ಪಾಕ್ ಅಪಾಯಕಾರಿ ಆಟ ಆಡುತ್ತಿದೆ: ಪರಿಕ್ಕರ್

ಪಣಜಿ: ಖಾಲಿ ಹಡಗು ಹೆಚ್ಚು ಸದ್ದು ಮಾಡುತ್ತದೆ ಎನ್ನುವ ಮೂಲಕ ಮಾಜಿ ರಕ್ಷಣಾ ಸಚಿವ ಮನೋಹರ್ ಪರಿಕ್ಕರ್ ಅವರು ಪಾಕಿಸ್ಥಾನಕ್ಕೆ ಟಾಂಗ್ ನೀಡಿದ್ದಾರೆ.

ಕುಲಭೂಷಣ್ ಯಾದವ್ ಅವರಿಗೆ ಗಲ್ಲು ಶಿಕ್ಷೆಯನ್ನು ಘೋಷಿಸಲು ಪಾಕ್ ಮುಂದಾಗಿರುವ ಹಿನ್ನಲೆಯಲ್ಲಿ ಅವರು ಈ ಹೇಳಿಕೆ ನೀಡಿದ್ದಾರೆ.

‘ಕೊಂಕಣಿ ಮತ್ತು ಹಿಂದಿಯಲ್ಲಿ ಒಂದು ಗಾದೆ ಇದೆ. ಅದರರ್ಥ ಖಾಲಿಯಾಗಿರುವ ಹಡಗು ಹೆಚ್ಚು ಸದ್ದು ಮಾಡುತ್ತದೆ ಎಂದು. ಪಾಕಿಸ್ಥಾನ ಏನು ಹೇಳುತ್ತದೆಯೋ ಅದರ ಬಗ್ಗೆ ನಾವು ಹೆಚ್ಚು ತಲೆಕೆಡಿಸಿಕೊಳ್ಳಬಾರದು’ ಎಂದು ಅವರು ಹೇಳಿದ್ದಾರೆ.

ಸದಾ ಎಂಗೇಜ್ ಆಗಿರಲು ಅದಕ್ಕೆ ಒಂದಲ್ಲ ಮತ್ತೊಂದು ಕಾರಣಗಳು ಬೇಕು, ಈಗ ಅದು ಅಪಾಯಕಾರಿಗೆ ಆಟವನ್ನು ಆಡುತ್ತಿದೆ, ಒಂದು ವೇಳೆ ಭಾರತ ತಿರುಗಿಬಿದ್ದರೆ ತನ್ನ ಬಳಿ ಅದನ್ನು ಎದುರಿಸುವ ತಾಕತ್ತು ಇಲ್ಲ ಎಂಬುದನ್ನು ಪಾಕ್ ಅರ್ಥ ಮಾಡಿಕೊಳ್ಳಬೇಕು ಎಂದಿದ್ದಾರೆ.’

‘ಭಾರತಕ್ಕೆ ಶಾಂತಿ ಬೇಕಾಗಿದೆ, ಪ್ರಚೋದನೆಯನ್ನು ನಾವು ಬಯಸುವುದಿಲ್ಲ, ಇದಕ್ಕಾಗಿ ಜಾಧವ್‌ರನ್ನು ಭಾರತಕ್ಕೆ ಅದು ಒಪ್ಪಿಸಬೇಕು. ಎಲ್ಲಕ್ಕಿಂತ ಹೆಚ್ಚಾಗಿ ಅವರು ಜಾಧವ್‌ರನ್ನು ಹಿಡಿದಿಟ್ಟುಕೊಂಡಿದ್ದಾರೆ. ಅವರು ಪಾಕ್‌ನಲ್ಲಿರಲಿಲ್ಲ, ಇರಾನ್‌ನಲ್ಲಿದ್ದರು. ತಾಲಿಬಾನ್‌ಗಳು ಅವರನ್ನು ಕಿಡ್ನಾಪ್ ಮಾಡಿ ಪಾಕ್‌ಗೆ ಕರೆತಂದಿದ್ದಾರೆ ಎಂದು ಇರಾನ್ ಹೇಳಿದೆ. ಒಂದಲ್ಲ ಒಂದು ಕಾರ್ಯವನ್ನು ಮಾಡುವುದು ಪಾಕಿಸ್ಥಾನದ ಹವ್ಯಾಸ’ ಎಂದಿದ್ದಾರೆ.

ಪಾಕ್‌ಗೆ ಬೇಕಾದ ಉತ್ತರವನ್ನು ಸುಷ್ಮಾ ಸ್ವರಾಜ್ ನೀಡಿದ್ದಾರೆ. ನಾವು ಸುಮ್ಮನಿರಲ್ಲ, ಜಾಧವ್ ರಕ್ಷಣೆಗೆ ಬೇಕಾದ ಎಲ್ಲಾ ಪ್ರಯತ್ನ ನಡೆಸುತ್ತೇವೆ ಎಂದಿದ್ದಾರೆ.