ಬೆಳ್ತಂಗಡಿ : ಆಶಾ ಸಾಲಿಯಾನ್ ಪ್ರತಿಷ್ಠಾನ ಬೆಳ್ತಂಗಡಿ ಇದರ ವತಿಯಿಂದ ಬೆಳ್ತಂಗಡಿಯ ಶ್ರೀ ನಾರಾಯಣಗುರು ವಾಣಿಜ್ಯ ಸಂಕೀರ್ಣದ ಆಶಾ ಸಾಲಿಯಾನ್ ಕಲ್ಯಾಣಮಂಟಪದಲ್ಲಿ ನ. 28 ರಂದು ಸಂಜೆ 6-30 ರಿಂದ ಮೋಕ್ಷ ಮಾರ್ಗ ಎಂಬ ಭಕ್ತಿ ನೃತ್ಯ ಕಥಾನಕ ಪ್ರದರ್ಶನಗೊಳ್ಳಲಿದೆ ಎಂದು ಪ್ರತಿಷ್ಠಾನದ ಅಧ್ಯಕ್ಷ ಕೆ. ರಮಾನಂದ ಸಾಲಿಯಾನ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಅಂತರಾಷ್ಟ್ರೀಯ ಖ್ಯಾತಿಯ ನೃತ್ಯ ದಂಪತಿ ಚೆನ್ನೈನ ವಿದ್ವಾನ್ ಶ್ರೀಕಾಂತ್, ವಿದುಷಿ ಅಶ್ವತಿ ಮತ್ತು ತಂಡದವರಿಂದ ಕಾರ್ಯಕ್ರಮ ನಡೆಯಲಿದೆ. ತಮಿಳುನಾಡಿನ ಭಾಗವತ ಮೇಳದ ಕಲಾವಿದ ಎನ್. ಶ್ರೀಕಾಂತ್ ಸಾಂಪ್ರದಾಯಿಕ ಭರತ ನೃತ್ಯದಲ್ಲಿ ವಿಶೇಷವಾದ ತರಬೇತಿಯನ್ನು ಪಡೆದವರಾಗಿದ್ದಾರೆ. ಧನಂಜಯನ್, ನರಸಿಂಹಾಚಾರಿ, ಚಿತ್ರಾ ವಿಶ್ವೇಶ್ವರನ್, ಸುಧಾರಾಣಿ, ರಘುಪತಿ, ಮಾಲವಿಕಾ ಸಾರುಕ್ಕಾಯಿ ಮೊದಲಾದ ಅಗ್ರಮಾನ್ಯ ಕಲಾವಿದರ ನೃತ್ಯ ತಂಡದಲ್ಲಿ ನೃತ್ಯ ಕಲಾವಿದರಾಗಿದ್ದ ಇವರು ಯುವ ಕಲಾ ಭಾರತಿ ಪ್ರಶಸ್ತ್ತಿ ಪುರಸ್ಕೃತ ರಾಗಿರುವ ನೃತ್ಯ ಪಟುವಾಗಿದ್ದಾರೆ.
ಕೇರಳದ ಪ್ರಸಿದ್ಧ ನೃತ್ಯ ಕಲಾವಿದೆ ಶ್ರೀಮತಿ ಕಲಾಮಂಡಲಂ ಸರಸ್ವತಿಯವರ ಪುತ್ರಿ ಅಶ್ವತಿ ಅವರು ಮೋಹಿನಿ ಆಟಂ, ಕೂಚುಪುಡಿ ಮತ್ತು ಭರತನೃತ್ಯವನ್ನು ಅಭ್ಯಾಸಮಾಡಿ ದೇಶ ವಿದೇಶಗಳಲ್ಲಿ ನೃತ್ಯ ಪ್ರದರ್ಶನ ನೀಡಿ ಯುವ ಕಲಾ ಭಾರತಿ ಹಾಗೂ ಕಲಾರತ್ನ ಪ್ರಶಸ್ತಿಗಳಿಂದ ಪುರಸ್ಕೃತರಾಗಿದ್ದಾರೆ. ಶ್ರೀಕಾಂತ್ ದಂಪತಿ ನೃತ್ಯ ಕ್ಷೇತ್ರದಲ್ಲಿ ಜೊತೆಯಾಗಿ ಕಲಾ ಪ್ರದರ್ಶನ ನೀಡಿರುವುದಲ್ಲದೆ ಅನೇಕ ನೃತ್ಯ ನಾಟಕಗಳಿಗೆ ನೃತ್ಯ ಸಂಯೋಜನೆ ಕೂಡ ಮಾಡಿದವರಾಗಿದ್ದಾರೆ.
ಭಾರತದ ಪ್ರತಿಷ್ಠಿತ ವೇದಿಕೆಗಳಲ್ಲೆಲ್ಲಾ ಪ್ರದರ್ಶನ ನೀಡಿರುವ ಯುವ ದಂಪತಿ ಹಲವಾರು ಹೊರ ದೇಶಗಳಲ್ಲಿ ಪ್ರದರ್ಶನ, ನೃತ್ಯ ಕಾರ್ಯಾಗಾರ ನಿಡುವ ಮೂಲಕ ಅಂತರಾಷ್ಟ್ರೀಯ ಮನ್ನಣೆಯನ್ನು ಪಡೆದಿದ್ದು ಬೆಳ್ತಂಗಡಿಯಲ್ಲಿ ಮೋಕ್ಷ ಮಾರ್ಗ ಎಂಬ ಸಮೂಹ ನೃತ್ಯ ಸರಣಿ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ ಎಂದು ಅಧ್ಯಕ್ಷರು ತಿಳಿಸಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
