ಕೇಂದ್ರದ ಭರವಸೆಯ ಹಿನ್ನಲೆ ಇಂದು ಭಾರತಕ್ಕೆ ಪಾಕ್ ತಂಡ

ಇಸ್ಲಾಮಾಬಾದ್: ಹಲವು ಗೊಂದಲಗಳ ಬಳಿಕ ಕೊನೆಗೂ ಪಾಕಿಸ್ಥಾನ ಕ್ರಿಕೆಟ್ ತಂಡ ಐಸಿಸಿ ವಿಶ್ವ ಟಿ20ಯಲ್ಲಿ ಭಾಗವಹಿಸಲು ಶನಿವಾರ ಭಾರತಕ್ಕೆ ಆಗಮಿಸುತ್ತಿದೆ.

ಭಾರತ ಸರ್ಕಾರ ಪಾಕ್ ಆಟಗಾರರ ಮತ್ತು ಅಭಿಮಾನಿಗಳ ಭದ್ರತೆಯ ಬಗ್ಗೆ ನೇರ ಭರವಸೆ ನೀಡಿದ ಹಿನ್ನಲೆಯಲ್ಲಿ ಭಾರತಕ್ಕೆ ಬರಲು ಪಾಕಿಸ್ಥಾನಿಯರು ಒಪ್ಪಿಕೊಂಡಿದ್ದಾರೆ.

ಕೇಂದ್ರ ಗೃಹಸಚಿವ ರಾಜನಾಥ್ ಸಿಂಗ್ ಅವರು, ಪಾಕಿಸ್ಥಾನ ತಂಡಕ್ಕೆ ಸಂಪೂರ್ಣ ಭದ್ರತೆ ನೀಡಲಾಗುವುದು, ಭದ್ರತೆಯ ಚಿಂತೆ ಮಾಡದೆ ಅವರು ಭಾರತಕ್ಕೆ ಪ್ರಯಾಣ ಬೆಳೆಸಬಹುದು ಎಂದು ಶುಕ್ರವಾರ ಹೇಳಿಕೆ ನೀಡಿದ್ದಾರೆ.

ಇದರ ತರುವಾಯ ಪಾಕಿಸ್ಥಾನ ಹೈಕಮಿಷನರ್ ಬಸಿತ್‌ರವರು ಭಾರತದ ಗೃಹ ಕಾರ್ಯದರ್ಶಿ ರಾಜೀವ್ ಮೆಹಶ್ರಿ ಅವರನ್ನು ದೆಹಲಿಯಲ್ಲಿ ಭೇಟಿಯಾಗಿ ಈ ಬಗ್ಗೆ ಮಾತುಕತೆ ನಡೆಸಿದ್ದಾರೆ. ಈ ವೇಳೆ ವರಿಗೆ ಭದ್ರತೆಯ ನೇರ ಭರವಸೆ ನೀಡಲಾಯಿತು ಎನ್ನಲಾಗಿದೆ.