ನಿಮಗೆ ಯಾವುದಾದರೂ ಉತ್ತಮ ಹವ್ಯಾಸವಿದ್ದರೆ ಹೆಚ್ಚಿನ ಉತ್ಸಾಹ ಮತ್ತು ಕಠಿಣ ಪರಿಶ್ರಮದಿಂದ ಅದನ್ನು ಮುಂದುವರೆಸಿ. ಅದಕ್ಕೆ ತಕ್ಕ ಫಲ ಸಿಗುವುದು ಖಚಿತ. ಕರ್ನಾಟಕದ ಇಂಜಿನಿಯರ್ ರವಿಪ್ರಕಾಶ್ ಎಸ್.ಎಸ್. ಅವರ ಪ್ರಯತ್ನವು ಲಂಡನ್‌ನಲ್ಲಿ ಪ್ರತಿಷ್ಠಿತ ವನ್ಯಜೀವಿ ಛಾಯಾಗ್ರಹಣ ಪ್ರಶಸ್ತಿ ಲಭಿಸುವಂತೆ ಮಾಡಿದೆ. ’ಅಂಫಿಬಿಯನ್ಸ್ ಎಂಡ್ ರೆಪ್ಟೈಲ್ಸ್’ನ ಡಿವೈನ್ ಸ್ನೇಕ್ಸ್ ವಿಭಾಗದ ಹಸಿರು ಬಳ್ಳಿ ಹಾವುಗಳ ಛಾಯಾಗ್ರಹಕ್ಕೆ ಈ ಪ್ರಶಸ್ತಿ ದೊರೆತಿದೆ.
ಕರ್ನಾಟಕದ ಮಲೆನಾಡು ಪ್ರದೇಶದ ಹೊಸಹಳ್ಳಿ ಗ್ರಾಮದ ರವಿಪ್ರಕಾಶ್ ಪಶ್ಚಿಮ ಘಟ್ಟಗಳ ಜೈವಿಕ ವೈವಿಧ್ಯ ಮತ್ತು ಚಿತ್ರಸದೃಶ ಪರಿಸರದಲ್ಲಿ ಬೆಳೆದವರು. ಅಲ್ಲಿಂದಲೇ ಅವರ ಪ್ರಕೃತಿ ಮತ್ತು ವನ್ಯಜೀವಿ ಅನ್ವೇಷಿಸುವ ಒಲವು ಆರಂಭವಾಯಿತು. ರವಿಪ್ರಕಾಶ್ ಅವರ ಈ ಹವ್ಯಾಸ ಅವರನ್ನು ಓರ್ವ ಉನ್ನತ ಛಾಯಾಗ್ರಹಕನಾಗಿ ಪರಿವರ್ತಿಸಿದೆ.
ಲಂಡನ್‌ನ ನ್ಯಾಚುರಲ್ ಹಿಸ್ಟರಿ ವಸ್ತುಸಂಗ್ರಾಲಯ ರವಿಪ್ರಕಾಶ್ ಅವರ ಪ್ರತಿಭೆಯನ್ನು ಗುರುತಿಸಿ ವರ್ಷದ ಅತ್ಯುತ್ತಮ ವನ್ಯಜೀವಿ ಛಾಯಾಗ್ರಾಹಕ ಪ್ರಶಸ್ತಿಯನ್ನು ನೀಡಿದೆ. ನ್ಯಾಚುರಲ್ ಹಿಸ್ಟರಿ ಮ್ಯೂಸಿಯಂ ಪ್ರತಿ ವರ್ಷ ಪ್ರಶಸ್ತಿ ಸಮಾರಂಭವನ್ನು ಆಯೋಜಿಸುತ್ತಿದ್ದು, ವಿಶ್ವದಾದ್ಯಂತ ಸಾವಿರಾರು ಛಾಯಾಗ್ರಾಹಕರು ಕ್ಲಿಕ್ಕಿಸಿರುವ ಛಾಯಾಚಿತ್ರಗಳನ್ನು ವಸ್ತು ಸಂಗ್ರಹಾಯಲದಲ್ಲಿ ಪ್ರದರ್ಶನಕ್ಕೆ ಇರಿಸಲಾಗುತ್ತದೆ. ಜನಪ್ರಿಯ ವೀಕ್ಷಕರ ಆಯ್ಕೆ ಪ್ರಶಸ್ತಿಯನ್ನು ವೀಕ್ಷಕರ ಮತಗಳ ಮೂಲಕ ನೀಡಲಾಗಿದ್ದು, ರವಿಪ್ರಕಾಶ್ ದ್ವಿತೀಯ ಪ್ರಶಸ್ತಿ ಪಡೆದಿದ್ದಾರೆ.
ವೃತ್ತಿಯಲ್ಲಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿರುವ ರವಿಪ್ರಕಾಶ್, ವಾರಾಂತ್ಯಗಳಲ್ಲಿ ತಮ್ಮ ಛಾಯಾಗ್ರಹಣ ಹವ್ಯಾಸವನ್ನು ಮುಂದುವರೆಸುತ್ತಾರೆ. ಕೇವಲ ಸಾಕ್ಷ್ಯಚಿತ್ರಗಳನ್ನು ನಿರ್ಮಿಸುವ ಬದಲು ಅನನ್ಯ ಮತ್ತು ಕಲಾತ್ಮಕ ರೀತಿಯಲ್ಲಿ ಛಾಯಾಚಿತ್ರಗಳನ್ನು ತೆಗೆಯುವ ಗುರಿಯೊಂದಿಗೆ ಈ ಹವ್ಯಾಸವನ್ನು ಮುಂದುವರೆಸಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
