ಇಶಾ ಬ್ಲೋಖ್ರಾ 7 ವರ್ಷದ ಬಾಲೆ. ಜಾಗತಿಕ ತಾಪಮಾನ, ಹವಮಾನ ವೈಪರೀತ್ಯಗಳ ಬಗ್ಗೆ ತೀರಾ ಇತ್ತೀಚಿಗೆ ತಿಳಿದುಕೊಂಡಾಕೆ. ಆದರೆ ಈ ಸಮಸ್ಯೆಗಳನ್ನು ಮಟ್ಟ ಹಾಕಲು ಈಗಿನಿಂದಲೇ ಈ ಪುಟಾಣಿ ಕಾರ್ಯಪ್ರವೃತ್ತಳಾಗಿದ್ದಾಳೆ. ಅದಕ್ಕಾಗಿ ಅಮೆರಿಕಾದ ನ್ಯೂಜೆರ್ಸಿಯಿಂದ ಭಾರತಕ್ಕೆ ಆಗಮಿಸಿ 750 ಗಿಡಗಳನ್ನು ನೆಟ್ಟು ಪ್ರೇರಣಾದಾಯಕ ಸಂದೇಶವನ್ನು ಪಸರಿಸಿದ್ದಾಳೆ.
ಒಂದು ಮರದಿಂದ 6 ಜನರಿಗೆ ಜೀವನ ಪರ್ಯಂತದ ಆಮ್ಲಜನಕ ಸಿಗುತ್ತದೆ ಎಂಬುದನ್ನು ತನ್ನ ಶಿಕ್ಷಕರಿಂದ ತಿಳಿದುಕೊಂಡಿದ್ದ ಈಶಾ ತನ್ನ ತಂದೆಯ ಹುಟ್ಟುಹಬ್ಬವನ್ನು ಗಿಡ ನೆಡುವ ಮೂಲಕ ಆಚರಿಸಿಕೊಂಡಿದ್ದಳು, ಇದಕ್ಕೆ ಆಕೆಯ ಕುಟುಂಬದ ಪ್ರೋತ್ಸಾಹವೂ ಸಿಕ್ಕಿತು. ಮಾತ್ರವಲ್ಲ ತಮ್ಮೆಲ್ಲರ ಇದುವರೆಗಿನ ಹುಟ್ಟುಹಬ್ಬದ ಲೆಕ್ಕ ಹಾಕಿ 750 ಗಿಡಗಳನ್ನು ನೆಡಲು ಅವರು ನಿರ್ಧರಿಸಿದರು.
ಜೂನ್‌ನಲ್ಲಿ ತನ್ನ ಅಜ್ಜ ಅಜ್ಜಿಯ 50ನೇ ವಿವಾಹ ವಾರ್ಷಿಕೋತ್ಸವಕ್ಕೆಂದು ಬಂದ ಈಶಾ ಮತ್ತು ಆಕೆಯ ಕುಟುಂಬ ಇಲ್ಲಿ ಗಿಡ ನೆಡುವ ಅಭಿಯಾನಕ್ಕೆ ಚಾಲನೆ ನೀಡಿದೆ. ಇದಕ್ಕಾಗಿ ಎಲ್ಲರ ಸಹಾಯವನ್ನೂ ಈ ಕುಟುಂಬ ಪಡೆದಿದೆ. ಸಿಂಗಲ್ ದಲೇರ್ ಸಿಂಗ್‌ರನ್ನು ಫೇಸ್‌ಬುಕ್ ಮೂಲಕ ಸಂಪರ್ಕಿಸಿ ಅವರ ನೆರವೂ ಪಡೆದಿದೆ. ದಲೇರ್ ಅವರ ಹಸಿರು ಅಭಿಯಾನದಿಂದ ದೆಹಲಿಯಲ್ಲಿ 1998ರಿಂದ ಇದುವರೆಗೆ 8 ಲಕ್ಷ ಮರಗಳು ತಲೆ ಎತ್ತಿವೆ.
ಇದೀಗ ಇಶಾ ಅಭಿಯಾನಕ್ಕೆ ಇಶಾ ದಲೇರ್ ಆಕ್ಸಿಜನೇಟ್ ಡ್ರೈವ್ ಎಂದು ಹೆಸರಿಡಲಾಗಿದೆ. ಇದರ ಮುಖೇನ್ ಗಿಡಗಳನ್ನು ನೆಡುವ ಕಾಯಕ ಭರದಿಂದ ಸಾಗುತ್ತಿದೆ.
ಭವಿಷ್ಯದ ಪ್ರಜೆಗಳಾದ ಮಕ್ಕಳು ಇಂದಿನಿಂದಲೇ ಇಶಾಳ ರೀತಿ ಪ್ರಕೃತಿ ಸಂರಕ್ಷಣೆಗೆ ಮುಂದಾದರೆ ಮುಂದೊಂದು ದಿನ ಹಸಿರು ಕಂಗೊಳಿಸಿ ಬದುಕು ಬಂಗಾರವಾಗುದರಲ್ಲಿ ಸಂಶಯವಿಲ್ಲ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
