ರಾಮ್ಪುರ: ಒಂದು ಕ್ರಾಂತಿಕಾರಿ ಬದಲಾವಣೆಯೆಂಬಂತೆ ನಾಲ್ವರು ಇಂಜಿನಿಯರಿಂಗ್ ವಿದ್ಯಾರ್ಥಿಗಳು ಕೇವಲ 40 ರೂ. ವೆಚ್ಚದಲ್ಲಿ ಒಂದು ಕೆ.ಜಿ. ತೂಕದ ನೈಸರ್ಗಿಕ ಅನಿಲದಿಂದ 80 ಕಿ.ಮೀ. ಸಂಚರಿಸುವ ಬೈಕ್ ಒಂದನ್ನು ಅಭಿವೃದ್ಧಿಪಡಿಸಿದ್ದಾರೆ.
ಗ್ರೇಟರ್ ನೋಯ್ಡಾದ ಇಂಜಿನಿಯರಿಂಗ್ ಕಾಲೇಜ್ನಿಂದ ತಮ್ಮ ಬಿ.ಟೆಕ್ ಕೋರ್ಸ್ ಪೂರ್ಣಗೊಳಿಸಿರುವ ಫೈಸಲ್ ಶಾ ಖಾನ್, ಸೈಯದ್ ಮೊನಿಸ್ ಅಥಾರ್, ಫರಾಜ್ ಹಸನ್ ಮಲಿಕ್ ಹಾಗೂ ವಾಸಿಂ ಅಖ್ತರ್ ಎಂಬ ವಿದ್ಯಾರ್ಥಿಗಳು ಒಂದು ವರ್ಷದ ಒಳಗಾಗಿ ನೈಸರ್ಗಿಕ ಅನಿಲದಿಂದ ಸಂಚರಿಸುವ ಈ ಮಾದರಿ ಆವೃತ್ತಿಯ ಬೈಕ್ನ್ನು ಅಭಿವೃದ್ಧಿಪಡಿಸಿದ್ದಾರೆ.
ಪೆಟ್ರೋಲ್ ಹಾಗೂ ಡೀಸೆಲ್ ದರಗಳು ಹೆಚ್ಚುತ್ತಿದ್ದು, ಅದಕ್ಕೆ ಪರ್ಯಾಯವಾಗಿ ಅಗ್ಗದ ದರದಲ್ಲಿ ಪರಿಸರ ಸ್ನೇಹಿಯಾಗಿಸುವ ಉದ್ದೇಶದಿಂದ ಈ ಬೈಕ್ ಅಭಿವೃದ್ಧಿಪಡಿಸಲಾಗಿದೆ ಎಂದು ಫೈಸಲ್ ಹೇಳಿದ್ದಾರೆ.
ಈ ಬೈಕ್ನ ಯೋಜನೆಯನ್ನು ಅಕ್ಟೋಬರ್ 2014ರಲ್ಲಿ ಆರಂಭಿಸಲಾಗಿದ್ದು, ಇದರ ಆವೃತ್ತಿಯು ಫೆಬ್ರವರಿ 2015ರಲ್ಲಿ ಹೊರಬಂದಿತು. ಸ್ಥಳೀಯವಾಗಿ ನಿರ್ಮಿಸಲಾಗಿರುವ ಈ ಬೈಕ್ ಕಾರ್ಬರೇಟರ್ ಹಾಗೂ ಅನಿಲ ನಿಯಂತ್ರಕ ಹೊಂದಿದೆ.
ಐಐಟಿ ದೆಹಲಿಯಿಂದ ಪ್ರಶಂಸೆ ಪಡೆದಿದ್ದು, ಈ ಬೈಕ್ 2016 ಒಳಗಾಗಿ ರಸ್ತೆಗಿಳಿಯಲಿದೆ ಎನ್ನಲಾಗಿದೆ. ಈ ಬೈಕ್ನ ವೆಚ್ಚ ಸುಮಾರು 50 ರಿಂದ 60 ಸಾವಿರ ಆಗಲಿದೆ ಎಂದು ಅಂದಾಜಿಸಲಾಗಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.