ಕಾರ್ಕಳ: ನೆಕ್ಲಾಜೆ ಶ್ರೀ ಕಾಳಿಕಾಂಬಾ ದೇವಸ್ಥಾನದ ದೇವಿಯ ಪ್ರತಿಷ್ಠಾ ವರ್ಧಂತಿಯಂದು ಕ್ಷೇತ್ರದ ಅಂಗ ಸಂಸ್ಥೆ ಶ್ರೀ ಕಾಳಿಕಾಂಬಾ ಭಜನಾ ಸೇವಾ ಸಮಿತಿಯು ಕಳೆದ ವರ್ಷ ನಡೆಸಿದ ದಶಲಕ್ಷ ಕುಂಕುಮಾರ್ಚನಾ ಕಾರ್ಯಕ್ರಮದ ಪೂರ್ವಸಂಕಲ್ಪದಂತೆ ಉಳಿಕೆಯ ಹಣದಲ್ಲಿ ಕ್ಷೇತ್ರದ ಸುತ್ತುಪೌಳಿಯ ಹೊರಾಂಗಣಕ್ಕೆ ೯.೫೦ ಲಕ್ಷ ರೂ. ವೆಚ್ಚದಲ್ಲಿ ತಗಡು ಚಪ್ಪರ ನಿರ್ಮಿಸಲ್ಪಟ್ಟಿದ್ದು, ಪರಮ ಪೂಜ್ಯ ಶ್ರೀ ಕಾಳಹಸ್ತೇಂದ್ರ ಸರಸ್ವತೀ ಮಹಾಸ್ವಾಮೀಜಿಯವರಿಂದ ಗುರುವಾರ ಸಮರ್ಪಿಸಲಾಯಿತು.
ಈ ಸಂದರ್ಭ ಆಶೀರ್ವಚನ ನೀಡಿದ ಸ್ವಾಮೀಜಿ, ಭಕ್ತರು ಭಗವಂತನ ಸನ್ನಿಗೆ ದೇಣಿಗೆ ನೀಡಿದ್ದನ್ನು ಸದುಪಯೋಗವಾಗುವಂತೆ ನೋಡಬೇಕು. ಭಕ್ತರ ಕಿಂಚಿತ್ತು ಕಾಣಿಕೆಯು ಮುಂದೆ ಭಗವಂತನ ಕೃಪೆಯಿಂದ ಇನ್ನೂ ಅಕ ರೀತಿಯಲ್ಲಿ ಕೊಡುವ ಶಕ್ತಿ ಕೊಡುತ್ತದೆ. ಭೂಮಿ ತಾಯಿಗೆ ಸ್ಚಲ್ಪ ಭತ್ತ ಹಾಕಿದರೂ, ಆಕೆ ನಮಗೆ ಅಕ ಭತ್ತ ನೀಡುತ್ತಾಳೋ ಹಾಗೆಯೇ ನಮ್ಮ ಸೇವೆಗೆ ತಕ್ಕ ಪ್ರತಿಫಲವನ್ನು ದೇವರು ನೀಡುತ್ತಾರೆ ಎಂದ ಅವರು, ದೇವಳದ ಮುಂದಿನ ಯೋಜನೆಗಳು ಯಶಸ್ವಿಯಾಗಿ ಪೂರ್ಣಗೊಳ್ಳಲಿ ಎಂದು ಹರಸಿದರು.
ಶ್ರೀ ದೇವಳದ ತಂತ್ರಿಗಳಾದ ಬ್ರಹ್ಮಶ್ರೀ ಉಮೇಶ ಪುರೋಹಿತ್, ಅಡಳಿತ ಮೊಕ್ತೇಸರ್ ಶಿಲ್ಪಿ ಕೆ ಸತೀಶ ಆಚಾರ್ಯ, ಜೊತೆ ಮೊಕ್ತೇಸರರಾದ ಕೆ. ಹರೀಶ ಆಚಾರ್ಯ ಮತ್ತು ರತ್ನಾಕರ ಆಚಾರ್ಯ ಕಟ್ಟಿಮಾರ್ ಉಪಸ್ಥಿತರಿದ್ದರು.
ಭಜನಾ ಸೇವಾ ಸಮಿತಿ ಅಧ್ಯಕ್ಷ ವೈ. ಜಗದೀಶ ಆಚಾರ್ಯ ಪ್ರಾಸ್ತಾವಿಕವಾಗಿ ಮಾತನಾಡಿದರು. ರತ್ನಾಕರ ಆಚಾರ್ಯ ಕಟ್ಟಿಮಾರ್ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಕೆ.ಹರೀಶ್ ಆಚಾರ್ಯ ವಂದಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
