ಶ್ರೀ ದೇವತಾ ಸ್ತೋತ್ರಗಳು ಸಿ.ಡಿ. ಬಿಡುಗಡೆ

ಉಡುಪಿ : ಮಣಿಪಾಲದ ರಾಜಾಪುರ ಸಾರಸ್ವತ ಬ್ರಾಹ್ಮಣಾ ಸಮಾಜದ ವತಿಯಿಂದ ಮಣಿಪಾಲದ ಆರ್.ಎಸ್.ಬಿ. ಸಭಾಭವನದಲ್ಲಿ ಜರುಗುತ್ತಿರುವ ಕೈವಲ್ಯ ಮಠಾಧೀಶರ ಚಾತುರ್ಮಾಸ್ಯದ ಮತ್ತು ಶ್ರೀ ಗಣೇಶೋತ್ಸವದ ಪರ್ವಕಾಲದಲ್ಲಿ ಉಡುಪಿ ಯ ಅನಂತ ವೈಧಿಕ ಕೇಂದ್ರದ ಮೂಲಕ ರಚಿಸಿದ ಶ್ರೀ ದೇವತಾ ಸ್ತೋತ್ರಗಳು ಎಂಬ ಧ್ವನಿಸುರುಳಿಯನ್ನು ಕೈವಲ್ಯ ಮಠಾಧೀಶರಾದ ಶ್ರೀಮದ್ ಶಿವಾನಂದ ಸರಸ್ವತಿ ಸ್ವಾಮೀಜಿ, ಗುರು ಮಹಾರಾಜರು ಬಿಡುಗಡೆ ಮಾಡಿ ಈ ಸಿ.ಡಿ.ಯ ಸಾರಸ್ವತ ಸಮಾಜ ಮಾತ್ರವಲ್ಲದೆ, ಅನ್ಯ ಸಮಾಜದವರು ಸಿ.ಡಿ. ಪಡೆದು ಇದರ ಸದುಪಯೋಗವನ್ನು ಪಡೆಯಬೇಕೆಂದು ಹಾಗೂ ಅನಂತ ವೈಧಿಕ ಕೇಂದ್ರದ ಮೂಲಕ ಇನ್ನಷ್ಟು ಧಾರ್ಮಿಕ ಸಿ.ಡಿ.ಗಳು ಲೋಕಾರ್ಪಣೆಗೊಳ್ಳಲಿ ಎಂದು ಶುಭಹಾರೈಸಿದರು.

ಸಮಾರಂಭದಲ್ಲಿ ಚಾತುರ್ಮಾಸ್ಯ ಸಮಿತಿಯ ಅಧ್ಯಕ್ಷರಾದ ಸಂತೋಷ್ ವಾಗ್ಳೆ, ಕಾರ್ಯದರ್ಶಿ ಶ್ರೀಶ ನಾಯಕ್, ಸಂಘದ ಅಧ್ಯಕ್ಷರಾದ ಶ್ರೀ ಉಪೇಂದ್ರ ನಾಯಕ್, ಬಂಟಕಲ್ಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಮುಕ್ತೇಸರರಾದ ಗಣಪತಿ ನಾಯಕ್, ನರಸಿಂಗೆ ದೇವಳದ ಆಡಳಿತ ಮೊಕ್ತೇಸರರಾದ ಶ್ರೀ ರಮೇಶ್ ಸಾಲ್ವಣ್‌ಕರ್, ಪ್ರಾಂಶುಪಾಲರಾದ ಟಿ. ರಂಗ ಪೈ, ಸಾರಂಗ ಡಿಜಿಟಲ್ ಸ್ಟುಡಿಯೋ ಮಾಲಕರಾದ ಪಡುಬಿದ್ರಿ ಶಂಕರ ಶೆಣೈ, ಸಿ.ಡಿ. ದ್ವನಿಮುದ್ರಣ ಮಾಡಿದ ಜಯಂತ್ ಐತಾಳ್, ಉಡುಪಿ ಜಯಂಟ್ಸ್ ಸಂಸ್ಥೆಯ ಅಧ್ಯಕ್ಷರಾದ ವಿಶ್ವನಾಥ ಶೆಣೈ, ಜಯಂಟ್ಸ್ ವಲಯ ನಿರ್ದೇಶಕರಾದ ದೇವದಾಸ್ ಕಾಮತ್, ಕಾರ್ಯದರ್ಶಿ ಗಣೇಶ್ ರಾವ್, ಅಲಹಬಾದಿನ ಆನಂದ ಬ್ಯಾನರ್ಜಿ, ತಬಲವಾದಕರು ಹಾಗೂ ಅನಂತ ವೈಧಿಕ ಕೇಂದ್ರದ ಸರ್ವಸದಸ್ಯರು ಹಾಗೂ ನೂರಾರು ಭಕ್ತಾಧಿಗಳು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಶ್ರೀ ಚೇಂಪಿ ರಾಮಚಂದ್ರ ಅನಂತ ಭಟ್ ಸ್ವಾಗತಿಸಿ, ಶ್ರೀ ರಮೇಶ್ ಸಾಲ್ವಣಕರ್ ಧನ್ಯವಾದ ಅರ್ಪಿಸಿದರು.