ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ

ಮುಲ್ಕಿ : ಶ್ರೀನಿವಾಸ ಆಸ್ಪತ್ರೆ ಮುಕ್ಕ ರೋಟರಿ ಸಮುದಾಯ ದಳ ಶಾಂತಿನಗರ ತಾಳಿಪಾಡಿ, ಗ್ರೀನ್ ಸ್ಟಾರ್ ಕ್ರಿಕೇಟರ್‍ಸ್ ಅಸೋಸಿಯೇಶನ್ ಶಾಂತಿ ನಗರ ಇವುಗಳ ಸಂಯುಕ್ತ ಆಶ್ರಯದಲ್ಲಿ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ ಹಾಗೂ 108 ಆಂಬ್ಯುಲೆನ್ಸ್ ಬಗ್ಗೆ ಮಾಹಿತಿ ಮತ್ತು ಪ್ರಾತ್ಯಕ್ಷಿಕೆ ಕಾರ್ಯಕ್ರಮವು ರವಿವಾರ ಗುತ್ತಕಾಡು ದ.ಕ.ಜಿ.ಪಂ.ಹಿ.ಪ್ರಾಥಮಿಕ ಶಾಲೆಯ ವಠಾರದಲ್ಲಿ ನಡೆಯಿತು.

ಕಾರ್ಯಕ್ರಮದಲ್ಲಿ ಆಶೀರ್ವಚನ ನೀಡಿದ ಶಾಂತಿನಗರ ಶ್ರೀ ಮೂಕಾಂಬಿಕಾ ದೇವಸ್ಥಾನದ ಧರ್ಮದರ್ಶಿ ವಿವೇಕಾನಂದ ಜನ ಸೇವೆಯೇ ಜನಾದನನ ಸೇವೆ ಎಂಬ ಮಾತಿನಂತೆ ಜನ ಸೇವೆಯೂ ದೇವರಿಗೆ ಅರ್ಪಿಸುವ ಒಂದು ರೀತಿಯ ಪೂಜೆ ಎಂದು ನುಡಿದರು.

ಸರಕಾರ ಹಾಗೂ ಸಂಘ ಸಂಸ್ಥೆಗಳು ನೀಡುವ ಎಲ್ಲಾ ತರಹದ ಉಚಿತ ಸೇವೆಗಳನ್ನು ಪಡೆದುಕೊಳ್ಳಲು ಹಿಂಜಿರಿಯುತ್ತಿದ್ದಾರೆ. ಆದರೆ, ಶ್ರೀನಿವಾಸ್ ಆಸ್ಪತೆಯ ನುರಿತ ವೈದ್ಯರ ತಂಡ ನೀಡುವ ಉತ್ಕೃಷ್ಠ ಸೇವೆಗೆ ಯಾವೊಬ್ಬರೂ ಅಂಜುವ ಅಳುಕುವ ಅಗತ್ಯವಿಲ್ಲ ಎಂದರು ಭರವಸೆ ನುಡಿದರು.

ಇತ್ತೀಚಿನ ದಿನಗಳಲ್ಲಿ ಆಸ್ಪತೆಗಳು ವ್ಯವಹಾರ ಕೇಂದ್ರಗಳಾಗಿ ಮಾರ್ಪಡುತ್ತಿವೆ ಎಂಬ ಆರೋಪಗಳಿದ್ದು, ಶ್ರೀನಿವಾಸ ಸಂಸ್ಥೆ ಈ ಆರೋಪಕ್ಕೆ ವಿರುದ್ಧವಾಗಿದ್ದುಕೊಂಡು ಎಲ್ಲಾ ವರ್ಗದವರಿಗೂ ಸಮಾನ ಹಾಗೂ ಉಚಿತ ಸೇವೆಗಳನ್ನು ನೀಡುವಂತಹಾ ಕ್ಯಾಂಪ್‌ಗಳನ್ನು ಮಾಡುವ ಮೂಲಕ ವಿಭಿನ್ನ ಎನಿಸಿದೆ ಎಂದು ನುಡಿದರು.

ಇದೇ ವೇಳೆ ೧೦೮ ಆರೋಗ್ಯ ಕವಚ ವಾಹನದ ಪೈಲೆಟ್‌ಗಳು 108 ಆಂಬುಲೆನ್ಸ್ ಬಗ್ಗೆ ಪ್ರಾತ್ಯಕ್ಚಿಕೆ ಸಹಿತ ಮಾಹಿತಿ ನೀಡಿದರು. ಕಿನ್ನಿಗೋಳಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಶ್ಯಾಮಲಾ ಹೆಗ್ಡೆ ಉದ್ಘಾಟಿಸಿದ ಕಾರ್ಯಕ್ರಮದಲ್ಲಿ ಪಂಚಾಯತ್ ಸದಸ್ಯ ಟಿ.ಎಲ್. ಮಯ್ಯದ್ದಿ ಅಧ್ಯಕ್ಷತೆ ವಹಿಸಿದ್ದರು.

ಶ್ರೀನಿವಾಸ್‌ನ ವೈದ್ಯಾಧಿಕಾರಿಗಳಾದ ಎಂ.ಅಣ್ಣಯ್ಯ ಕುಲಾಲ್, ಫ್ರೊಫೆಸರ್ ಶ್ರೀರಾಮ ಕಾರಂತ, ರೋಟರಿ ಸಮುದಾಯ ದಳದ ಅಧ್ಯಕ್ಷ ಸೈಯದ್ ಆಲಿ, ಕೆ.ಎಂ.ಜೆ. ಕಾರ್ಯದರ್ಶಿ ಟಿ.ಎ. ನಝೀರ್, ಗ್ರೀನ್ ಸ್ಟಾರ್ ಕ್ರಕೇಟರ್‍ಸ್‌ನ ಗೌರವಾಧ್ಯಕ್ಷ ಟಿ.ಕೆ. ಅಬ್ದುಲ್ ಖಾದರ್ ಮತ್ತಿತರರು ಉಪಸ್ಥಿತರಿದ್ದರು.