ನ್ಯೂಯಾರ್ಕ್: ಹೆಚ್ಚಿನ ವಲಸೆಯಿಂದಾಗಿ ಅಮೆರಿಕಾದಲ್ಲಿ 2007ರಿಂದ ಹಿಂದೂ ಜನಸಂಖ್ಯೆಯಲ್ಲಿ ಭಾರೀ ಹೆಚ್ಚಳವಾಗಿದೆ. ಇದೀಗ ಹಿಂದೂ ಧರ್ಮ ಅಲ್ಲಿ 4ನೇ ಅತಿದೊಡ್ಡ ಧರ್ಮವಾಗಿ ಹೊರಹೊಮ್ಮಿದೆ.
ಪ್ಯೂ ರಿಸರ್ಚ್ ಸೆಂಟರ್ ನಡೆಸಿದ ಅಮೆರಿಕಾದ ಧರ್ಮಗಳ ವಿಸ್ತೃತ ಅಧ್ಯಯನ ‘ರಿಲಿಜಿಯಸ್ ಲ್ಯಾಂಡ್‌ಸ್ಕೇಪ್ ಸ್ಟಡಿ’ ವರದಿಯಲ್ಲಿ ಈ ಅಂಶ ಬಹಿರಂಗವಾಗಿದೆ.
ಪ್ರಸ್ತುತ ಹಿಂದೂಗಳ ಸಂಖ್ಯೆ ಅಮೆರಿಕಾದಲ್ಲಿ 2.23 ಮಿಲಿಯನ್‌ಗೆ ತಲುಪಿದೆ. 2007ರಿಂದ ಹಿಂದೂ ಧರ್ಮದ ಸಂಖ್ಯೆಯಲ್ಲಿ ಶೇ.85.8ರಷ್ಟು ಹೆಚ್ಚಳವಾಗಿದೆ.
2007 ರಲ್ಲಿ ಅಮೆರಿಕಾದ ಒಟ್ಟು ಜನಸಂಖ್ಯೆ 301.2 ಮಿಲಿಯನ್ ಇತ್ತು ಅದರಲ್ಲಿ ಹಿಂದೂಗಳ ಸಂಖ್ಯೆ 1.2 ಮಿಲಿಯನ್ ಇತ್ತು. 2014 ರಲ್ಲಿ ಅಮೆರಿಕಾದ ಜನಸಂಖ್ಯೆ 318.88ಮಿಲಿಯನ್‌ಗೆ ಏರಿದ್ದು ಹಿಂದುಗಳ ಸಂಖ್ಯೆ 1.03 ಮಿಲಿಯನ್ ಏರಿಕೆಯನ್ನು ಕಂಡಿದೆ.
ಅಮೆರಿಕಾದಲ್ಲಿ ಶೇ.36ರಷ್ಟು ಹಿಂದೂಗಳ ವಾರ್ಷಿಕ ಆದಾಯ 100,000 ಡಾಲರ್‌ಗಿಂತ ಹೆಚ್ಚಿದೆ, ಶೇ.77ರಷ್ಟು ಹಿಂದೂಗಳ ಪದವಿ ಪಡೆದಿದ್ದಾರೆ, ಶೇ.48ರಷ್ಟು ಹಿಂದೂಗಳ ಸ್ನಾತಕೋತರ ಪದವಿಯನ್ನು ಪಡೆದುಕೊಂಡಿದ್ದಾರೆ ಎಂದು ವರದಿಯಿಂದ ತಿಳಿದು ಬಂದಿದೆ.
ಅಲ್ಲದೇ ಹಿಂದೂಗಳಲ್ಲಿ ವಿವಾಹ ವಿಚ್ಚೇಧನ ಅತಿ ಕಡಿಮೆ ಅಂದರೆ 5% ಇದೆ, ಹಿಂದುಗಳು ಅನ್ಯಧರ್ಮೀಯರನ್ನು ಮದುವೆಯಾಗುವ ಸಂಭವ ಅತ್ಯಲ್ಪ. 91% ಹಿಂದುಗಳ ಸಂಗಾತಿಗಳು ಹಿಂದು ಧರ್ಮದವರೇ ಆಗಿದ್ದಾರೆ ಎಂದು ವರದಿ ತಿಳಿಸಿದೆ.
ಹಿಂದುಗಳ ಸರಾಸರಿ ವಯಸ್ಸು 33 ವರ್ಷ, ಸ್ಯಾನ್ ಫ್ರಾನ್ಸಿಸ್ಕೋದ 5% ಜನಸಂಖ್ಯೆ ಹಾಗೂ ನ್ಯೂಯಾರ್ಕ್ ನ 3% ಜನಸಂಖ್ಯೆ ಹಿಂದುಗಳು. ಬಹುತೇಕ ಹಿಂದುಗಳು ಪಶ್ಚಿಮದಲ್ಲೂ(38%) ಹಾಗೂ ಈಶಾನ್ಯದಲ್ಲೂ(33%) ವಾಸಿಸುತ್ತಾರೆ ಎಂದು ತಿಳಿದು ಬಂದಿದೆ.
2050ಕ್ಕೆ ಅಮೆರಿಕಾದಲ್ಲಿನ ಹಿಂದೂಗಳ ಸಂಖ್ಯೆ 4.78ಮಿಲಿಯನ್ ಆಗಲಿದೆ ಎಂದು ಈ ಹಿಂದೆ ಪ್ಯೂ ರಿಸರ್ಚ್ ಸೆಂಟರ್ ಹೇಳಿತ್ತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
