ನವದೆಹಲಿ: ರಷ್ಯಾದ ಯುರೇನಿಯಂ ಮತ್ತು ರಸಗೊಬ್ಬರಗಳನ್ನು ಅಮೆರಿಕ ಆಮದು ಮಾಡುತ್ತಿರುವ ಬಗ್ಗೆ ತಮಗೆ ತಿಳಿದಿಲ್ಲ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳುವ ಮೂಲಕ ನಗೆಪಾಟಲಿಗೀಡಾಗಿದ್ದಾರೆ. ಆದರೆ ಭಾರತವು ತೈಲ ಖರೀದಿಯ ಮೂಲಕ ರಷ್ಯಾದ ಯುದ್ಧ ಯಂತ್ರಕ್ಕೆ ಹಣಕಾಸು ಒದಗಿಸುತ್ತಿದೆ ಎಂಬ ತಮ್ಮ ಆರೋಪವನ್ನು ಅವರು ಮುಂದುವರೆಸಿದ್ದಾರೆ.
ಅಮೆರಿಕ ಇನ್ನೂ ರಷ್ಯಾದಿಂದ ಯುರೇನಿಯಂ ಹೆಕ್ಸಾಫ್ಲೋರೈಡ್, ರಸಗೊಬ್ಬರಗಳು ಅಥವಾ ರಾಸಾಯನಿಕಗಳನ್ನು ಖರೀದಿಸುತ್ತಿದೆಯೇ ಎಂದು ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಟ್ರಂಪ್ , “ನನಗೆ ಅದರ ಬಗ್ಗೆ ಏನೂ ತಿಳಿದಿಲ್ಲ. ನಾನು ಪರಿಶೀಲಿಸಬೇಕಾಗಿದೆ” ಎಂದಿದ್ದಾರೆ.
ಪತ್ರಕರ್ತರು ಕೇಳಿದ ಪ್ರಶ್ನೆ ಊಹಾಪೋಹವಾಗಿರಲಿಲ್ಲ. ಯುಎಸ್ ವ್ಯಾಪಾರ ದತ್ತಾಂಶದ ಪ್ರಕಾರ, ರಷ್ಯಾದಿಂದ ಅಮೆರಿಕದ ಆಮದುಗಳು ಜನವರಿ ಮತ್ತು ಮೇ 2025 ರ ನಡುವೆ ವರ್ಷದಿಂದ ವರ್ಷಕ್ಕೆ ಶೇಕಡಾ 23 ರಷ್ಟು ಹೆಚ್ಚಾಗಿದೆ. ಇವುಗಳಲ್ಲಿ ಯುರೇನಿಯಂ, ರಸಗೊಬ್ಬರ ರಾಸಾಯನಿಕಗಳು ಮತ್ತು ಪಲ್ಲಾಡಿಯಮ್ ಸೇರಿವೆ.
2024 ರಲ್ಲಿ, ಅಮೆರಿಕವು ರಷ್ಯಾದಿಂದ $1.27 ಬಿಲಿಯನ್ ಮೌಲ್ಯದ ರಸಗೊಬ್ಬರಗಳು, $624 ಮಿಲಿಯನ್ ಮೌಲ್ಯದ ಯುರೇನಿಯಂ ಮತ್ತು $878 ಮಿಲಿಯನ್ ಮೌಲ್ಯದ ಪಲ್ಲಾಡಿಯಮ್ ಅನ್ನು ಆಮದು ಮಾಡಿಕೊಂಡಿದೆ.
ಭಾರತ ಮಾಸ್ಕೋ ಜೊತೆಗಿನ ಇಂಧನ ಸಂಬಂಧಗಳನ್ನು ಕಡಿಮೆ ಮಾಡದ ಹೊರತು ಭಾರತೀಯ ಸರಕುಗಳ ಮೇಲಿನ ಸುಂಕವನ್ನು ಹೆಚ್ಚಿಸುವುದಾಗಿ ಟ್ರಂಪ್ ಎಚ್ಚರಿಸಿದ್ದಾರೆ.
ಆದರೆ ಟ್ರಂಪ್ ನಡೆ ಅಸಮರ್ಥನೀಯ ಎಂದು ಭಾರತೀಯ ಅಧಿಕಾರಿಗಳು ಹೇಳಿದ್ದಾರೆ. ರಷ್ಯಾದಿಂದ ಇಂಧನ ಖರೀದಿಗಳು ಆರ್ಥಿಕ ಮತ್ತು ಭದ್ರತಾ ಪರಿಗಣನೆಗಳನ್ನು ಆಧರಿಸಿವೆ ಮತ್ತು ಅನೇಕ ಪಾಶ್ಚಿಮಾತ್ಯ ದೇಶಗಳು ಮಾಸ್ಕೋದೊಂದಿಗೆ ಆಯ್ದ ವ್ಯಾಪಾರವನ್ನು ಮುಂದುವರಿಸುತ್ತವೆ ಎಂದು ಅವರು ವಾದಿಸಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
