ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ ಇಂದು ತಮ್ಮ 31 ನೇ ಮನ್ ಕಿ ಬಾತ್ ರೇಡಿಯೋ ಕಾರ್ಯಕ್ರಮದಲ್ಲಿ ದೇಶವನ್ನುದ್ದೇಶಿಸಿ ಮಾತನಾಡಿದರು.
ಮೊದಲಿಗೆ ಮೈ ಗವರ್ನ್ಮೆಂಟ್, ನರೇಂದ್ರ ಮೋದಿ ಆ್ಯಪ್ಗಳಿಗೆ ಬಂದಿರುವ ಸಲಹೆಗಳಿಗೆ ಧನ್ಯವಾದಗಳನ್ನು ತಿಳಿಸಿದರು.
ಪೋಸ್ಟ್ ಕಾರ್ಡ್ ಮೂಲಕ ವಿವಿಧ ಸಂದೇಶ, ಚಿಂತನೆ ಸಲಹೆಗಳನ್ನು ಕಳುಹಿಸಿದ ಜನರಿಗೆ ಜನರಿಗೆ ಮೋದಿ ಧನ್ಯವಾದಗಳನ್ನು ತಿಳಿಸಿದರು.
ಅಲ್ಲದೆ ಇಂದು ರಾಜ್ಯ ದಿನಾಚರಣೆ ಆಚರಿಸುತ್ತಿರುವ ಮಹಾರಾಷ್ಟ್ರ ಮತ್ತು ಗುಜರಾತಿಗೆ ಅಭಿನಂದನೆ ತಿಳಿಸಿದ ಅವರು, ಈ ರಾಜ್ಯಗಳು ದೇಶದ ಅಭಿವೃದ್ಧಿಗೆ ಸಾಕಷ್ಟು ಕೊಡುಗೆಗಳನ್ನು ನೀಡುತ್ತಿದೆ ಎಂದರು.
ಇತ್ತೀಚೆಗೆ ವಿಐಪಿಗಳ ಕೆಂಪು ದೀಪದ ನಿಷೇಧ ಬಗ್ಗೆ ವಿಷಯ ಪ್ರಸ್ತಾಪಿಸಿದ ಅವರು ಹೊಸ ಭಾರತದಲ್ಲಿ ವಿಐಪಿಗಳಿಲ್ಲ, ಈ ದೇಶದ ಪ್ರತಿಯೊಬ್ಬ ನಾಗರೀಕನೂ ಅತಿ ಪ್ರಮುಖ ವ್ಯಕ್ತಿ ಎಂದರು.
ಬಡವ ಮತ್ತು ಶ್ರೀಮಂತರ ನಡುವಿನ ಅಂತರ ಕೇವಲ ಆರ್ಥಿಕವಾಗಿ ಮಾತ್ರವಲ್ಲದೆ, ಸಂವಹನದ ಮೂಲಕವೂ ತಗ್ಗಿಸಬೇಕು. ಬಡವ ಮತ್ತು ಶ್ರೀಮಂತರ ಮಕ್ಕಳು ಜೊತೆಯಾಗಿ ಆಡಬೇಕು ಎಂದರು.
ಅಲ್ಲದೆ ಭೀಮ್ ಆ್ಯಪ್ನ್ನು ಬಳಸುವಂತೆ ಯುವಕರಿಗೆ ಕರೆ ನೀಡಿದ ಅವರು, ಸರ್ಕಾರದ ಯೋಜನೆಗಳ ಬಗ್ಗೆ ಹೆಚ್ಚು ಅರಿವು ಪಡೆಯಬೇಕು ಎಂದರು.
ಬೇಸಿಗೆ ಬಗ್ಗೆ ಪ್ರಸ್ತಾಪ ಮಾಡಿದ ಅವರು, ಕೆಲವು ಮಕ್ಕಳು ಹಕ್ಕಿಗಳಿಗೆ ತಟ್ಟೆಯಲ್ಲಿ ನೀರಿಡುವ ಮೂಲಕ ಅವುಗಳ ಬಾಯಾರಿಕೆಯನ್ನು ತಣಿಸುತ್ತಿದ್ದಾರೆ. ಅವರ ಕಾರ್ಯ ನಿಜಕ್ಕೂ ಶ್ಲಾಘನೀಯ. ನಮ್ಮ ಮನೆಗೆ ಆಗಾಗ ಆಗಮಿಸುವ ಪೋಸ್ಟ್ ಮ್ಯಾನ್, ಮಿಲ್ಕ್ ಮ್ಯಾನ್ ಮುಂತಾದವರಿಗೆ ನಾವು ನೀರು ಕೊಡಬೇಕು ಎಂದರು.
ದೇಶವನ್ನು ಪರಿವರ್ತಿಸುವ ಸಲುವಾಗಿ ನಮ್ಮನ್ನು ನಾವು ತೊಡಗಿಸಿಕೊಳ್ಳಬೇಕು ಎಂದರು.
ಸಮಾಜ ಮತ್ತು ಸಾಮಾಜಿಕ ಸಮಾನತೆಗಾಗಿ ಮಹತ್ವದ ಕೊಡುಗೆಯನ್ನು ನೀಡಿದ ಶ್ರೀ ರಾಮಾನುಜಾಚಾರ್ಯರ ಸಾವಿರದ ಜಯಂತಿಯನ್ನು ಆಚರಿಸಲು ಸಂತೋಷವೆನಿಸುತ್ತಿದೆ ಎಂದರು.
ಜನರು ಹೊಸ ಹೊಸ ಕೌಶಲ್ಯಗಳನ್ನು ಕಲಿಯಬೇಕು, ನಾವು ತಿಳಿದುಕೊಳ್ಳುವುದು ಮತ್ತು ಇತರರಿಗೆ ಕಲಿಸಿಕೊಡುವುದು ಸಾಕಷ್ಟು ಇದೆ ಎಂದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.