ನವದೆಹಲಿ: ಹಿಂದೂ ಹಬ್ಬ ದೀಪಾವಳಿ, ನವರಾತ್ರಿಯ ಸಂದರ್ಭದಲ್ಲಿ ಆಕ್ಸಿಸ್ ಬ್ಯಾಂಕ್ ತನ್ನ ಹೊಸ ಜಾಹೀರಾತು ಅಭಿಯಾನ ‘ದಿ ಸೆ ಓಪನ್ ಸೆಲೆಬ್ರೇಷನ್ 2025’ ಅನ್ನು ಅನಾವರಣಗೊಳಿಸಿದೆ. ದೀಪಾವಳಿ ದೀಪಗಳು ಮತ್ತು ನವರಾತ್ರಿ ಹಬ್ಬದ ಮಧ್ಯೆ ಸಾಂಟಾ ಕ್ಲಾಸ್‌ನ ಅನಿರೀಕ್ಷಿತ ನೋಟ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದು ಎಲ್ಲರನ್ನೂ ಅಚ್ಚರಿಗೊಳಿಸಿದೆ.
“ದಿಲ್ ಸೆ ಓಪನ್ ಸೆಲೆಬ್ರೇಷನ್ಸ್ ಇಲ್ಲಿದೆ! ನವರಾತ್ರಿಯಿಂದ ಕ್ರಿಸ್‌ಮಸ್‌ವರೆಗೆ ಕ್ರೆಡಿಟ್ ಕಾರ್ಡ್‌ಗಳು ಮತ್ತು ಇಎಂಐಗಳ ಮೇಲೆ 20% ವರೆಗೆ ರಿಯಾಯಿತಿ ಪಡೆಯಿರಿ! ಮತ್ತು ಏನು ಊಹಿಸಿ? ಸುದ್ದಿ ಈಗಾಗಲೇ ವಿಶೇಷ ವ್ಯಕ್ತಿಯನ್ನು ಮೊದಲೇ ಬರುವಂತೆ ಮಾಡಿದೆ!” ಎಂದು ಜಾಹೀರಾತಿಗೆ ಒಕ್ಕಣೆ ಬರೆದಿದೆ.
ಕ್ರಿಸ್‌ಮಸ್‌ನೊಂದಿಗೆ ಸಂಬಂಧಿಸಿರುವ ಸಾಂಟಾ ಕ್ಲಾಸ್ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದು ಅತಿರೇಕದ ವರ್ತನೆ ಎಂದು ಹಲವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಹಿಂದೂ ಹಬ್ಬಗಳ ಮಧ್ಯದಲ್ಲಿ ಸಾಂಟಾನನ್ನು ಇರಿಸುವ ಮೂಲಕ, ಹಬ್ಬಗಳು ಎಲ್ಲರಿಗೂ ಸೇರಿದ್ದು, ಆಚರಣೆಗಳು ಧಾರ್ಮಿಕ ಗಡಿಗಳನ್ನು ಮೀರಬೇಕು ಎಂಬ ಸಂದೇಶವನ್ನು ಈ ಜಾಹೀರಾತು ನೀಡಿದೆ. ಅಂದರೆ ಇದು ಜಾತ್ಯತೀತತೆಯ ಪರಿಚಿತ ನಿರೂಪಣೆಯಾಗಿದೆ, ನಿರ್ದಿಷ್ಟವಾಗಿ ಹಿಂದೂ ಹಬ್ಬಗಳ ಸಮಯದಲ್ಲೇ ಇಂತಹ ಜಾತ್ಯಾತೀತ ಸಂದೇಶಗಳನ್ನು ನೀಡುವುದು ಸರ್ವೇ ಸಾಮಾನ್ಯ ಸಂಗತಿ ಎಂಬಂತಾಗಿದೆ.
ಜಾಹೀರಾತಿನಲ್ಲಿ ನವರಾತ್ರಿಯ ಸಮಯದಲ್ಲಿ ಗರ್ಬಾ ನೃತ್ಯದಲ್ಲಿ, ಇದ್ದಕ್ಕಿದ್ದಂತೆ ಸಾಂಟಾ ಕ್ಲಾಸ್ ಅನಿರೀಕ್ಷಿತವಾಗಿ ಕಾಣಿಸಿಕೊಂಡಿದ್ದಾನೆ. ಆಕ್ಸಿಸ್ ಬ್ಯಾಂಕ್ ನವರಾತ್ರಿಯಿಂದ ದೀಪಾವಳಿಯವರೆಗೆ ವ್ಯಾಪಿಸಿರುವ ಮತ್ತು ಕ್ರಿಸ್‌ಮಸ್‌ವರೆಗೆ ಮುಂದುವರಿಯುವ ತನ್ನ ಹಬ್ಬದ ಕೊಡುಗೆಗಳನ್ನು ಪ್ರಚಾರ ಮಾಡಲು ಈ ಪರಿಕಲ್ಪನೆಯನ್ನು ಬಳಸಿಕೊಂಡಿರುವುದೇ ವಿಚಿತ್ರ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
