ಮುಂಬಯಿ: ಭಾರತದ ಕಲಾವಿದ ವಾಸುದೇವ ಎಸ್.ಗೈತೊಂಡೆ ಅವರು ರಚಿಸಿದ್ದ ಆಯಿಲ್ ಪೇಂಟಿಂಗ್ ಬರೋಬ್ಬರಿ 293 ಮಿಲಿಯನ್ ರೂಪಾಯಿ(4.4 ಮಿಲಿಯನ್ ಡಾಲರ್)ಗಳಿಗೆ ಮಾರಾಟವಾಗಿ ಹೊಸ ವಿಶ್ವ ದಾಖಲೆ ನಿರ್ಮಿಸಿದೆ.
ಮಂಗಳವಾರ ಮುಂಬಯಿಯ ತಾಜ್ ಮಹಲ್ ಪ್ಯಾಲೇಸ್ ಹೋಟೆಲ್‌ನಲ್ಲಿ ನಡೆದ ಹರಾಜಿನಲ್ಲಿ, ಗೈತೊಂಡೆ ಅವರ 1995ರ ಈ ಅನಾಮಧೇಯ ಆಯಿಲ್ ಪೇಂಟಿಂಗ್ ಹಿಂದಿನ ದಾಖಲೆಯನ್ನು ಮುರಿದು ಅತಿಹೆಚ್ಚು ಬೆಲೆಗೆ ಮಾರಾಟಗೊಂಡಿದೆ.
ಕಳೆದ ವರ್ಷ ನ್ಯೂಯಾರ್ಕ್‌ನಲ್ಲಿ ನಡೆದ ಹರಾಜಿನಲ್ಲಿ ಫ್ರಾನ್ಸಿಸ್ ನ್ಯೂಟನ್ ಡಿಸೋಜ ಅವರ ಚಿತ್ರ 4.01 ಮಿಲಿಯನ್ ಡಾಲರ್‌ಗೆ ಮಾರಾಟಗೊಂಡಿತ್ತು. ಇದೀಗ ಈ ದಾಖಲೆ ಮುರಿದು ಬಿದ್ದಿದೆ.
ಗೈತೊಂಡೆ ಅವರ ಪೇಂಟಿಂಗ್‌ನ್ನು ಅನಾಮಧೇಯ ಅಂತಾರಾಷ್ಟ್ರೀಯ ಕಲೆಕ್ಟರ್ ಖರೀದಿಸಿದ್ದಾನೆ ಎಂದು ಹರಾಜು ಪ್ರಕ್ರಿಯೆ ಆಯೋಜಿಸಿದ್ದ ಕ್ರಿಸ್ಟೇ ಸಂಸ್ಥೆ ತಿಳಿಸಿದೆ.
ಗೈತೊಂಡೆ 2001ರಲ್ಲಿ ಮೃತರಾಗಿದ್ದು, ಭಾರತೀಯ ಚಿತ್ರಕಲೆಯಲ್ಲಿ ಸಾಕಷ್ಟು ಸಾಧನೆಗಳನ್ನು ಮಾಡಿದ್ದಾರೆ. ಅವರ ಹಲವಾರು ಚಿತ್ರಗಳು ಮಾರಾಟದಲ್ಲಿ ದಾಖಲೆ ನಿರ್ಮಿಸಿವೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
