ಸಚ್ಚಿದಾನಂದಮಯನಾದ ಪರಮಾತ್ಮನ ಮಹಿಮಾಜ್ಞಾನವನ್ನು ಮಾಡಿಕೊಡುವ ಪವಿತ್ರ ವಾಙ್ಮಯ ಅನಂತಾಕ್ಷರಗಳ ನಿಧಿಯಾದ ವೇದಗಳು. ಆದರೆ ತಮ್ಮ ತಪಃಸಿದ್ಧಿಯಿಂದ ಜಗತ್ತನ್ನೇ ಬೆಳಗುವ ಋಷಿ-ಮುನಿಗಳ ಅಂತರಂಗದಲ್ಲಿ ಅಭಿವ್ಯಕ್ತಿಯಾದ, ಗಹನಗಂಭೀರಾರ್ಥಗಳಿಂದ ಭರಿತವಾದ ವೇದಗಳನ್ನು ಅರ್ಥೈಸಿಕೊಳ್ಳುವುದು ಸುಲಭದ ಮಾತಲ್ಲ.
ಪರಮಾತ್ಮನ ಮಹಿಮಾಜ್ಞಾನವಿಲ್ಲದೇ ಸಂಸಾರಬಂಧನದಿಂದ ಬಿಡುಗಡೆ ಇಲ್ಲ. ಅನಂತಸುಖದ ನೆಲೆಯಾದ ಮೋಕ್ಷ ದೊರಕುವದಿಲ್ಲ. ಈ ಹಿನ್ನೆಲೆಯಲ್ಲಿ ಸಮಸ್ತ ಸುಜನರಿಗೆ ಧರ್ಮ- ಅರ್ಥ-ಕಾಮ-ಮೋಕ್ಷಗಳ ಮಹತ್ವವನ್ನು ತಿಳಿಸಲು ಭಗವಾನ್ ಶ್ರೀವೇದವ್ಯಾಸರು ಮಹಾಭಾರತ ಎಂಬ ಕೃತಿಯನ್ನು ಕರುಣಿಸಿದರು.
ಮಹಾಭಾರತವು ಪಂಚಮವೇದ ಎಂದು ಜಗತ್ಪ್ರಸಿದ್ಧವಾಗಿದೆ. ಇಂಥ ಮಹಾಭಾರತದ ಸಾರರೂಪವೇ ಭಗವದ್ಗೀತೆಯಾಗಿದೆ.
“ಮಹಾಭಾರತಪಾರಿಜಾತ ಮಧುಭೂತಾಂ ಗೀತಾಂ ಉಪನಿಬಬಂಧ”
ಮಹಾಭಾರತವೆಂಬ ಪಾರಿಜಾತವೃಕ್ಷದ ಮಧು (ಸವಿಜೇನು) ಭಗವದ್ಗೀತೆ ಎಂದು ವಿಶ್ವಗುರುಗಳಾದ ಶ್ರೀಮಧ್ವಾಚಾರ್ಯರು ಇದರ ಹಿರಿಮೆ-ಗರಿಮೆಗಳನ್ನು ಕೊಂಡಾಡಿದ್ದಾರೆ.
ಪಂ. ಸಮೀರಾಚಾರ್ಯ ಕಂಠಪಲ್ಲಿ
ಫಲಿಮಾರು ಭಂಡಾರುಕೇರಿ ಉಭಯ ಶ್ರೀಗಳ ಶಿಷ್ಯರು. ಶ್ರೀ ವಿದ್ಯಾಮಾನ್ಯತೀರ್ಥರ ಮೊದಲ ಶಿಷ್ಯ ಶ್ರೀ ಪೇಜಾವರ ಶ್ರೀಗಳು, ಕೊನೆಯ ಶಿಷ್ಯರೇ ಪಂ.ಶ್ರೀ ಸಮೀರಾಚಾರ್ಯ ಕಂಠಪಲ್ಲಿ. ಸುಧಾ, ವೇದಾಂತ, ಉಪನಿಷತ್, ಮಹಾಭಾರತ, ಭಾಗವತ ಇತ್ಯಾದಿಗಳ ಅಧ್ಯಯನ. ಗುರುಗಳೊಂದಿಗೆ ದೇಶ ಸುತ್ತುತ್ತಲೇ ಅಧ್ಯಯನಗೈದ ಸಂಚಾರಿ ವಿದ್ಯಾರ್ಥಿ. ಮೈಸೂರು ವಿಶ್ವವಿದ್ಯಾಲಯದ ಮಾನಸ ಗಂಗೋತ್ರಿಯಿಂದ ಸಂಸ್ಕೃತದಲ್ಲಿ ಎಂ.ಎ ಪದವಿ. ಸದ್ಯ ಹುಬ್ಬಳ್ಳಿ ನಿವಾಸಿ. ಪ್ರವಚನಗಳ ಮೂಲಕ ಅಧ್ಯಾತ್ಮಿಕ ಚಿಂತನೆಯನ್ನು ಪಸರಿಸುತ್ತಿದ್ದಾರೆ. ಯುವಜನತೆಯ ಮನೋಭಾವವನ್ನು ಧನಾತ್ಮಕತೆಯೆಡೆಗೆ ಕೊಂಡೊಯ್ಯುವುದೂ ಇವರ ಧ್ಯೇಯಗಳಲ್ಲೊಂದು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
