ಗ್ರಾಮಾಭಿವೃದ್ಧಿಯಿಂದ ದೇಶದ ಅಭಿವೃದ್ದಿ ಸಾಧ್ಯ-ಎಸ್.ಅಂಗಾರ

ಪುತ್ತೂರು : ಗ್ರಾಮಾಭಿವೃದ್ಧಿಯಿಂದ ದೇಶದ ಅಭಿವೃದ್ದಿ ಸಾಧ್ಯ.ಗ್ರಾಮೀಣ ಭಾಗದ ಜನತೆಯ ಮೂಲಭೂತ ಅವಶ್ಯಕತೆಗಳು ಈಡೇರಿದಾಗ ಗಾಂಧಿ ಕಂಡ ರಾಮ ರಾಜ್ಯದ ಕನಸು ನನಸಾಗಲು ಸಾಧ್ಯ ಎಂದು ಸುಳ್ಯ ಶಾಸಕ ಎಸ್.ಅಂಗಾರ ಹೇಳಿದರು.ಸವಣೂರು ಗ್ರಾ.ಪಂ.ನ ವಾರ್ಡ್ 1ರಲ್ಲಿ ಸಂಸದರ,ಶಾಸಕರ,ಜಿ.ಪಂ,ತಾ.ಪಂ, ಗ್ರಾ.ಪಂ. ಅನುದಾನದಲ್ಲಿ ಅನುಷ್ಠಾನಗೊಂಡ ವಿವಿಧ ಕಾಮಗಾರಿಗಳ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು.

ಗ್ರಾಮೀಣ ಭಾಗದ ಅಭಿವೃದ್ದಿಗಾಗಿ ಸರಕಾರ ವಿವಿಧ ಯೋಜನೆಗಳನ್ನು ಜಾರಿಗೆ ತಂದಿದೆ.ಇವುಗಳನ್ನು ಸಮರ್ಪಕವಾಗಿ ಜನತೆ ಬಳಸಿಕೊಂಡಾಗ ಯೋಜನೆಯ ಯಶಸ್ವಿಗೆ ಸಾಧ್ಯ ಎಂದರು. ದ.ಕ.ಜಿ.ಪಂ.ಅಧ್ಯಕ್ಷೆ ಆಶಾ ತಿಮ್ಮಪ್ಪ ಗೌಡ ಮಾತನಾಡಿ,ಯಾವುದೇ ಯೋಜನೆಗಳು ಯಶಸ್ವಿಯಾಗಬೇಕಾದರೆ ಜನರ ಸಹಭಾಗಿತ್ವ ಅಗತ್ಯ. ಎಲ್ಲಾ ಯೋಜನೆಗಳು ಸಮರ್ಪಕವಾಗಿ ಅನುಷ್ಠಾನವಾಗುವಲ್ಲಿ ಸಾರ್ವಜನಿಕರ ಪಾತ್ರ ದೊಡ್ಡದು ಎಂದರು.

ಜಿ.ಪಂ.ಸದಸ್ಯೆ ಪುಷ್ಪಾವತಿ ಗೌಡ ಕಳುವಾಜೆ ಮಾತನಾಡಿ, ಈ ಹಿಂದೆ ಜಿ.ಪಂ.ಸದಸ್ಯರಾಗಿದ್ದ ದಿ.ಸಾವಿತ್ರಿ ಶಿವರಾಂ ಈ ಭಾಗದ ಅಭಿವೃದ್ದಿಗೆ ವಿಶೇಷವಾದ ಒತ್ತು ನೀಡಿ ವಿವಿಧ ಯೋಜನೆಗಳನ್ನು ಸ್ಥಳೀಯ ಜನಪ್ರತಿನಿಧಿಗಳ ಸಹಕಾರದಲ್ಲಿ ಅನುಷ್ಠಾನ ಮಾಡಿದ್ದಾರೆ. ಅವರು ಮಾಡಿದ ಕಾರ್ಯಗಳನ್ನು ನಾವು ಮುಂದುವರೆಸುತ್ತೇವೆ. ಕಳೆದ ೫ ವರ್ಷಗಳಿಂದ ಗ್ರಾಮೀಣ ಪ್ರದೇಶಗಳು ಅಭಿವೃದ್ದಿಯಾಗುತ್ತಿದೆ. ಇದರಲ್ಲಿ ಸ್ಥಳೀಯ ಜನಪ್ರತಿನಿಧಿಗಳ ಮುತುವರ್ಜಿ ದೊಡ್ಡದು ಎಂದರು.

ತಾ.ಪಂ.ಉಪಾಧ್ಯಕ್ಷ ದಿನೇಶ್ ಮೆದು,ಸವಣೂರು ಗ್ರಾ.ಪಂ.ಅಧ್ಯಕ್ಷ ವಸಂತ ಪೂಜಾರಿ,ಸದಸ್ಯರಾದ ಗಿರಿಶಂಕರ್ ಸುಲಾಯ , ಗೀತಾ ಸುಂದರ ಪೂಜಾರಿ ಮಡಕೆ ,ಅಬ್ದುಲ್ ರಝಾಕ್,ಸವಣೂರು ಪ್ರಾ.ಕೃ.ಪ.ಸ.ಸಂ.ದ ನಿರ್ದೇಶಕರಾದ ವೇದಾವತಿ ಧರ್ಮಪಾಲ ಗೌಡ ಕೆಡೆಂಜಿ, ನಿರ್ಮಲ ಕೇಶವ ಗೌಡ ಅಮೈ, ಚಾರ್ವಕ ಪ್ರಾ.ಕೃ.ಪ.ಸ.ಸಂ.ದ ಉಪಾಧ್ಯಕ್ಷ ಧರ್ಮೇಂದ್ರ ಕಟ್ಟತ್ತಾರು, ಸವಣೂರು ಯುವಕ ಮಂಡಲದ ನಿಯೋಜಿತ ಅಧ್ಯಕ್ಷ ರಾಜೇಶ್ ರೈ ಮೊಗರು ,ಉಪಾಧ್ಯಕ್ಷ ಸಚಿನ್ ಎಸ್ ,ಆರೆಲ್ತಡಿ ಓಂಕಾರ ಸೇವಾಸಮಿತಿಯ ಅಧ್ಯಕ್ಷ ಪ್ರವೀಣ್ ಆರೆಲ್ತಡಿ,ಕಾರ್ಯದರ್ಶಿ ಪ್ರಕಾಶ್ ಕೆ ,ಕೋಶಾಧಿಕಾರಿ ಪುನೀತ್ ಆರೆಲ್ತಡಿ,,ಗಣೇಶ್ ನಾಯ್ಕ ಕೆಡೆಂಜಿ ,ಸುಪ್ರಿತ್ ರೈ ಖಂಡಿಗ,ಸತೀಶ್ ಬಲ್ಯಾಯ ,ಗಣೇಶ್ ಶೆಟ್ಟಿ ಕುಂಜಾಡಿ,ಪದ್ಮಪ್ರಸಾದ್ ಆರಿಗ ಪಂಚೋಡಿ,ಸತೀಶ್ ಅಂಗಡಿಮೂಲೆ ,ಯೋಗೀಶ್ ಆರೆಲ್ತಡಿ,ಲಿಂಗಪ್ಪ ,ಕುಂಞ ನಲಿಕೆ , ಗಿರೀಶ್ ಮೆದು, ಯೋಗೀಶ್ ಆರೆಲ್ತಡಿ , ಸುಶಾಂತ್ ಕೆಡೆಂಜಿ, ವರುಣ್,ಪುಷ್ಪರಾಜ್ ಆರೆಲ್ತಡಿ , ಕುಶಾಲಪ್ಪ ಕುದ್ಮನಮಜಲು, ಅಶ್ರಫ್ ಕಾಸಿಲೆ, ಮುನೀರ್ ಮುಕ್ಕೂರು , ಉಮೇಶ್ ಆಚಾರ್ಯ, ಸಂತೋಷ್ ಪಟ್ಟೆ, ಜಗದೀಶ್ ಆರೆಲ್ತಡಿ ಮೊದಲಾದವರು ಉಪಸ್ಥಿತರಿದ್ದರು. ಸವಣೂರು ಗ್ರಾ.ಪಂ.ಸದಸ್ಯ ರಾಕೇಶ್ ರೈ ಕೆಡೆಂಜಿ ಸ್ವಾಗತಿಸಿ,ಪ್ರಕಾಶ್ ಕುದ್ಮನಮಜಲು ವಂದಿಸಿದರು.