ಚಿಂತೆ ಬಿಡಿ ಚಿಂತನೆ ನಡೆಸಿ: ಡಿ.ಸಿ.ಪಿ ಖನಗಾವಿ
ಹುಬ್ಬಳ್ಳಿ : ಯುವಜನತೆ ವಿದ್ಯುನ್ಮಾನ ಉಪಕರಣಗಳ ದಾಸರಾಗಿ, ಉತ್ಪಾದತೆಕಯ ಉತ್ಕಷ್ಟ ಸಮಯ ಹಾಳು ಮಾಡಿಕೊಂಡು ಚಿಂತೆಗೆ ಈಡಾಗದೇ, ಚಿಂತನೆ ಮಾಡುವುದಕ್ಕೆ ತಮ್ಮ ಅಮೂಲ್ಯ ಸಮಯ ಮೀಸಲಿಡಿ ಎಂದು ಹುಬ್ಬಳ್ಳಿ-ಧಾರವಾಡ ಮಹಾನಗರದ ಉಪ ಪೋಲಿಸ್ ಆಯುಕ್ತ ಜಿನೇಂದ್ರ ಖನಗಾವಿ ಹೇಳಿದರು.
ನಗರದ ಶೆಟ್ಟರ್ ಬಡಾವಣೆಯಲ್ಲಿರುವ ಗ್ಲೋಬಲ್ ವ್ಯವಹಾರ ನಿರ್ವಹಣೆ ಮಾಹಿತಿ ತಂತ್ರಜ್ಞಾನ ಮತ್ತು ವಾಣಿಜ್ಯ ಪದವಿ ಹಾಗೂ ಪದವಿ ಪೂರ್ವ ಮಹಾವಿದ್ಯಾಲಯದಲ್ಲಿ ವೀರ ಸನ್ಯಾಸಿ ಸ್ವಾಮಿ ವಿವೇಕಾನಂದರ 154 ನೇ ಜನ್ಮದಿನಾಚರಣೆ ಅಂಗವಾಗಿ ಜರುಗಿದ ರಾಷ್ಟ್ರೀಯ ಯುವ ದಿನಾಚರಣೆ ಸಮಾರಂಭಕ್ಕೆ ಚಾಲನೆ ನೀಡಿ ಮಾತಾನಾಡಿದರು.
ರಾಜ್ಯ ಲೆಕ್ಕಪರಿಶೋಧನಾ ಇಲಾಖೆ ಹಾವೇರಿಯ ಉಪನಿರ್ದೇಶಕ ಶಂಕರಾನಂದ ಬನಶಂಕರಿ ಮಾತನಾಡಿ, ವಿದ್ಯಾರ್ಥಿಗಳು ಸಚ್ಚಾರಿತ್ರ್ಯ, ಸ್ಪರ್ಧಾತ್ಮಕತೆ, ಬದ್ಧತೆ, ತಾಳ್ಮೆ ಹಾಗೂ ತ್ಯಾಗವೆಂಬ ಪಂಚಶೀಲ ತತ್ವಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡಲ್ಲಿ ಪುರುಷ ಸಿಂಹರಾಗಲು ಸಾಧ್ಯ ಎಂದರು.
ವಕೀಲ ವಿಶ್ವನಾಥ ಬಿಚ್ಚುಗತ್ತಿಯವರು ಮಾತನಾಡಿ, ಭಾರತದಲ್ಲಿ ಬ್ರಿಟಿಷರು ಬಿತ್ತಿದ ವಿಷಬೀಜದಿಂದ ಉಂಟಾದ ಘೋರ ಪರಿಣಾಮದ ನಿರ್ಮೂಲನೆಯಲ್ಲಿ ವಿವೇಕಾನಂದರ ತತ್ವ ಹಾಗೂ ಸಿದ್ಧಾಂತಗಳ ಪಾತ್ರ ಮಹತ್ವದ್ದು. ಕೇವಲ ೩೯ ವರ್ಷ ಬದುಕಿದ ವಿವೇಕಾನಂದರು ಸಾಮಾನ್ಯ ವಿದ್ಯಾರ್ಥಿ ಜೀವನದಿಂದ ಬಂದರೂ ಯುಗ ಪ್ರವರ್ತಕರಾದರು ಎಂದು ಹೇಳಿದರು.
ಗ್ಲೋಬಲ್ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಎನ್.ಬಿ ಹಿರೇಮಠ ಅಧ್ಯಕ್ಷತೆ ವಹಿಸಿದ್ದರು. ಸಂಸ್ಥೆಯ ಕಾರ್ಯದರ್ಶಿ ಪುಷ್ಪಾ ಹಿರೇಮಠ ಹಾಗೂ ಇತರರು ಉಪಸ್ಥಿತರಿದ್ದರು. ಸೋಮು ರೆಡ್ಡಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಅಶ್ವಿನಿ ಪ್ರಾರ್ಥಿಸಿದರು. ಡಾ.ಮಹೇಶ ದೇಶಪಾಂಡೆ ಸ್ವಾಗತಿಸಿದರು. ನಿತ್ಯಶ್ರೀ ಹಾಗೂ ರೇಬೆಕಾ ನಿರೂಪಿಸಿದರು. ಪ್ರೊ. ಶ್ವೇತಾ ಕೋಣನವರ ವಂದಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
