ನವದೆಹಲಿ: ಸಂಸತ್ತು ಅಧಿವೇಶನಕ್ಕೆ ಕಾಂಗ್ರೆಸ್ ಸಂಸದರು ನಿರಂತರವಾಗಿ ಅಡ್ಡಿಯುಂಟು ಮಾಡುತ್ತಿದ್ದಾರೆ. ಇದರಿಂದ ಕಲಾಪಗಳು ನಡೆಯದೆ ಸರ್ಕಾರದ ಬೊಕ್ಕಸಕ್ಕೆ ಕೋಟ್ಯಾಂತರ ರೂಪಾಯಿಗಳು ನಷ್ಟವಾಗುತ್ತಿದೆ. ಮಾತ್ರವಲ್ಲದೇ ಹಲವಾರು ಜನಪಯೋಗಿ ಮಸೂದೆಗಳು ಅನುಮೋದನೆಯನ್ನು ಪಡೆಯುತ್ತಿಲ್ಲ. ಸಂಸತ್ತಿನಲ್ಲಿ ನಡೆಯುತ್ತಿರುವ ನಾಟಕಗಳನ್ನು ನಿತ್ಯ ನೋಡಿ ದೇಶದ ಜನರೂ ಆಕ್ರೋಶಕ್ಕೊಳಗಾಗಿದ್ದಾರೆ.
ಇದೀಗ ದೇಶದ ವಿವಿಧ ಸಂಘಟನೆಗಳು ಒಟ್ಟು ಸೇರಿ ವಿವಿಧ ನಗರಗಳಲ್ಲಿ ಜಾಥಾಗಳನ್ನು ಹಮ್ಮಿಕೊಂಡು ಒಟ್ಟು ಸೇರಿ ಕಾರ್ಯ ಮಾಡುವಂತೆ ಮತ್ತು ಸಂಸತ್ತು ಕಾರ್ಯನಿರ್ವಹಿಸುವಂತೆ ಅವಕಾಶ ಮಾಡಿಕೊಡುವಂತೆ ರಾಜಕಾರಣಿಗಳಿಗೆ ಮನವಿ ಮಾಡಿಕೊಳ್ಳಲಿದೆ.
ಜಿಎಸ್ಟಿ, ರಿಯಲ್ ಎಸ್ಟೇಟ್ ಬಿಲ್, ವಿದ್ಯುತ್ ತಿದ್ದುಪಡಿ ಮಸೂದೆ, ಭ್ರಷ್ಟಾಚಾರ ತಡೆ ಮಸೂದೆ ಮುಂತಾದ ಜನೋಪಯೋಗಿ ಮಸೂದೆಗಳು ಕಾಂಗ್ರೆಸ್ ಸದಸ್ಯರ ಅಡ್ಡಿಯಿಂದಾಗಿ ಮಂಡನೆಯಾಗದೆ ಉಳಿದಿವೆ. ಅಧಿವೇಶನ ನಡೆಯದಿದ್ದರೆ 4ಸಾವಿರ ಕೋಟಿ ದೇಶಕ್ಕೆ ನಷ್ಟವಾಗುತ್ತದೆ. ದಯವಿಟ್ಟು ಇನ್ನಾದರು ಕಲಾಪವನ್ನು ಸುಗಮವಾಗಿ ನಡೆಯಲು ಅವಕಾಶ ಕಲ್ಪಿಸಿ, ದೇಶದ ಅಭಿವೃದ್ಧಿಗೆ ಸಹಕರಿಸಿ ಎಂದು ಈ ಸಂಘಟನೆಗಳು ಮನವಿ ಮಾಡಿಕೊಳ್ಳುತ್ತಿವೆ. ಡಿ.16ರಂದು ಜಂತರ್ ಮಂತರ್ನಿಂದ ಸಮಸತ್ತುವರೆಗೆ ಜಾಥಾ ನಡೆಯಲಿದೆ.
ಈ ಬಗ್ಗೆ ಆನ್ಲೈನ್ ಪಿಟಿಷನ್ ಆರಂಭಿಸಲಾಗಿದ್ದು, ಈಗಾಗಲೇ 63 ಸಾವಿರ ಮಂದಿ ಸಹಿ ಹಾಕಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.