ಬೆಂಗಳೂರು: ಭಾರತೀಯ ರೈಲ್ವೆ ಕ್ಯಾಟರಿಂಗ್ ಮತ್ತು ಪ್ರವಾಸೋದ್ಯಮ ಕಾರ್ಪೋರೇಶನ್ ಲಿ. (ಐಅರ್‌ಸಿಟಿಸಿ) ಜನವರಿ ತಿಂಗಳಿನಲ್ಲಿ ದುಬೈ ಶಾಪಿಂಗ್ ಉತ್ಸವ ಅಂಗವಾಗಿ ಸಾರ್ವಜನಿಕರಿಗೆ ಭಾಗವಹಿಸಲು ಅನುಕೂಲವಾಗುವಂತೆ ದುಬೈ, ಅಬುಧಾಬಿ ಪ್ರವಾಸ ಪ್ಯಾಕೇಜ್‌ನ್ನು ಏರ್ಪಡಿಸಿದೆ.
ಜನವರಿ 22, 2016ರಂದು ಎಮಿರೇಟ್ಸ್ ಏರ್‌ಲೈನ್ಸ್ ಮೂಲಕ ದುಬೈ, ಅಬುಧಾಬಿಗೆ 20 ಮಂದಿ ಪ್ರವಾಸಿಗರ ತಂಡ ನಾಲ್ಕು ದಿನ, ಮೂರು ರಾತ್ರಿಗಳ ವಿಮಾನ ಪ್ರವಾಸ ಮಾಡಬಹುದಾಗಿದೆ ಎಂದು ಐಆರ್‌ಸಿಟಿಸಿ ವಕ್ತಾರ ತಿಳಿಸಿದ್ದಾರೆ. ಪ್ರತಿ ವ್ಯಕ್ತಿಗೆ ಪ್ರವಾಸ ವೆಚ್ಚ 62,600 ಇರಲಿದ್ದು, ಇದು ಪ್ರಯಾಣ ಟಿಟೆಟ್, ವಿಸಾ ವೆಚ್ಚ, ಓರ್ವ ಗೈಡ್, ಆಹಾರ ವ್ಯವಸ್ಥೆ, ಎ.ಸಿ. ಕೋಚ್‌ಗಳಲ್ಲಿ ರಸ್ತೆ ಸಾರಿಗೆ ವ್ಯವಸ್ಥೆ, ಪ್ರವಾಸ ಇನ್ಸುರೆನ್ಸ್ ಎಲ್ಲವನ್ನೂ ಹೊಂದಲಿದೆ ಎಂದು ತಿಳಿಸಿದೆ.
ಐಆರ್‌ಸಿಟಿಸಿ ಫೆ.12ರಿಂದ 18ವರೆಗೆ 7 ದಿನ, 6 ರಾತ್ರಿಗಳ ಗುವಾಹಟಿ, ಕಾಜಿರಂಗ, ಶಿಲ್ಲಾಂಗ್ ದೇಶೀಯ ಪ್ರವಾಸ ಪ್ಯಾಕೇಜ್ ಒದಗಿಸಲಿದ್ದು, ಪ್ರತಿ ವ್ಯಕ್ತಿಗೆ ಪ್ರವಾಸ ವೆಚ್ಚ 34,216 ಆಗಲಿದೆ.
ಫೆಬ್ರವರಿ 3ರಿಂದ 12ರ ವರೆಗೆ ಬೆಂಗಳೂರು, ಪುರಿ, ಕೋಲ್ಕಾತಾ, ಗಯಾ, ವಾರಣಾಸಿ ಮತ್ತು ಅಲಹಾಬಾದ್ 10 ದಿನಗಳ ಭಾರತ ದರ್ಶನ ರೈಲು ಪ್ರವಾಸ ಇರಲಿದೆ. ಇದರ ಪ್ರಾರಂಭಿಕ ಪ್ರವಾಸ ದರ 8,320 ಇರಲಿದೆ.
ಹೆಚ್ಚಿನ ವಿವರಗಳಿಗೆ 080-22960013/14 ಅಥವಾ 9686575201/02/03 ಸಂಪರ್ಕಿಸಲು ಪ್ರಕಟಣೆ ತಿಳಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
