ಸರ್ಕಾರದ ನೀತಿಗಳಿಂದಾಗಿ ಭಾರತದ ಆರ್ಥಿಕತೆ ವೃದ್ಧಿಯಾಗಿದೆ: ನಿರ್ಮಲಾ ಸೀತಾರಾಮನ್

ನವದೆಹಲಿ: ಭಾರತದ ಆರ್ಥಿಕ ಚೇತರಿಕೆಯು ಇತರ ಜಾಗತಿಕ ರಾಷ್ಟ್ರಗಳಲ್ಲಿಯೇ ಅತ್ಯಂತ ವೇಗವಾಗಿದೆ ಎಂದು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಹೇಳಿದ್ದಾರೆ.

ಇಂದು ಅವಿಶ್ವಾಸ ನಿರ್ಣಯದ ಚರ್ಚೆಯಲ್ಲಿ ಮಾತನಾಡಿದ ಅವರು, ಜಾಗತಿಕ ಆರ್ಥಿಕತೆ ಮತ್ತು ಭಾರತದ ಪ್ರಸ್ತುತ ಹಣದುಬ್ಬರ ಪ್ರಕ್ಷೇಪಗಳ ಬಗ್ಗೆ ಉಲ್ಲೇಖ ಮಾಡಿದರು.

ಸೀತಾರಾಮನ್ ತಮ್ಮ ಭಾಷಣದಲ್ಲಿ 2022 ರಲ್ಲಿ ಜಾಗತಿಕ ಆರ್ಥಿಕತೆಯು ಕೇವಲ 3 ಪ್ರತಿಶತದಷ್ಟು ಬೆಳೆದಿದೆ ಮತ್ತು 2023 ರಲ್ಲಿ ಬೆಳವಣಿಗೆಯು ಶೇಕಡಾ 2.1 ಕ್ಕೆ ಕುಸಿಯುತ್ತದೆ ಎಂದು ವಿಶ್ವ ಬ್ಯಾಂಕ್ ಮುನ್ಸೂಚನೆ ನೀಡಿದೆ ಎಂದರು. ಅಲ್ಲದೇ ಅವರು ಹಣದುಬ್ಬರ ಮತ್ತು ನಿಧಾನಗತಿಯ ಅವಳಿ ಸವಾಲುಗಳೊಂದಿಗೆ ಜಾಗತಿಕ ಆರ್ಥಿಕತೆಯ ಹೋರಾಟದ ಬಗ್ಗೆ ಮಾತನಾಡಿದರು.

ಭಾರತವು ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆಯಾಗಿದೆ ಎಂದು ಎಫ್‌ಎಂ ಹೇಳಿದೆ ಎಂದರು.

ಮೋರ್ಗನ್ ಸ್ಟಾನ್ಲಿ ವರದಿ ಭಾರತವನ್ನು ಉನ್ನತ ಶ್ರೇಣಿಗೆ ಏರಿಸಿದ ಬಗ್ಗೆ ಮಾತನಾಡಿದ ಸೀತಾರಾಮನ್, “2013 ರಲ್ಲಿ, ಮೋರ್ಗನ್ ಸ್ಟಾನ್ಲಿ ಭಾರತವನ್ನು ವಿಶ್ವದ ಐದು ದುರ್ಬಲ ಆರ್ಥಿಕತೆಯ ಪಟ್ಟಿಗೆ ಸೇರಿಸಿತ್ತು. ಭಾರತವನ್ನು ದುರ್ಬಲ ಆರ್ಥಿಕತೆ ಎಂದು ಘೋಷಿಸಲಾಯಿತು. ಇಂದು ಅದೇ ಮಾರ್ಗನ್ ಸ್ಟಾನ್ಲಿ ಭಾರತವನ್ನು ಮೇಲ್ದರ್ಜೆಗೇರಿಸಿ ಹೆಚ್ಚಿನ ರೇಟಿಂಗ್ ನೀಡಿದೆ. ಕೇವಲ 9 ವರ್ಷಗಳಲ್ಲಿ, ನಮ್ಮ ಸರ್ಕಾರದ ನೀತಿಗಳಿಂದಾಗಿ ಆರ್ಥಿಕತೆಯು ಏರಿತು ಮತ್ತು ಆರ್ಥಿಕ ಅಭಿವೃದ್ಧಿಯನ್ನು ಕಂಡಿತು. ಕೋವಿಡ್‌ ಹೊರತಾಗಿಯೂ ಈ ಸಾಧನೆ ಮಾಡಲಾಗಿದೆ. ಇಂದು ನಾವು ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆಯಾಗಿದ್ದೇವೆ” ಎಂದರು.