ಭಾರತೀಯ ಸಂಸ್ಕೃತಿ, ಆಧ್ಯಾತ್ಮಿಕತೆ, ಸಂಪ್ರದಾಯವನ್ನು ಮಾರ್ಗದರ್ಶಿಸುವ ದಿವ್ಯ ಗ್ರಂಥ ಭಗವದ್ಗೀತೆ

ನವದೆಹಲಿ: ಭಕ್ತಿ, ಜ್ಞಾನ , ಸುಗಮ ಜೀವನಕ್ಕೆ ಬೇಕಾದ ಮೌಲ್ಯಗಳನ್ನು ಒಳಗೊಂಡ ಜಗತ್ತಿಗೆ ಒಂದು ಉತ್ತಮ ಮಾರ್ಗದರ್ಶಕನ ಪಾತ್ರ ವಹಿಸುತ್ತಿರುವ ಮಹಾನ್‌ ಗ್ರಂಥ ಭಗವದ್ಗೀತೆ. ಇಂದು ಗೀತಾ ಜಯಂತಿ. ಶ್ರೀಕೃಷ್ಣ ಗೀತೆಯ ಸಾರವನ್ನು ಅರ್ಜುನನಿಗೆ ಸಾರಿ ಹೇಳಿದ ಪವಿತ್ರ ದಿನ.

ಹಿಂದು ಪಂಚಾಂಗದ ಪ್ರಕಾರ, ಈ ಭಗವದ್ಗೀತೆಯನ್ನು 5160 ವರ್ಷಗಳ ಹಿಂದೆ ಮಾರ್ಗಶಿರ ಮಾಸದ ಶುಕ್ಲ ಪಕ್ಷದ ಏಕಾದಶಿಯಂದು ಶ್ರೀಕೃಷ್ಣ ಪರಮಾತ್ಮ ತನ್ನ ಸಾರಥಿ ಅರ್ಜುನನಿಗೆ ಉಪದೇಶ ಮಾಡಿದನೆಂದು ನಂಬಲಾಗಿದೆ. ಕುರುಕ್ಷೇತ್ರದ ಯುದ್ಧಭೂಮಿಯಲ್ಲಿ ಶ್ರೀ ಕೃಷ್ಣನು ಜೀವನ, ಕರ್ತವ್ಯ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಅರ್ಜುನನಿಗೆ ಉಪದೇಶ ಮಾಡಿದ ಮಹತ್ವದ ದಿನ. ಅದಕ್ಕಾಗಿಯೇ ಪ್ರಪಂಚದಾದ್ಯಂತ ಗೀತಾ ಜಯಂತಿಯನ್ನು ಪ್ರತಿ ವರ್ಷ ಮಾರ್ಗಶಿರ ಮಾಸದ ಶುಕ್ಲಪಕ್ಷದ ಏಕಾದಶಿಯಂದು ಆಚರಿಸಲಾಗುತ್ತದೆ.

ಭಗವದ್ಗೀತೆಯು 18 ಅಧ್ಯಾಗಳು ಮತ್ತು 700 ಪದ್ಯಗಳನ್ನು ಹೊಂದಿದೆ. ಇಂದಿಗೂ ಜನರಿಗೆ ಸರಿ ಮತ್ತು ತಪ್ಪುಗಳ ನಡುವಿನ ವ್ಯತ್ಯಾಸ ತಿಳಿಸುವ ಈ ಮಹಾ ಗ್ರಂಥ ಜಾಗತಿಕ ಮಟ್ಟದಲ್ಲೂ ತನ್ನ ಪ್ರಭಾವವನ್ನು ಬೀರಿದೆ. ಇದರ ಮೂಲ ಗ್ರಂಥ ಸಂಸ್ಕೃತದಲ್ಲಿ ರಚನೆಯಾಗಿದ್ದರೂ ಜಗತ್ತಿನ ಅನೇಕ ಭಾಷೆಗಳಲ್ಲಿ ಇದರ 2000 ಕ್ಕೂ ಹೆಚ್ಚು ಅನುವಾದ ಮತ್ತು ವ್ಯಾಖ್ಯಾನಗಳಿವೆ. ಹಾಗಾಗಿಯೇ ಇದು ಭಾರತಕ್ಕೆ ಮಾತ್ರ ಸೀಮಿತವಾಗಿರದೆ ಇಡೀ ಪ್ರಪಂಚಕ್ಕೆ ಮನುಷ್ಯನ ಕರ್ತವ್ಯದ ಅರಿವು ಮೂಡಿಸಿದೆ.

ಪ್ರಧಾನಿ ನರೇಂದ್ರ ಮೋದಿಯವರು ಈ ಶುಭ ಸಂದರ್ಭದಲ್ಲಿ ಎಕ್ಸ್‌ ಪೋಸ್ಟ್‌ ಮಾಡಿ, “ನಾಡಿನ ಸಮಸ್ತ ಜನತೆಗೆ ಗೀತಾ ಜಯಂತಿಯ ಶುಭಾಶಯಗಳು. ಭಾರತೀಯ ಸಂಸ್ಕೃತಿ, ಆಧ್ಯಾತ್ಮಿಕತೆ ಮತ್ತು ಸಂಪ್ರದಾಯವನ್ನು ಮಾರ್ಗದರ್ಶಿಸುವ ದಿವ್ಯ ಗ್ರಂಥದ ಮೂಲ ದಿನವೆಂದು ಆಚರಿಸಲಾಗುವ ಈ ಪವಿತ್ರ ಹಬ್ಬವು ಎಲ್ಲರಿಗೂ ಕರ್ಮಯೋಗದ ಹಾದಿಯನ್ನು ತೋರಿಸಲಿ. ಶ್ರೀ ಕೃಷ್ಣನಿಗೆ ಜಯವಾಗಲಿ!” ಎಂದಿದ್ದಾರೆ.

समस्त देशवासियों को गीता जयंती की अनंत शुभकामनाएं। भारतीय संस्कृति, अध्यात्म और परंपरा के मार्गदर्शक दिव्य ग्रंथ के उद्गम दिवस के रूप में मनाया जाने वाला यह पावन उत्सव हर किसी को कर्मयोग की राह दिखाए। जय श्री कृष्ण! pic.twitter.com/q2w41mGaOA

— Narendra Modi (@narendramodi) December 11, 2024