ಮುಂಬಯಿ: ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ತೋರಲ್ ರಾಸ್ಪುತ್ರ ಅವರ ಜನಪ್ರಿಯ ಟಿವಿ ಧಾರಾವಾಹಿ ’ಬಾಲಿಕಾ ವಧು’ 2000 ಸಂಚಿಕೆಗಳನ್ನು ತಲುಪಿರುವ ಭಾರತದ ಮೊದಲ ಧಾರವಾಹಿ ಎನಿಸಿದೆ. ಕಲರ್ಸ್‌ನ ಈ ಧಾರಾವಾಹಿಯು ವಿವಿಧ ಸಾಮಾಜಿಕ ಸಮಸ್ಯೆಗಳು, ಬಾಲ್ಯ ವಿವಾಹ, ಕೌಟುಂಬಿಕ ದೌರ್ಜನ್ಯಗಳು, ವೈವಾಹಿಕ ಅತ್ಯಾಚಾರ ಸೇರಿದಂತೆ ಮಹಿಳೆಯರ ಸಬಲೀಕರಣ ಮೊದಲಾದ ಪಾತ್ರಗಳನ್ನು ಒಳಗೊಂಡಿದೆ.
2008ರಲ್ಲಿ ಪ್ರಾರಂಭವಾದ ಈ ಟಿವಿ ಪ್ರದರ್ಶನ ತನ್ನ ಪ್ರಬಲ ಕಥೆ, ಉತ್ತಮ ಅಭಿನಯದಿಂದಾಗಿ ಪ್ರೇಕ್ಷಕರೊಂದಿಗೆ ಒಂದು ಅತ್ಯುತ್ತಮ ಕೊಂಡಿಯನ್ನು ಸೃಷ್ಠಿಸಿದೆ. ಕಲರ್ಸ್‌ನ ಈ ಧಾರಾವಾಹಿ ಒಂದು ಯಶಸ್ವಿ ಮನೊರಂಜನಾ ಕಾರ್ಯಕ್ರಮವಾಗಿ ಗುರುತಿಸಿಕೊಂಡಿದೆ ಎಂದು ಕಲರ್ಸ್‌ನ ಸಿಇಒ ರಾಜ್ ನಾಯಕ್ ಹೇಳಿದ್ದಾರೆ.
ತಾಯಿ-ಮಗಳ ನಡುವಿನ ಸಂಬಂಧ ಜೀವನದ ಮುಖ್ಯ ಭಾಗವಾಗಿದ್ದು, ಈ ಧಾರಾವಾಹಿಯಲ್ಲಿ ಆನಂದಿ ಪಾತ್ರದ ಮೂಲಕ ಅದರ ಮಹತ್ವವನ್ನು ಅರಿಯುವಂತೆ ಮಾಡಿದ್ದೇನೆ ಎಂದು ರಾಸ್ಪುತ್ರ ಹೇಳಿದ್ದಾರೆ.
ಕಲರ್ಸ್ ಚಾನೆಲ್ ತಾಯಿ-ಮಗುವಿನ ಸಂಬಂಧದ ಅತ್ಯಂತ ಅಮೂಲ್ಯ ಕ್ಷಣಗಳ ಚಿತ್ರಗಳನ್ನು ವೀಕ್ಷಕರು ಸಾಮಾಜಿಕ ಜಾಲತಾಣಗಳಲಲ್ಲಿ ಹಂಚಿಕೊಳ್ಳಲು ಸಾಧ್ಯವಾಗುವಂತೆ ಅಖಿಲ ಭಾರತ ಛಾಯಾಗ್ರಹಣ ಉಪಕ್ರಮವನ್ನು ರಚಿಸಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
