ನವದೆಹಲಿ: ಕಾಶ್ಮೀರದಲ್ಲಿನ ಉದ್ವಿಗ್ನ ಪರಿಸ್ಥಿತಿಯನ್ನು ಸರಿಪಡಿಸಲು ಪ್ರತ್ಯೇಕತಾವಾದಿಗಳೊಂದಿಗೆ ಅಥವಾ ಆಜಾದಿ ಬೇಕೆಂದು ಕೂಗುತ್ತಿರುವವರೊಂದಿಗೆ ಎಂದಿಗೂ ಮಾತುಕತೆ ನಡೆಸುವುದಿಲ್ಲ ಎಂದು ಶುಕ್ರವಾರ ಕೇಂದ್ರ ಸುಪ್ರೀಂಕೋರ್ಟ್ಗೆ ಸ್ಪಷ್ಟಪಡಿಸಿದೆ.
ಪೆಲ್ಲಟ್ ಗನ್ಗಳನ್ನು ಬಳಸುವುದರ ವಿರುದ್ಧ ಜ.ಕಾಶ್ಮೀರ ಬಾರ್ ಅಸೋಸಿಯೇಶನ್ ಸಲ್ಲಿಸಿದ್ದ ಪಿಟಿಷನ್ನ ವಿಚಾರಣೆ ನಡೆಸುತ್ತಿದ್ದ ವೇಳೆ ಸುಪ್ರೀಂಕೋರ್ಟ್ಗೆ ಕೇಂದ್ರ ಈ ಹೇಳಿಕೆ ನೀಡಿದೆ.
ಹುರಿಯತ್ ನಾಯಕರೊಂದಿಗೆ ಕೇಂದ್ರ ಮಾತುಕತೆ ನಡೆಸಬೇಕೆಂದು ಬಾರ್ ಅಸೋಸಿಯೇಶನ್ ಬಯಸಿದೆ. ಆದರೆ ಕೇಂದ್ರ ತಾನೆಂದಿಗೂ ಪ್ರತ್ಯೇಕತಾವಾದಿಗಳೊಂದಿಗೆ ಮಾತುಕತೆ ನಡೆಸುವುದಿಲ್ಲ, ಜನರ ಪರವಾಗಿ ಮಾತನಾಡಲು ಕಾನೂನಿನ ಹಕ್ಕು ಇರುವವರೊಂದಿಗೆ ಮಾತ್ರ ಮಾತನಾಡುತ್ತೇನೆ ಎಂದು ಸ್ಪಷ್ಟಪಡಿಸಿದೆ.
ಮಾತುಕತೆಗೆ ಅರ್ಹರಿರುವ ಜನರ ಹೆಸರನ್ನು ತನಗೆ ಸೂಚಿಸುವಂತೆ ಸುಪ್ರೀಂ ಬಾರ್ ಅಸೋಸಿಯೇಶನ್ಗೆ ಸೂಚಿಸಿದೆ.
ಅಲ್ಲದೇ ಬಾರ್ ಅಸೋಸಿಯೇಶನ್ ಕಲ್ಲು ತೂರಾಟವನ್ನು ನಿಲ್ಲಿಸುವ ಭರವಸೆ ನೀಡಿದರೆ ಮಾತ್ರ ಪೆಲ್ಲೆಟ್ ಗನ್ಗಳನ್ನು ಬಳಸದಂತೆ ಕೇಂದ್ರಕ್ಕೆ ಆದೇಶಿಸುವುದಾಗಿ ಹೇಳಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.