‌ʼಪಾಕಿಸ್ಥಾನ ಎಲ್ಲಿ ನಿಲ್ಲುತ್ತದೆಯೋ ಅಲ್ಲಿಂದಲೇ ಭಿಕ್ಷುಕರ ಸಾಲು ಪ್ರಾರಂಭವಾಗುತ್ತದೆ” – ರಾಜನಾಥ್‌ ಸಿಂಗ್

ನವದೆಹಲಿ: ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಇಂದು ಜಮ್ಮು ಮತ್ತು ಕಾಶ್ಮೀರಕ್ಕೆ ಭೇಟಿ ನೀಡಿದ್ದು, ಪಾಕಿಸ್ತಾನದ ವಿರುದ್ಧ ವಾಕ್‌ ಪ್ರಹಾರ್‌ ನಡೆಸಿದ್ದಾರೆ. ಅದರ ಆರ್ಥಿಕ ಸ್ಥಿತಿ ಮತ್ತು ಬಾಹ್ಯ ಹಣಕಾಸು ನೆರವಿನ ಮೇಲೆ ಅದರ ನಿರಂತರ ಅವಲಂಬನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ.  ಸಿಂಗ್ ಅವರ ಭೇಟಿಯು ಆಪರೇಷನ್ ಸಿಂಧೂರ್ ನಂತರ ಈ ಪ್ರದೇಶಕ್ಕೆ ಅವರ ಮೊದಲ ಭೇಟಿಯಾಗಿದೆ. ಯೋಧರ ನೈತಿಕ ಸ್ಥೈರ್ಯವನ್ನು ಹೆಚ್ಚಿಸುವ ಉದ್ದೇಶವನ್ನು ಒಳಗೊಂಡಿದೆ.

“ಪಾಕಿಸ್ತಾನದ ಬಗ್ಗೆ ನಾನು ಏನು ತಾನೆ ಹೇಳಬಲ್ಲೆ. ಭಿಕ್ಷೆ ಬೇಡಿದ ನಂತರ, ಆ ದೇಶವು ಎಂತಹ ಸ್ಥಾನದಲ್ಲಿದೆಯೆಂದರೆ ಅವರು ನಿಂತಲ್ಲಿಂದಲೇ ಭಿಕ್ಷುಕರ ಸಾಲು ಪ್ರಾರಂಭವಾಗುತ್ತದೆ” ಎಂದಿದ್ದಾರೆ.

“ನೀವು ಕೇಳಿರಬೇಕು, ಅವರು ಮತ್ತೊಮ್ಮೆ ಅಂತರರಾಷ್ಟ್ರೀಯ ಹಣಕಾಸು ನಿಧಿಗೆ ಹಣವನ್ನು ಕೇಳಲು ಹೋಗಿದ್ದಾರೆ, ಆದರೆ ಭಾರತ ಬಡ ದೇಶಗಳಿಗೆ ಸಹಾಯ ಮಾಡಲು IMF ಗೆ ಹಣಕಾಸು ನೀಡುವ ದೇಶಗಳ ಸಾಲಿನಲ್ಲಿ ಸೇರಿದೆ” ಎಂದು  ಸಿಂಗ್  ಹೇಳಿದರು.

ಮೇ 7 ರಂದು, ಭಾರತವು ಗಡಿಯುದ್ದಕ್ಕೂ ಕಾರ್ಯನಿರ್ವಹಿಸುತ್ತಿರುವ ಭಯೋತ್ಪಾದಕ ಮೂಲಸೌಕರ್ಯಗಳ ಮೇಲೆ ನಿಖರವಾದ ದಾಳಿಗಳನ್ನು ನಡೆಸಿತು. ಪಾಕಿಸ್ತಾನವು ಮೇ 8, 9 ಮತ್ತು 10 ರಂದು ಭಾರತೀಯ ಸೇನಾ ನೆಲೆಗಳ ಮೇಲೆ ದಾಳಿ ಮಾಡಲು ಪ್ರಯತ್ನಿಸಿತು. ಭಾರತವು ಮೇ 10 ರಂದು ಪ್ರತೀಕಾರ ತೀರಿಸಿಕೊಂಡು, ದೀರ್ಘ-ಶ್ರೇಣಿಯ ಕ್ಷಿಪಣಿಗಳು ಮತ್ತು ಇತರ ಶಸ್ತ್ರಾಸ್ತ್ರಗಳೊಂದಿಗೆ ಎಂಟು ಪಾಕಿಸ್ತಾನಿ ವಾಯುನೆಲೆಗಳನ್ನು ಗುರಿಯಾಗಿಸಿಕೊಂಡಿತು.

ಮೇ 10 ರ ಮಧ್ಯಾಹ್ನ ಎರಡೂ ರಾಷ್ಟ್ರಗಳ ಮಿಲಿಟರಿ ಕಾರ್ಯಾಚರಣೆಗಳ ಮಹಾನಿರ್ದೇಶಕರ (DGMO) ನಡುವಿನ ಮಾತುಕತೆಗಳ ಮೂಲಕ ಕದನ ವಿರಾಮ ಒಪ್ಪಂದಕ್ಕೆ ಬಂದಿತು.

ಇಂದು ಶ್ರೀನಗರದಲ್ಲಿರುವ XV ಕಾರ್ಪ್ಸ್ ಪ್ರಧಾನ ಕಚೇರಿಯಲ್ಲಿ  ಭಾರತದ ರಕ್ಷಣಾ ಅಧಿಕಾರಿಗಳು ಈ ಬೆಳವಣಿಗೆಗಳ ಬಗ್ಗೆ ರಕ್ಷಣಾ ಸಚಿವರಿಗೆ ವಿವರಿಸಿದರು.