ಭೂ ಅತಿಕ್ರಮಣಕಾರರ, ಕೈಗಾರಿಕೆಗಳ ದುರಾಸೆಯ ಫಲವಾಗಿ ನಗರಗಳಲ್ಲಿನ ಕೆರೆಗಳು ಅವಸಾನದ ಅಂಚಿಗೆ ಹೋಗಿವೆ. ಒಂದು ಕಾಲದಲ್ಲಿ ಜನರಿಗೆ, ದನ ಕರುಗಳಿಗೆ, ಹಕ್ಕಿಗಳಿಗೆ ಜೀವ ಜಲ ನೀಡುತ್ತಿದೆ ಕೆರೆಗಳು ಇಂದು ರಾಸಾಯನಿಕಗಳಿಂದ ತುಂಬಿದ ವಿಷವಾಗಿದೆ.
ಕೆರೆಗಳ ಈ ಅವಸ್ಥೆಯನ್ನು ಕಂಡು ತೀವ್ರ ವೇದನೆ ಪಡುತ್ತಿದ್ದ ಚೆನ್ನೈನ ಯುವಕ ಅರುಣ್ ಕೃಷ್ಣಮೂರ್ತಿ ಕೆರೆಗಲ ಪುನರುಜ್ಜೀವನಕ್ಕೆಂದೇ 2007ರಲ್ಲಿ ಎನ್ವಿರಾನ್‌ಮೆಂಟಲ್ ಫೌಂಡೇಶನ್ ಇನ್ ಇಂಡಿಯಾ ಎಂಬ ಸಂಸ್ಥೆಯನ್ನು ಹುಟ್ಟು ಹಾಕಿದರು. ಚೆನ್ನೈನ ಸುತ್ತಮುತ್ತಲ ಕೆರೆಗಳಿಗೆ ಮರುಜೀವ ಕೊಡುವುದು ಅವರ ಗುರಿಯಾಗಿತ್ತು.
ಚೆನ್ನೈನ ಒಂದು ಕೆರೆಯಿಂದ ಆರಂಭವಾದ ಇವರ ಸಂಸ್ಥೆಯ ಕಾರ್ಯ ಇಂದು ತಮಿಳುನಾಡು, ಕೇರಳ, ಕರ್ನಾಟಕ, ಆಂಧ್ರ, ಪುದುಚೇರಿ, ಗುಜರಾತ್‌ನ 39 ಕೆರೆಗಳನ್ನು ಮತ್ತು 48 ಕೊಳಗಳಿಗೆ ಮರು ಜೀವ ನೀಡಿದೆ.
ಸ್ವಯಂಸೇವಕರ ಸಹಾಯದಿಂದ ಈ ಸಂಸ್ಥೆ ಕರೆಗಳನ್ನು, ಕೊಳಗಳನ್ನು ಪುನರುಜ್ಜೀವನಗೊಳಿಸುವ ಕಾರ್ಯವನ್ನು ಕಳೆದ ೧೦ ವರ್ಷದಿಂದ ನಿರಂತರ ಮಾಡುತ್ತಿದೆ. ದೇಶದ ಪರಿಸರಕ್ಕೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಜನರಿಗೆ ಒಂದಾಗಲು ಇದು ವೇದಿಕೆಯನ್ನೂ ಕಲ್ಪಿಸಿಕೊಡುತ್ತಿದೆ.
ದೇಶದಲ್ಲಿನ ಕೆರೆಗಳನ್ನು ದತ್ತು ಪಡೆದು ಅದರ ನೀರನ್ನು ಪರೀಕ್ಷೆಗೊಳಪಡಿಸಿ ಬಳಿಕ ಅದನ್ನು ಶುಚಿಗೊಳಿಸುವ, ಕೆರೆಯನ್ನು ಸ್ವಚ್ಛ ಮಾಡಿ, ಹೂಳೆತ್ತಿ ಸರಿಪಡಿಸುವ ಕಾರ್ಯವನ್ನು ಇದು ಮಾಡುತ್ತದೆ.
ಬೀದಿ ನಾಟಕ, ಸಾಕ್ಷ್ಯಚಿತ್ರ, ಜನರೊಂದಿಗೆ ಸಂವಹನ ಮಾಡುವ ಮೂಲಕ ಪರಿಸರ, ಜಲ ಸಂರಕ್ಷಣೆಯ ಮಹತ್ವದ ಬಗ್ಗೆ ಅರಿವು ಮೂಡಿಸುವ ಕಾರ್ಯವನ್ನು ಇದು ಮಾಡುತ್ತದೆ.
ಎನ್ವಿರಾನ್‌ಮೆಂಟಲಿಸ್ಟ್ ಫೌಂಡೇಶನ್ ಆಫ್ ಇಂಡಿಯಾದ ಸಾಮೂಹಿಕ ಜಾಗೃತಿ ಕಾರ್ಯಕ್ರಮದಲ್ಲಿ ಯಾರು ಬೇಕಾದರು ಸ್ವಯಂಸೇವಕರಾಗಿ ಭಾಗವಹಿಸಬಹುದಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
