ಕೊಲಂಬೋ: ಶ್ರೀಲಂಕಾದ ಆಸ್ಪತ್ರೆಗಳಲ್ಲಿ ಅಗತ್ಯ ಔಷಧಿಗಳ ಕೊರತೆ ಉದ್ಭವವಾಗಿರುವ ಹಿನ್ನೆಲೆಯಲ್ಲಿ ಭಾರತವು ಸಹಾಯ ಮಾಡಲು ಮುಂದಾಗಿದೆ. ಹೃದಯ ವೈಫಲ್ಯ ಅಥವಾ ಎಡಿಮಾದಂತಹ ಪರಿಸ್ಥಿತಿಗಳಲ್ಲಿ ದೇಹದಿಂದ ಹೆಚ್ಚುವರಿ ದ್ರವವನ್ನು ತೆಗೆದುಹಾಕಲು ಬಳಸುವ ಮೂತ್ರವರ್ಧಕ ಔಷಧವಾದ ಫ್ಯೂರೋಸೆಮೈಡ್ ಇಂಜೆಕ್ಷನ್ 20mg/2ml ನ 50,000 ಆಂಪೂಲ್‌ಗಳನ್ನು (ವೈದ್ಯಕೀಯ ಕಂಟೇನರ್) ಭಾರತ ಸರ್ಕಾರ ಗುರುವಾರ ಕಳುಹಿಸಿಕೊಟ್ಟಿದೆ.
ಶ್ರೀಲಂಕಾದ ಭಾರತೀಯ ಹೈಕಮಿಷನರ್ ಸಂತೋಷ್ ಝಾ ಅವರು ದೇಶದ ಆರೋಗ್ಯ ಮತ್ತು ಸಮೂಹ ಮಾಧ್ಯಮ ಸಚಿವ ಡಾ. ನಲಿಂದಾ ಜಯತಿಸ್ಸಾ ಅವರಿಗೆ ಈ ರವಾನೆಯನ್ನು ಹಸ್ತಾಂತರಿಸಿದರು. ಆರೋಗ್ಯ ಕಾರ್ಯದರ್ಶಿ ಡಾ. ಅನಿಲ್ ಜಾಸಿಂಘೆ, ವೈದ್ಯಕೀಯ ಸರಬರಾಜು ವಿಭಾಗದ ನಿರ್ದೇಶಕ ಡಾ. ದೇದುನು ಡಯಾಸ್ ಮತ್ತು ಇತರ ಉನ್ನತ ಅಧಿಕಾರಿಗಳು ಸೇರಿದಂತೆ ಇತರ ಉನ್ನತ ಅಧಿಕಾರಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.
ಕೊಲಂಬೊದಲ್ಲಿರುವ ಭಾರತೀಯ ಹೈಕಮಿಷನ್‌ ಈ ಬಗ್ಗೆ ಹೇಳಿಕೆ ನೀಡಿ, “ಆರೋಗ್ಯ ವಲಯ ಸೇರಿದಂತೆ ತೊಂದರೆಗಳು ಮತ್ತು ಕೊರತೆಗಳ ಸಮಯದಲ್ಲಿ ಭಾರತವು ಶ್ರೀಲಂಕಾಕ್ಕೆ ವಿಶ್ವಾಸಾರ್ಹ ಸ್ನೇಹಿತ ಮತ್ತು ಮೊದಲಿಗನಾಗಿ ಪ್ರತಿಕ್ರಿಯೆ ನೀಡಿದೆ” ಎಂದಿದೆ. ಈ ವೈದ್ಯಕೀಯ ರವಾನೆಯನ್ನು ಭಾರತ ಸರ್ಕಾರವು ಶ್ರೀಲಂಕಾಕ್ಕೆ ಉಡುಗೊರೆಯಾಗಿ ನೀಡಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
