ಕೋಲಾರದಲ್ಲಿ ಜನಿಸಿದ ಸೈಯದ್ ಸಜ್ಜದ್ ಅಹ್ಮದ್ ವಿಭಿನ್ನ ಕಾರಣಕ್ಕಾಗಿ ಇದೀಗ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಸ್ವತಃ ತಾವೇ ಸೋಲಾರ್ ಎಲೆಕ್ಟ್ರಿಕ್ ಕಾರನ್ನು ಅಭಿವೃದ್ಧಿಪಡಿಸಿರುವ ಅವರು ಅದರ ಮೂಲಕವೇ ದೆಹಲಿಗೆ ತೆರಳಿ ಅಲ್ಲಿ ನಡೆದ ಮೊದಲ ಭಾರತೀಯ ಅಂತಾರಾಷ್ಟ್ರೀಯ ವಿಜ್ಞಾನ ಮೇಳದಲ್ಲಿ ಭಾಗವಹಿಸಿದ್ದಾರೆ.
ತಾನೇ ಅಭಿವೃದ್ಧಿಪಡಿಸಿದ ಸೋಲಾರ್ ಎಲೆಕ್ಟ್ರಿಕ್ ಕಾರನ್ನು ಚಲಾಯಿಸಿಕೊಂಡು ಬೆಂಗಳೂರಿನಿಂದ ನ.೧ಕ್ಕೆ ಪ್ರಯಾಣ ಬೆಳೆಸಿದ್ದ ಅವರು ಡಿ.1 ರಂದು ದೆಹಲಿಯನ್ನು ತಲುಪಿದ್ದಾರೆ. ವಿಂದ್ಯಾ ಪರ್ವತಗಳನ್ನು ದಾಟಿ 30 ದಿನಗಳಲ್ಲಿ ಅವರು 3,೦೦೦ ಕಿ.ಮೀ ಕ್ರಮಿಸಿ ರಾಷ್ಟ್ರ ರಾಜಧಾನಿ ತಲುಪಿದ್ದಾರೆ,
12ನೇ ತರಗತಿಯಲ್ಲಿ ಶಾಲೆಬಿಟ್ಟ ಅವರ ಎಲೆಕ್ಟ್ರಿಕ್ ವಸ್ತುಗಳನ್ನು, ಟೇಪ್ ರೆಕಾರ್ಡರ್ಗಳನ್ನು, ಟಿವಿ ಸೆಟ್ಗಳನ್ನು ಜೋಡಿಸುವ ಕಾಯಕವನ್ನು ಆರಂಭಿಸಿದರು. ಬಳಿಕ ಕಂಪ್ಯೂಟರ್ನತ್ತ ಮುಖ ಮಾಡಿದರು. ಆದರೆ ಸಮಾಜಕ್ಕೆ ಏನಾದರು ಕೊಡುಗೆ ನೀಡಬೇಕು ಎಂಬ ತನ್ನ ಬಾಲ್ಯದ ಕನಸನ್ನು ತನ್ನೊಳಗೆ ಜೀವಂತವಾಗಿಟ್ಟ ಅವರು 2002ರಲ್ಲಿ ಟು ವೀಲರ್ಗಳು ಎಲೆಕ್ಟ್ರಿಕ್ ಪವರ್ ಮೂಲಕ ಓಡುವಂತೆ ಮಾಡಿಫೈ ಮಾಡಲಾರಂಭಿಸಿದರು. ಬಳಿಕ ತ್ರೀ ವೀಲರ್, ಬಳಿಕ ಫೋರ್ ವೀಲರ್ಗಳತ್ತ ಚಿತ್ತ ಹರಿಸಿದರು. ಬಳಿಕ ತಾನೇ ಸ್ವತಃ ಸೋಲಾರ್ ಎಲೆಕ್ಟ್ರಿಕ್ ಕಾರನ್ನು ತಯಾರಿಸಿದರು.
ಇದೀಗ ಆ ಕಾರಿನ ಮೂಲಕವೇ ದೇಶದಾದ್ಯಂತ 1.1 ಲಕ್ಷ ಕಿಲೋ ಮೀಟರ್ಗಳನ್ನು ಕ್ರಮಿಸಿದ್ದಾರೆ. ಅಷ್ಟೇ ಅಲ್ಲದೇ ಪರ್ವತಗಳನ್ನು ದಾಟಿ ತನ್ನ ಕಾರು ಯಾವ ರಸ್ತೆಯಲ್ಲೂ ಚಲಿಸುವ ಸಾಮರ್ಥ್ಯವನ್ನು ಪಡೆದಿದೆ ಎಂಬುದನ್ನು ಸಾಬೀತುಪಡಿಸಿದ್ದಾರೆ.
ವಿಜ್ಞಾನ ಮೇಳದಲ್ಲಿ ತನ್ನ ಕಾರಿನ ವಿಶೇಷತೆಯ ಬಗ್ಗೆ ಅವರು ಕೇಂದ್ರ ಸಚಿವ ಹರ್ಷವರ್ಧನ್ ಅವರಿಗೆ ವಿವರಿಸಿದ್ದಾರೆ.
ಸೋಲಾರ್ ವಾಹನಗಳನ್ನು ತಯಾರಿಸಿ ಮಾಲಿನ್ಯ ನಿಯಂತ್ರಣಕ್ಕೆ ತನ್ನದೇ ಆದ ಕೊಡುಗೆಗಳನ್ನು ನೀಡುತ್ತಿರುವ ಸೈಯದ್ ಅವರಿಗೆ ಕರ್ನಾಟಕ ಸರ್ಕಾರ ಪರಿಸರ ಸಂರಕ್ಷಣಾ ಪ್ರಶಸ್ತಿಗಳನ್ನು ನೀಡಿ ಗೌರವಿಸಿದೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.