ನವದೆಹಲಿ: ಸೆಪ್ಟೆಂಬರ್ 26 ರ ಇಂದು ಭಾರತೀಯ ವಾಯುಪಡೆಯ ಆರು ದಶಕಗಳಿಗೂ ಹೆಚ್ಚು ಕಾಲದ ಒಂದು ಯುಗದ ಅಂತ್ಯವಾಗುತ್ತಿದೆ. ಪಾಕಿಸ್ತಾನದೊಂದಿಗಿನ ನಾಲ್ಕು ಸಶಸ್ತ್ರ ಸಂಘರ್ಷಗಳಲ್ಲಿ ಭಾಗಿಯಾದ ಇತಿಹಾಸ ಹೊಂದಿರುವ ಮಿಕೋಯನ್-ಗುರೆವಿಚ್ ಮಿಗ್-21 ಫೈಟರ್ ಜೆಟ್‌ಗಳು ತನ್ನ ಕೊನೆಯ ಹಾರಾಟವನ್ನು ನಡೆಸಲಿದೆ.
ಹೊಸ ಮತ್ತು ಹೆಚ್ಚು ಮಿಂಚುತ್ತಿರುವ ಆಧುನಿಕ ಪ್ರತಿಸ್ಪರ್ಧಿಗಳಿಂದಾಗಿ ವರ್ಷಗಳ ಹಿಂದೆಯೇ ಬಳಕೆಯಿಂದ ಹಿಂತೆಗೆಯಲ್ಪಟ್ಟ ಸೋವಿಯತ್ ಯುಗದ ಯುದ್ಧವಿಮಾನದ ಮಿಗ್-21 ರ ಪರಂಪರೆ ಇಂದಿನಿಂದ ಇತಿಹಾಸದ ಪುಟ ಸೇರಲಿದೆ. ಈ ಯುದ್ಧ ವಿಮಾನ ದಶಕಗಳಿಂದ ದಾಳಿ, ರಕ್ಷಣಾ ಮತ್ತು ವಿಚಕ್ಷಣ ಕಾರ್ಯಾಚರಣೆಗಳನ್ನು ನಿರ್ವಹಿಸುತ್ತಿತ್ತು.
ಇದರ ಪರಂಪರೆಯು ಅಗಾಧವಾಗಿದ್ದು, ವಾಯುಪಡೆಯಲ್ಲಿರುವ ಬಹುತೇಕ ಪ್ರತಿಯೊಬ್ಬ ಫೈಟರ್ ಪೈಲಟ್ ಕೂಡ ಮಿಗ್-21 ಅಥವಾ ಅದರ ರೂಪಾಂತರವನ್ನು ಹಾರಿಸಿಯೇ ಇರುತ್ತಾನೆ. ಆದರೆ ಈಗ, ಈ ಶುಕ್ರವಾರ ಅದು ತನ್ನ ಕೊನೆಯ ಹಾರಾಟ ನಡೆಸುತ್ತಿದೆ..
ಮಧ್ಯಾಹ್ನ 12.05 ಕ್ಕೆ ಏರ್ ಚೀಫ್ ಮಾರ್ಷಲ್ ಎಪಿ ಸಿಂಗ್ ನೇತೃತ್ವದ ಆರು ಬೈಸನ್ ರೂಪಾಂತರಗಳು ಕೊನೆಯ ಬಾರಿಗೆ ಚಂಡೀಗಢದ ಮೇಲೆ ಹಾರುತ್ತವೆ. ಮತ್ತು ಇಳಿಯುವಾಗ ಜೆಟ್‌ಗಳಿಗೆ ನೀರಿನ ಫಿರಂಗಿ ಸೆಲ್ಯೂಟ್ ನೀಡಲಾಗುತ್ತದೆ.
ಚಂಡೀಗಢದಲ್ಲೇ ಯಾಕೆ ಕೊನೆಯ ಹಾರಾಟ ಎಂಬುದಕ್ಕೂ ಒಂದು ಕಾರಣವಿದೆ. 1963 ರಲ್ಲಿ ಮೊದಲ ಮಿಗ್ -21 ಅನ್ನು ವಾಯುಪಡೆಗೆ ಸೇರಿಸಿದ್ದು ಇಲ್ಲಿಯೇ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
