸಲಾಗಿದೆ.
ಭಾನುವಾರ, ಸೆ.10 ರಂದು ಸಂಜೆ 6 ಗಂಟೆಗೆ ನಗರದ ಆಲೂರ ವೆಂಕಟರಾವ ಸಭಾ ಭವನದಲ್ಲಿ ಜರುಗಲಿರುವ ಸ್ವರ ನಮನ ಸಂಗೀತ ಸಂಜೆಯನ್ನು, ನಾಡಿನ ಖ್ಯಾತ ಕವಿ, ಸಾಹಿತಿ, ಡಾ. ವಿ.ಸಿ. ಐರಸಂಗ ಅವರು ಉದ್ಘಾಟಿಸಲಿದ್ದಾರೆ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಸಿದ್ಧಲಿಂಗೇಶ ರಂಗಣ್ಣವರ ಪಾಲ್ಗೊಳ್ಳಲಿದ್ದಾರೆ. ಸಭಾದ ಗೌರವ ಅಧ್ಯಕ್ಷರಾದ, ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತದ ಖ್ಯಾತ ಕಲಾವಿದ ಪಂ. ಸೋಮನಾಥ ಮರಡೂರ ಅವರ ಗೌರವ ಉಪಸ್ಥಿತಿ ಹಾಗೂ ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ಶೈಲಿಯ ಖ್ಯಾತ ವಯೋಲಿನ್ ವಾದಕ ಪಂ. ಬಿ.ಎಸ್. ಮಠ ಅವರು ಅಧ್ಯಕ್ಷತೆ ವಹಿಸಲಿದ್ದಾರೆ.
ನಂತರ ಜರುಗುವ ಸಂಗೀತ ಕಾರ್ಯಕ್ರಮದಲ್ಲಿ, ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ಗಾಯಕ ಧಾರವಾಡದ ಪಂ. ಕೈವಲ್ಯಕುಮಾರ ಗುರವ ಗಾಯನ ಪ್ರಸ್ತುತ ಪಡಿಸಲಿದ್ದಾರೆ. ಹೊಸ ದಿಲ್ಲಿಯ ಖ್ಯಾತ ಹಿಂದೂಸ್ಥಾನಿ ಶಾಸ್ತ್ರೀಯ ಪಿಟೀಲು ಯುವ ವಾದಕ ದಾನೀಶ್ ಅಲಿಖಾನ್ ವಯೋಲಿನ್ ವಾದನ ಪ್ರಸ್ತುತ ಪಡಿಸಲಿದ್ದಾರೆ. ಹುಬ್ಬಳ್ಳಿಯ ಶ್ರೀಮತಿ ಮಾಧುರಿ ಬದರೀಪ್ರಸಾದ್ ಕಲಕೇರಿ ಅವರು, ಹಿಂದೂಸ್ಥಾನಿ ಶಾಸ್ತ್ರೀಯ ಸಂಗೀತ ಗಾಯನ ಸಾದರ ಪಡಿಸುವರು.
ಸಹವಾದ್ಯ ಕಲಾವಿದರಾಗಿ, ಬೆಳಗಾವಿಯ ಪಂ. ಸುಧಾಂಶು ಕುಲಕರ್ಣಿ ಹಾಗೂ ಧಾರವಾಡದ ಬಸವರಾಜ ಹೂಗಾರ ಅವರು ಸಂವಾದಿನಿ ಸಾಥ್ ನೀಡಲಿದ್ದಾರೆ. ತಬಲಾ ಸಾಥಿ ಧಾರವಾಡದ ಡಾ. ರವಿಕಿರಣ್ ನಾಕೋಡ, ಉಸ್ತಾದ್ ನಿಸ್ಸಾರ್ ಅಹ್ಮದ್ ಖಾನ್ ಹಾಗೂ ಜಯತೀರ್ಥ ಪಂಚಮುಖಿ ನೀಡಲಿದ್ದಾರೆ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಯೋಗದಲ್ಲಿ ಆಯೋಜಿಸಲಾದ ಸ್ವರ ನಮನ ಕಾರ್ಯಕ್ರಮದಲ್ಲಿ ನಾಡಿನ ಖ್ಯಾತನಾಮ ಕಲಾವಿದರು ಪಾಲ್ಗೊಳ್ಳಲಿದ್ದಾರೆ.
ಹರ್ಷವರ್ಧನ್ ವಿ. ಶೀಲವಂತ್
CAM FELLOW, ARGHYAM FELLOW
Chairman, (Planning, Research, Implementation & Advocacy)
Nature Research Center, (Regd) Dharwad.
98865 21664
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
