ನರಮೇಧ ಹೇಳಿಕೆ: ಪ್ರಿಯಾಂಕಾ ವಾದ್ರಾಗೆ ತಕ್ಕ ಪ್ರತ್ಯುತ್ತರ ನೀಡಿದ ಇಸ್ರೇಲ್‌ ರಾಯಭಾರಿ

ನವದೆಹಲಿ: ಇಸ್ರೇಲ್ ಪ್ಯಾಲೆಸ್ಟೈನ್‌ನಲ್ಲಿ ನರಮೇಧ ನಡೆಸುತ್ತಿದೆ ಎಂದು ಆರೋಪಿಸಿರುವ ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರ ಆರೋಪಗಳಿಗೆ ಭಾರತಕ್ಕೆ ಇಸ್ರೇಲ್ ರಾಯಭಾರಿ ರುವೆನ್ ಅಜರ್ ತೀವ್ರವಾಗಿ ಪ್ರತಿಕ್ರಿಯಿಸಿದ್ದು, ಅವರ ಹೇಳಿಕೆಗಳಿಗೆ ತಕ್ಕ ಪ್ರತ್ಯುತ್ತರ ನೀಡಿದ್ದಾರೆ.

ಪ್ರಿಯಾಂಕಾ ಗಾಂಧಿ ವಾದ್ರಾ ಟ್ವೀಟ್ ಮಾಡಿ, “ಇಸ್ರೇಲ್ ನರಮೇಧ ನಡೆಸುತ್ತಿದೆ. ಇದು 60,000 ಕ್ಕೂ ಹೆಚ್ಚು ಜನರನ್ನು ಕೊಂದಿದೆ, ಅವರಲ್ಲಿ 18,430 ಮಕ್ಕಳು. ಇಸ್ರೇಲ್ ಅನೇಕ ಮಕ್ಕಳನ್ನು ಒಳಗೊಂಡಂತೆ ನೂರಾರು ಜನರನ್ನು ಹಸಿವಿನಿಂದ ಕೊಂದಿದೆ ಮತ್ತು ಲಕ್ಷಾಂತರ ಜನರನ್ನು ಹಸಿವಿನಿಂದ ಕೊಲ್ಲುವ ಬೆದರಿಕೆ ಹಾಕುತ್ತಿದೆ” ಎಂದು ಹೇಳಿದ್ದರು.

ಅಲ್ಲದೇ ಪ್ಯಾಲೆಸ್ಟೈನ್ ವಿಷಯದಲ್ಲಿ ಜಾಗತಿಕ ಮೌನವನ್ನು ಖಂಡಿಸಿದ ಅವರು, “ಮೌನ ಮತ್ತು ನಿಷ್ಕ್ರಿಯತೆಯಿಂದ ಈ ಅಪರಾಧಗಳನ್ನು ಸಕ್ರಿಯಗೊಳಿಸುವುದು ಸ್ವತಃ ಅಪರಾಧ. ಇಸ್ರೇಲ್ ಪ್ಯಾಲೆಸ್ಟೈನ್ ಜನರ ಮೇಲೆ ಈ ವಿನಾಶವನ್ನು  ಮಾಡುತ್ತಿರುವಾಗ ಭಾರತ ಸರ್ಕಾರ ಮೌನವಾಗಿರುವುದು ನಾಚಿಕೆಗೇಡಿನ ಸಂಗತಿ” ಎಂದು ಹೇಳಿದ್ದಾರೆ.

ಅವರ ಹೇಳಿಕೆಗಳಿಗೆ ಪ್ರತಿಕ್ರಿಯೆ ನೀಡಿರುವ ಇಸ್ರೇಲ್‌ ರಾಯಭಾರಿ ಅಜರ್, “ನಿಮ್ಮ ವಾದ ನಾಚಿಕೆಗೇಡಿನ ಸಂಗತಿ. ಇಸ್ರೇಲ್ 25,000 ಹಮಾಸ್ ಭಯೋತ್ಪಾದಕರನ್ನು ಕೊಂದಿದೆ. ಹಮಾಸ್‌ನ ಉಗ್ರರು ನಾಗರಿಕರ ಹಿಂದೆ ಅಡಗಿಕೊಳ್ಳುವ ಘೋರ ತಂತ್ರಗಳನ್ನು ಅನುಸರಿಸುತ್ತಿದ್ದಾರೆ, ಸ್ಥಳಾಂತರಿಸಲು ಅಥವಾ ಸಹಾಯ ಪಡೆಯಲು ಪ್ರಯತ್ನಿಸುತ್ತಿರುವ ಜನರನ್ನು ಗುಂಡು ಹಾರಿಸಿ ಮತ್ತು ರಾಕೆಟ್ ಹಾರಿಸಿ ಸಾಯಿಸುತ್ತಿದ್ದಾರೆ” ಎಂದು ಹೇಳಿದರು.

“ಇಸ್ರೇಲ್ ಗಾಜಾಗೆ 2 ಮಿಲಿಯನ್ ಟನ್ ಆಹಾರವನ್ನು ಪೂರೈಸಿದೆ, ಆದರೆ ಹಮಾಸ್ ಅದನ್ನು ವಶಪಡಿಸಿಕೊಳ್ಳಲು ಪ್ರಯತ್ನಿಸುತ್ತಿದೆ, ಇದರಿಂದಾಗಿ ಹಸಿವು ಸೃಷ್ಟಿಯಾಗಿದೆ” ಎಂದು ಹೇಳುವ ಮೂಲಕ ಅವರು ಇಸ್ರೇಲ್‌ನ ಮಾನವೀಯ ಪ್ರಯತ್ನಗಳನ್ನು ಎತ್ತಿ ತೋರಿಸಿದರು.

“ಕಳೆದ 50 ವರ್ಷಗಳಲ್ಲಿ ಗಾಜಾ ಜನಸಂಖ್ಯೆಯು 450% ರಷ್ಟು ಬೆಳೆದಿದೆ, ಅಲ್ಲಿ ಯಾವುದೇ ನರಮೇಧವಿಲ್ಲ” ಎಂದು ಹೇಳಿದರು.

What is shameful is your deceit. Israel Killed 25,000 Hamas terrorists. The terrible cost in human lives derives from Hamas’s heinous tactics of hiding behind civilians, their shooting of people trying to evacuate or receive assistance and their rocket fire. Israel facilitated 2… https://t.co/e3lSUwfmXH

— 🇮🇱 Reuven Azar (@ReuvenAzar) August 12, 2025