ನ್ಯೂಯಾರ್ಕ್: ಸುಮಾರು 8ನೇ ಶತಮಾನದಷ್ಟು ಹಳೆಯ ಭಾರತದ ಎರಡು ಪ್ರತಿಮೆಗಳನ್ನು ವಿಶ್ವದ ಅತಿ ದೊಡ್ಡ ಹರಾಜು ಗೃಹ, ಅಮೇರಿಕದ ಕ್ರಿಸ್ಟೀಸ್‌ನಿಂದ ವಶಪಡಿಸಲಾಗಿದೆ.
ಮರಳುಕಲ್ಲಿನಿಂದ ತಯಾರಿಸಲಾಗಿದ್ದ ಈ ಕಲಾಕೃತಿಗಳನ್ನು ಭಾರತ ಸರ್ಕಾರ ಮತ್ತು ಇಂಟರ್‌ಪೋಲ್ ನೆರವಿನೊಂದಿಗೆ ಅಂತಾರಾಷ್ಟ್ರೀಯ ಮಟ್ಟದ ತನಿಖೆ ಮೂಲಕ ವಶಪಡಿಸಿಕೊಳ್ಳಲಾಗಿದೆ. ಈ ಕಲಾಕೃತಿಗಳನ್ನು ಕ್ರಿಸ್ಟೀಸ್ ಹರಾಜು ಗೃಹದಲ್ಲಿ ಮಾ.15ರಂದು ನಡೆಯಲಿರುವ ಏಷ್ಯಾ ವೀಕ್ ನ್ಯೂಯಾರ್ಕ್ ಫೆಸ್ಟಿವಿಟೀಸ್ ಕಾರ್ಯಕ್ರಮದಲ್ಲಿ ’ದಿ ಲಹಿರಿ ಕಲೆಕ್ಷನ್ಸ್: ಇಂಡಿಯನ್ ಎಂಡ್ ಹಿಮಾಲಯನ್ ಆರ್ಟ್ಸ್, ಎನ್ಷಿಯೆಂಟ್ ಎಂಡ್ ಮಾಡರ್ನ್’ನಲ್ಲಿ 4,50,000 ಡಾಲರ್‌ಗೆ ಹರಾಜಿಗಾಗಿ ಇಡಲಾಗಿತ್ತು.
ಅಪರೂಪದ ಮರಳುಗಲ್ಲಿನ ಸ್ಮಾರಕ ಸ್ತಂಭ ’ರಿಶಭನಾಥ’ ಕಲಾಕೃತಿ ರಾಜಸ್ಥಾನ ಅಥವಾ ಮಧ್ಯಪ್ರದೇಶದ ೧೦ನೇ ಶತಮಾನದ ಕಲಾಕೃತಿಗೆ ಸೇರಿದೆ ಎಂದು ನಂಬಲಾಗಿದೆ. ಮೊದಲ ಜೈನ ತೀರ್ಥಂಕರನನ್ನು ಬಿಂಬಿಸುವ ಈ ಕೆತ್ತನೆ ಸುಮಾರು 1,50,000 ಡಾಲರ್ ಮೌಲ್ಯ ಹೊಂದಿದೆ ಎಂದು ಅಂದಾಜಿಸಲಾಗಿದೆ.
ಮತ್ತೊಂದು ಕಲಾಕೃತಿ, ಅಶ್ವಾರೂಢ ದೇವತೆ ರೇವಂತನನ್ನು ಸೂಚಿಸುವಸುವ ಕಲಾಕೃತಿಯಾಗಿದ್ದು, ಇದರ ಮೌಲ್ಯ ಸುಮಾರು 3,00,000 ಡಾಲರ್ ಎಂದು ಅಂದಾಜಿಸಲಾಗಿದೆ.
ಈ ಸಂಬಂಧ ಓರ್ವನನ್ನು ವಿಚಾರಣೆಗೆ ಒಳಪಡಿಸಲಾಗಿದ್ದು, ಆತ ೭ ದೇಶಗಳಿಂದ ಲಕ್ಷಾಂತರ ಮಿಲಿಯನ್ ಡಾಲರ್ ಮೌಲ್ಯದ ಹಲವು ಕಲಾಕೃತಿಗಳನ್ನು ಕಳ್ಳತನ ಮಾಡಿರಬಹುದೆಂದು ಶಂಕಿಸಲಾಗಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
