ದೇಗುಲದ ನವೀಕರಣಾದಿ ಕಾರ್ಯ ನಮ್ಮ ಜೀವನದ ಸೌಭಾಗ್ಯ

ಬೆಳ್ತಂಗಡಿ : ದೇಗುಲದ ನವೀಕರಣಾದಿ ಕಾರ್ಯಗಳಲ್ಲಿ ತನುಮನಧನ ಪೂರ್ವಕವಾಗಿ ತೋಡಿಗಿಸಿಕೊಳ್ಳುವ ಅವಕಾಶ ನಮ್ಮ ಜೀವನದಲ್ಲಿ ಒದಗಿ ಬರುವ ಬಹು ದೊಡ್ಡ ಸೌಭಾಗ್ಯವಾಗಿದೆ. ಎಂದು ಅಳದಂಗಡಿ ಅರಮನೆ ಡಾ| ಪದ್ಮಪ್ರಸಾದ್ ಅಜಿಲ ಹೇಳಿದರು.ಅವರು ಭಾನುವಾರ ವೇಣೂರಿನ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ನಡೆದ ನೂತನ ಧ್ವಜಸ್ಥಂಬದ ತೈಲಸ್ಥಂಭನ ಕಾರ್ಯಕ್ರಮದ ಧಾರ್ಮಿಕ ಕಾರ್ಯ ನೆರವೇರಿಸಿ ಬಳಿಕ ಸಭಾಧ್ಯಕ್ಷತೆ ವಹಿಸಿ ಮಾತನಾಡಿದರು.

ಭಕ್ತಿಭಾವದಿಂದ ಸೇವಾಕಾರ್ಯದಲ್ಲಿ ಪಾಲ್ಗೊಂಡಾಗ ಒಂದು ರೀತಿಯ ಸಮಾಧಾನ, ತೃಪ್ತಿ, ಶಾಂತಿ ದೊರಕುತ್ತದೆ. ಇಲ್ಲಿಯ ಜೀರ್ಣೋದ್ಧಾರ ಕಾರ್ಯ ಹುರುಪಿನಿಂದ ನಡೆದಿದ್ದು ಶ್ರೀಘ್ರದಲ್ಲೇ ಬ್ರಹ್ಮಕಲಶೋತ್ಸವ ಕಾಣುವಂತಾಗಲಿ ಎಂದರು.ವೇದಿಕೆಯಲ್ಲಿ ನೂತನ ಧ್ವಜಸ್ಥಂಭದ ದಾನಿ ಪ್ರವೀಣ್ ಕುಮಾರ್ ಇಂದ್ರ, ವೇಣೂರು ಗ್ರಾಮ ಪಂಚಾಯತ್ ಅಧ್ಯಕ್ಷ ಸತೀಷ್ ಹೆಗ್ಡೆ, ಡಾ| ಬಿ.ಪಿ.ಇಂದ್ರ, ಆನಂದ ದೇವಾಡಿಗ, ದೇವಸ್ಥಾನದ ಆಡಳಿತಾಧಿಕಾರಿ ಜಯಕೀರ್ತಿ ಜೈನ್ ಉಪಸ್ಥಿತರಿದ್ದರು.

ದೇವಸ್ಥಾನದ ಜೀರ್ಣೋದ್ದಾರ ಸಮಿತಿಯ ಕಾರ್ಯಾಧ್ಯಕ್ಷ ಸೋಮಯ್ಯ ಹನೈನಡೆ ಸ್ವಾಗತಿಸಿದರು. ಪ್ರಧಾನ ಕಾರ್ಯದರ್ಶಿ ಕೆ. ವಿಜಯ ಗೌಡ ಪ್ರಸ್ತಾವಿಸಿ, ಆಯವ್ಯಯಗಳ ವಿವರವಿತ್ತರು. ಮಾಜಿ ಆಡಳಿತ ಮೊಕ್ತೇಸರ ಕೆ.ವಿಶ್ವನಾಥ್ ಪೈ. ಮಾಜಿ ಆಡಳಿತ ಮಂಡಳಿ ಸದಸ್ಯರು, ಉದ್ಯಮಿ ಭಾಸ್ಕರ ಪೈ, ಅಳದಂಗಡಿ ಸತ್ಯದೇವತೆ ದೈವಸ್ಥಾನದ ಆಡಳಿತೆದಾರ ಶಿವಪ್ರಸಾದ ಅಜಿಲ, ಶ್ರೀ ದಿಗಂಬರ ಜೈನ ತೀರ್ಥಕೇತ್ರ ಸಮಿತಿ ಕಾರ್ಯದರ್ಶಿ ವಿಜಯಕುಮಾರ್ ಅದಿಕಾರಿ ಉಪಸ್ಥಿತರಿದ್ದರು.

ವಿಶ್ವೇಶ್ವರ ಪ್ರಸಾದ್ ಕಾರ್ಯಕ್ರಮ ನಿರ್ವಹಿಸಿದರು. ಉಮೇಶ್ ಸಹಕರಿಸಿದರು. ಮಾಜಿ ಆಡಳಿತ ಮಂಡಳಿ ಸದಸ್ಯ ಕೃಷ್ಣಕಾರಂತ ವಂದಿಸಿದರು. ಸುಮಾರು ೨ ಸಾವಿರಕ್ಕೂ ಮೇಲ್ಪಟ್ಟು ಭಕ್ತಾದಿಗಳು ತೈಲ ಎರೆಯುವ ಕಾರ್ಯದಲ್ಲಿ ಪಾಲ್ಗೊಂಡರು