ಬೆಳ್ತಂಗಡಿ : ಪಡ್ಯಾರಬೆಟ್ಟು ತುಂಬಾ ದೈವ ಕಾರಣಿಕದ ಸ್ಥಳ. ಭಕ್ತರಿಗೆ ಸದಾ ಅಭಯ ನೀಡುತ್ತಾ ಬಂದ ಈ ಕ್ಷೇತ್ರ ಸರ್ವರಿಗೂ ಸಂತೃಪ್ತಿದಾಯಕವಾಗಲಿ ಎಂದು ಜಿಲ್ಲಾ ಕೇಂದ್ರೀಯ ಬ್ಯಾಂಕ್ ಅಧ್ಯಕ್ಷ ಡಾ| ಎಂ.ಎನ್.ರಾಜೇಂದ್ರ ಕುಮಾರ್ ಆಶಿಸಿದರು.
ಅವರು ಈಚೆಗೆ ಪೆರಿಂಜೆ ಶ್ರೀ ಕ್ಷೇತ್ರ ಪಡ್ಯಾರಬೆಟ್ಟ ಕೊಡಮಣಿತ್ತಾಯ ದೈವಸ್ಥಾನದ ನೂತನ ಸಭಾಗೃಹ ಸಂತೃಪ್ತಿಯನ್ನು ಲೋಕಾರ್ಪಣೆಗೊಳಿಸಿ ಮಾತನಾಡಿದರು. ನಂಬಿದ ಭಕ್ತರ ಸಿದ್ಧ ಕ್ಷೇತ್ರವಾದ ಈ ಪಡ್ಯಾರಬೆಟ್ಟು ಕ್ಷೇತ್ರ ಜೀವಂಧರ ಕುಮಾರರ ಮುತುವರ್ಜಿಯಿಂದ ಬಹಳಷ್ಟು ಅಭಿವೃದ್ಧಿ ಹೊಂದಿ ನಡೆದುಬಂದಿದೆ ಎಂದು ಮೂಡಬಿದಿರೆ ಶ್ರೀ ಧನಲಕ್ಷೀ ಸಮೂಹ ಸಂಸ್ಥೆಗಳ ಉದ್ಯಮಿ ಕೆ.ಶ್ರೀಪತಿ ಭಟ್ ಹೇಳಿದರು. ಅವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಮಾತನಾಡಿದರು.
ಪಡ್ಯಾರಬೆಟ್ಟ ನಾಡಿನ ಭಕ್ತಾದಿಗಳಿಗೆ ಒಂದು ಪ್ರಮುಖ ಸ್ಥಳವಾದರೆ ಊರವರಿಗೆ ನಮಗೆಲ್ಲಾ ಮನೆಯಿದ್ದಂತೆ ಸಮಾಜದ ಅಭಿವೃದ್ಧಿಗೆ ಕ್ಷೇತ್ರದ ನೆರವು ಅಪಾರ ಎಂದು ಬೆಳ್ತಂಗಡಿ ಎಪಿಎಂಸಿ ಅಧ್ಯಕ್ಷ ಹಾಗೂ ಜಿಲ್ಲಾಪಂಚಾಯತ್ ನೂತನ ಚುನಾಯಿತ ಸದಸ್ಯ ಪಿ.ಧರಣೇಂದ್ರ ಕುಮಾರ್ ಹೇಳಿದರು.ಸಮಾರಂಭದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.
ನಮ್ಮ ಜೀವನದಲ್ಲಿ ಸ್ತ್ರೀ, ಬೋಜನ, ಸಂಪತ್ತು ಇವಲ್ಲಿ ಬಹಳಷ್ಟು ಜಾಗ್ರತೆ ವಹಿಸಬೇಕು ಎಂದು ಬಲ್ಲವರ ಮಾತಿದೆ. ಯಾಕೆಂದರೆ ಇವೆಲ್ಲ ತಕ್ಕ ಮಟ್ಟಿಗೆ ತೃಪ್ತವಾಗಿದ್ದರೇನೇ ಸುಗಮ, ಜಪ,ಅಧ್ಯಯನ, ದಾನ ಇವು ನಮ್ಮ ವ್ಯಕ್ತಿತ್ವವನ್ನು ಉನ್ನತಿಗೇರಿಸುತ್ತದೆ ಎಂದು ಅಳದಂಗಡಿ ಅರಮನೆ ಡಾ| ಪದ್ಮಪ್ರಸಾದ್ ಅಜಿಲ ಹೇಳಿದರು. ಅವರು ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ವೇದಿಕೆಯಲ್ಲಿ ಪೆರಿಂಜೆ ರಾಜ್ಯಗುತ್ತು ಮುಖ್ಯಸ್ಥ ಡಾ| ಶ್ರೀಧರ ಕಂಬಳಿ, ಹೊಸಂಗಡಿ ಗ್ರಾಮಪಂಚಾಯತ್ ಅಧ್ಯಕ್ಷೆ ಹೇಮಾ ವಸಂತ್, ಮಾರೂರು ಖಂಡಿಗ ರಾಮದಾಸ ಅಸ್ರಣ್ಣ ಉಪಸ್ಥಿತರಿದ್ದರು.
ಶ್ರೀ ಕ್ಷೇತ್ರ ಪಡ್ಯಾರಬೆಟ್ಟ ಕೊಡಮಣಿತ್ತಾಯ ದೈವಸ್ಥಾನ ಇದರ ಅನುವಂಶೀಯ ಮೊಕ್ತೇಸರ ಎ.ಜೀವಂಧರ ಕುಮಾರ್ ಸ್ವಾಗತಿಸಿ, ಪ್ರಸ್ತಾವಿಸಿ, ಭಕ್ತಾದಿಗಳ ಅನುಕೂಲಕ್ಕಾಗಿ ಶ್ರೀ ಕ್ಷೇತ್ರವನ್ನು ಅಭಿವೃದ್ಧಿ ಪಡಿಸಲಾಗಿದೆ. 1986 ರಿಂದ ಕ್ಷೇತ್ರ ಪುರೋಭಿವೃದ್ಧಿ ಕಂಡಿದ್ದು ಹಲವಾರು ಪ್ರಥಮಗಳನ್ನು ಆರಂಭಿಸಲಾಗಿದೆ. ಕ್ಷೇತ್ರದಲ್ಲಿ ಹೂವಿನ ಪೂಜೆ, ತಿಂಗಳ ಸಂಕ್ರಮಣ, ಸಂಕ್ರಮಣದಂದು ಭಕ್ತಾದಿಗಳಿಗೆ ಅನುಕೂಲವಾಗಲೆಂದು ಅನ್ನದಾನ, ಇದೀಗ ಸುಸಜ್ಜಿತ ಸಭಾಗೃಹ ಇದಕ್ಕೆ ಹೊಸ ಸೇರ್ಪಡೆ. ಕ್ಷೇತ್ರವು ಸಾಮಾಜಿಕವಾಗಿವಾಗಿಯೂ ಸುತ್ತಲಿನ ಊರುಗಳನ್ನು ಕೇಂದ್ರವಾಗಿಟ್ಟು ಸೇವೆ ನೀಡುತ್ತಿದೆ ಎಂದರು. ಉಪನ್ಯಾಸಕ ಎಂ.ಮಹಾವೀರ್ ಜೈನ್ ಕಾರ್ಯಕ್ರಮ ನಿರ್ವಹಿಸಿದರು. ಶ್ರೀ ಪದ್ಮ ಕಾಶ್ಯೂ ಸಂಸ್ಥೆಯ ಉದ್ಯಮಿ ವಿಕಾಸ್ ಬಾಲ್ನಗುತ್ತು ವಂದಿಸಿದರು.
ಕಾರ್ಯಕ್ರಮದ ಬಳಿಕ ಬಲೇ ತೆಲಿಪಾಲೆ ಪ್ರಶಸ್ಥಿವಿಜೇತ ಪ್ರವೀಣ್ ಮರ್ಕಮ ಮತ್ತು ತಂಡದವರಿಂದ ಕುಸಲ್ದ ಕುರ್ಲರಿ ಕಾರ್ಯಕ್ರಮ ನಡೆಯಿತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
