ಮಹಾಕುಂಭಕ್ಕೆ ಮೀಸಲಾಗಿರುವ ವಿಶೇಷ ಗೀತೆಗಳ ಬಿಡುಗಡೆ

ನವದೆಹಲಿ: ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವೆ ಅಶ್ವಿನಿ ವೈಷ್ಣವ್ ಅವರು ಬುಧವಾರ ದೆಹಲಿಯಲ್ಲಿ ಉತ್ತರಪ್ರದೇಶದ ಪ್ರಯಾಗ್‌ರಾಜ್‌ನಲ್ಲಿ ನಡೆಯಲಿರುವ ಮಹಾಕುಂಭಕ್ಕೆ ಮೀಸಲಾಗಿರುವ ವಿಶೇಷ ಗೀತೆಗಳನ್ನು ಬಿಡುಗಡೆ ಮಾಡಿದ್ದಾರೆ.

ಆಕಾಶವಾಣಿ ಮತ್ತು ದೂರದರ್ಶನಕ್ಕಾಗಿ ಈ ವಿಶೇಷ ಗೀತೆಗಳನ್ನು ರಚನೆ ಮಾಡಲಾಗಿದೆ. ಈ ಹಾಡು ಮಹಾಕುಂಭದ ಆಧ್ಯಾತ್ಮಿಕ, ಸಾಂಸ್ಕೃತಿಕ ಮತ್ತು ಧಾರ್ಮಿಕ ಮಹತ್ವವನ್ನು ಸಾರಿ ಹೇಳುತ್ತದೆ, ಸಂಗೀತ ಮತ್ತು ಸಾಹಿತ್ಯದ ಸಾಮರಸ್ಯದ ಮಿಶ್ರಣವನ್ನು ಒಳಗೊಂಡಿದೆ.

ಈ ಹಾಡನ್ನು ರತನ್ ಪ್ರಸನ್ನ ಅವರು ಹಾಡಿದ್ದಾರೆ, ಸಂತೋಷ್ ನಹರ್ ಮತ್ತು ರತನ್ ಪ್ರಸನ್ನ ಅವರ ಸಂಗೀತ ನೀಡಿದ್ದಾರೆ. ಆಕಾಶವಾಣಿಯ ಈ ಸುಮಧುರ ಹಾಡು ಮಹಾಕುಂಭದ ಕಾಲಾತೀತ ಸಂಪ್ರದಾಯಗಳು ಮತ್ತು ಪಾವಿತ್ರ್ಯವನ್ನು ಗೌರವಿಸುತ್ತದೆ,  ಕೇಳುಗರಲ್ಲಿ ಭಕ್ತಿ ಮತ್ತು ಹೆಮ್ಮೆಯ ಭಾವನೆಯನ್ನು ಬೆಳೆಸುತ್ತದೆ.

ದೂರದರ್ಶನ ರಚಿಸಿದ “ಮಹಾಕುಂಭ್ ಹೈ” ಎಂಬ ಥೀಮ್ ಹಾಡನ್ನು ಪದ್ಮಶ್ರೀ ಕೈಲಾಶ್ ಖೇರ್ ಹಾಡಿದ್ದಾರೆ. ಈ ಹಾಡು ಭಕ್ತಿಯ ಚೈತನ್ಯ, ಆಚರಣೆ ಮತ್ತು ಮಹಾಕುಂಭದ ರೋಮಾಂಚಕ ಸಾಂಸ್ಕೃತಿಕ ಸಾರವನ್ನು ಒಳಗೊಂಡಿದೆ.

ಈ ಸಂದರ್ಭದಲ್ಲಿ ಪ್ರಸಾರ ಭಾರತಿ ಅಧ್ಯಕ್ಷ ನವನೀತ್ ಕುಮಾರ್ ಸೆಹಗಲ್, ಪ್ರಸಾರ ಭಾರತಿ ಸಿಇಒ ಗೌರವ್ ದ್ವಿವೇದಿ, ದೂರದರ್ಶನದ ಮಹಾನಿರ್ದೇಶಕ ಕಾಂಚನ್ ಪ್ರಸಾದ್ ಮತ್ತು ಆಕಾಶವಾಣಿಯ ಮಹಾನಿರ್ದೇಶಕ ಡಾ.ಪ್ರಜ್ಞಾ ಪಲಿವಾಲ್ ಗೌರ್ ಉಪಸ್ಥಿತರಿದ್ದರು. ಮಹಾಕುಂಭ 2025 ಜನವರಿ 13 ರಿಂದ ಫೆಬ್ರವರಿ 26 ರವರೆಗೆ ಪ್ರಯಾಗರಾಜ್‌ನಲ್ಲಿ ನಡೆಯಲಿದೆ.