ಪಾಲ್ತಾಡು : ವಿಷ್ಣುಮೂರ್ತಿ ದೈವಸ್ಥಾನದ ಜೀರ್ಣೋದ್ದಾರ ಪೂರ್ವಭಾವಿ ಸಭೆ

ಪಾಲ್ತಾಡಿ : ಪಾಲ್ತಾಡು ನಡುಮನೆ ವಿಷ್ಣುಮೂರ್ತಿ ದೈವಸ್ಥಾನದ ಜೀರ್ಣೋದ್ದಾರ ಹಾಗೂ ಬ್ರಹ್ಮಕಲಶೋತ್ಸವ ನಡೆಸುವ ಕುರಿತು ಪೂರ್ವಭಾವಿ ಸಭೆಯು ಪಾಲ್ತಾಡು ವಿಷ್ಣುನಗರದಲ್ಲಿ ನಡೆಯಿತು.ಕಾರ್ಯಕ್ರಮವನ್ನು ಪಠೇಲ್ ನಾರಾಯಣ ರೈ ಪಾಲ್ತಾಡು ಉದ್ಘಾಟಿಸಿದರು.

ನಳೀಲು ಸುಬ್ರಹ್ಮಣ್ಯ ದೇವಳದ ಆಡಳಿತ ಮೊಕ್ತೇಸರ ಸಂತೋಷ್ ಕುಮಾರ್ ರೈ ನಳೀಲು ಮಾತನಾಡಿ, ಮಾನವ ಜನ್ಮ ಶಾಶ್ವತವಲ್ಲ ತನ್ನ ಜೀವಿತಾವಧಿಯಲ್ಲಿ ಮಾಡುವ ಉತ್ತಮ ಕಾರ್ಯಗಳು ಶಾಶ್ವತವಾಗಿ ಉಳಿಯಲು ಸಾಧ್ಯ, ಧಾರ್ಮಿಕ ಕ್ಷೇತ್ರಗಳು ಅಭಿವೃದ್ಧಿಯಾದರೆ ಗ್ರಾಮದಲ್ಲಿ ಸುಭೀಕ್ಷೆ ನೆಲೆಗೊಳ್ಳುತ್ತದೆ.ಇಂತಹ ಕಾರ್ಯಗಳಲ್ಲಿ ಸಾರ್ವಜನಿಕರು ಏಕ ಭಾವ ಮನಸ್ಸಿನಿಂದ ತೊಡಗಿಸಿಕೊಳ್ಳಬೇಕು ಎಂದರು.

ಸುಳ್ಯ ಬಂಟರ ಸಂಘದ ಉಪಾಧ್ಯಕ್ಷ ಎನ್.ಜಿ.ಪ್ರಭಾಕರ ರೈ ಮಾತನಾಡಿ ,ನಿಸ್ವಾರ್ಥ ಸೇವೆಯಿಚಿದಭಗವಚಿತನ ಅನುಗ್ರಹ ಸಾಧ್ಯ, ದೈವಸ್ತಾನದ ಜೀರ್ಣೋದ್ದಾರ ಕಾರ್ಯದಲ್ಲಿ ತೊಡಗಿಸಿಕೊಂಡು ಕ್ಷೇತ್ರದ ಬೆಳವಣಿಗೆಗೆ ಎಲ್ಲರೂ ಕೈಜೋಡಿಸಬೇಕು ಎಂದರು.ದೈವಸ್ಥಾನದ ನೀಲನಕಾಶೆಯನ್ನು ನಾರಾಯಣ ರೈ ಪಾಲ್ತಾಡು ಅನಾವರಣಗೊಳಿಸಿದರು.

ವೇದಿಕೆಯಲ್ಲಿ ರಮೇಶ್ ಶೆಟ್ಟಿ ಪೆರುವಾಜೆ ,ಮಹಾಬಲ ಮಾರ್ಲ ,ಬೋಜರಾಜ ಶೆಟ್ಟಿ ಪೆರುವಾಜೆ ,ವಿನೋದ್ ಶೆಟ್ಟಿ ತಡಗಜೆ,ಬೆಳ್ಳಾರೆ ಗ್ರಾ .ಪಂ.ಸದಸ್ಯ ನವೀನ್ ಕುಮಾರ್ ರೈ ತಂಬಿನಮಕ್ಕಿ ,ವಿಷ್ಣುಮೂರ್ತಿ ಸೇವಾ ಸಮಿತಿ ಅಧ್ಯಕ್ಷರಾದ ನವಿನಾಥ ರೈ ನಡುಮನೆ ,ಪ್ರಶಾಂತ್ ರೈ ಮರುವಂಜ ,ವಿಶ್ವನಾಥ ರೈ ಮರುವಂಜ ಮೊದಲಾದವರಿದ್ದರು.

ಸಭೆಗೆ ಮುನ್ನ ನಡುಮನೆ ದೈವಸ್ಥಾನದಲ್ಲಿ ,ವಿಷ್ಣುನಗರ ಗುಳಿಗನ ಕಟ್ಟೆಯಲ್ಲಿ ಪ್ರಧಾನ ಪಾತ್ರಿ ಕೃಷ್ಣ ಮಣಿಯಾಣಿ ಮೊಗಪ್ಪೆ ಜೀರ್ಣೋದ್ದಾರ ಕುರಿತು ಪ್ರಾರ್ಥನೆ ನೆರವೇರಿಸಿದರು.ವಿಲಾಸ್ ರೈ ಪ್ರಸ್ತಾವನೆಗೈದರು.ಸುಭಾಶ್ಚಂದ್ರ ರೈ ತೋಟ ಸ್ವಾಗತಿಸಿ ವಂದಿಸಿದರು.