ಭೂಕುಸಿತ, ವಿಪರೀತ ಮಳೆ, ನೆರೆಯಂತಹ ಪ್ರಾಕೃತಿಕ ವಿಕೋಪಗಳನ್ನು ಯಾರೂ ಬಯಸುವುದಿಲ್ಲ. ಆದರೆ ಇವುಗಳು ಮನುಷ್ಯನ ದೈನಂದಿನ ಬದುಕಿಗೆ ಅಡ್ಡಿವುಂಟು ಮಾಡುತ್ತಲೇ ಇರುತ್ತದೆ. ಭಾರತದ ಅರುಣಾಚಲ ಪ್ರದೇಶ, ಉತ್ತರಾಖಂಡದಂತಹ ಪ್ರದೇಶಗಳಲ್ಲಿ ಆಗಾಗ ಸಂಭವಿಸುವ ಭೂಕುಸಿತಗಳು ಹಲವಾರು ಮಂದಿಯ ಜೀವವನ್ನೇ ಬಲಿತೆಗೆದುಕೊಂಡಿದೆ.
ಇತ್ತೀಚಿಗೆ ಅರುಣಾಚಲ ಪ್ರದೇಶದಲ್ಲಿ ಸಂಭವಿಸಿದ ಭಯಾನಕ ಭೂಕುಸಿತ ಭಾರೀ ಅನಾಹುತವನ್ನು ಸೃಷ್ಟಿಸಿತ್ತು. ಹಲವರ ಪ್ರಾಣ ಅಪಾಯದಲ್ಲಿತ್ತು. ಈ ವೇಳೆ ನಮ್ಮ ಹೆಮ್ಮೆಯ ವಾಯುಸೇನೆ ಮಧ್ಯಪ್ರವೇಶಿಸಿ ಜನರನ್ನು ರಕ್ಷಿಸುವ ಕಾರ್ಯ ಮಾಡಿತ್ತಿತ್ತು. ಆದರೆ ದುರಾದೃಷ್ಟವೆಂದರೆ ಜನರನ್ನು ರಕ್ಷಿಸಲು ಧಾವಿಸಿ ಬಂದ ಅದರ ಅಧಿಕಾರಿಯೇ ಇನ್ನೆಂದು ಬಾರದ ಲೋಕಕ್ಕೆ ಪ್ರಯಾಣಿಸಿದ್ದಾರೆ.
ವಿಂಗ್ ಕಮಾಂಡರ್ ಮನ್‌ದೀಪ್ ಸಿಂಗ್ ದಿಲ್ಲಾನ್ ಜುಲೈ ೪ರಂದು ಸಂಭವಿಸಿದ ಪ್ರಕೃತಿ ವಿಕೋಪದಲ್ಲಿ ಜನರನ್ನು ರಕ್ಷಿಸಲು ತಮ್ಮ ಪ್ರಾಣ ಪಣಕ್ಕಿಟ್ಟು ವೀರ ಮರಣವನ್ನು ಪಡೆದವರು. ತಮ್ಮ 18 ವರ್ಷದ ಸೇವೆಯಲ್ಲಿ ಹಲವಾರು ಪ್ರಕೃತಿ ವಿಕೋಪಗಳ ವಿರುದ್ಧ ಹೋರಾಡಿ ಜನರ ಜೀವ ರಕ್ಷಿಸಿದ ಒಬ್ಬ ಧ್ರುವ ತಾರೆ ಇವರು.
ಆದರೆ ಜುಲೈ ೪ರ ಅರುಣಾಚಲ ಪ್ರದೇಶದಲ್ಲಿನ ಕಾರ್ಯಾಚರಣೆಯಲ್ಲಿ ಭೂಕುಸಿತ ಅವರ ಜೀವವನ್ನೇ ಬಲಿತೆಗೆದುಕೊಂಡಿತ್ತು. ಸಾಯುವುದಕ್ಕೂ ಮುನ್ನ ಸಗಲೀ ಗ್ರಾಮದಲ್ಲಿನ 169 ಮಂದಿಯನ್ನು ರಕ್ಷಿಸಿದ ಮಹತ್ಕಾರ್ಯ ಮಾಡಿದ್ದಾರೆ.
ಅಪಾಯದಲ್ಲಿದ್ದ ಜನರ ರಕ್ಷಣೆಗೆಂದು ತಮ್ಮ ತಂಡ ಸಮೇತ ಏರ್‌ಕ್ರಾಫ್ಟ್‌ನೊಂದಿಗೆ ಬಂದ ಇವರು ವಾತಾವರಣ ಸರಿಯಿಲ್ಲ ಜನರ ಪ್ರಾಣವನ್ನು ಸಂಕಷ್ಟಕ್ಕೀಡು ಮಾಡುವುದು ಬೇಡ ಎಂದು ಖಾಲಿ ಹೆಲಿಕಾಫ್ಟರ್‌ನೊಂದಿಗೆಯೇ ಮೇಲಕ್ಕೆ ಹಾರಿದಾಗ ಪತನಗೊಂಡು ಜೀವ ತೆತ್ತಿದ್ದಾರೆ. ಇವರೊಂದಿಗೆ ಎಂಜಿನಿಯರ್, ಪೊಲೀಸ್ ಕೂಡ ವೀರ ಮರಣ ಪಡೆದಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
