ಸೆ.24 ಯಕ್ಷಭಾರತಿ ಕನ್ಯಾಡಿ ವಾರ್ಷಿಕೋತ್ಸವ

ಬೆಳ್ತಂಗಡಿ : ಶ್ರೀ ಜನಾರ್ದನ ಸ್ವಾಮಿದೇವಸ್ಥಾನ, ಉಜಿರೆ ಆಶ್ರಯದಲ್ಲಿ ಯಕ್ಷಭಾರತಿ ಕನ್ಯಾಡಿ ಇದರ ವಾರ್ಷಿಕೋತ್ಸವ ಮತ್ತು ಬೆಳ್ತಂಗಡಿ ತಾಲೂಕು ಯಕ್ಷಗಾನ ಕಲಾವಿದರ ಸಮಾವೇಶ ಉಜಿರೆಯ ರಾಮಕೃಷ್ಣ ಸಭಾಭವದಲ್ಲಿ ಸೆ.24 ರಂದು ಬೆಳಿಗ್ಗೆ 9.45 ರಿಂದ ರಾತ್ರಿ 10 ಗಂಟೆಯವರೆಗೆ ನಡೆಯಲಿದೆ.

ಬೆಳಿಗ್ಗೆ ಉಜಿರೆ ಶ್ರೀ ಜನಾರ್ದನ ಸ್ವಾಮಿದೇವಸ್ಥಾನದ ಆಡಳಿತ ಮೊಕ್ತೇಸರ ವಿಜಯರಾಘವ ಪಡ್ವೆಟ್ನಾಯ ಉದ್ಘಾಟಿಸಲಿದ್ದು ಧರ್ಮಸ್ಥಳ ಜಮಾ ಉಗ್ರಾಣದ ಮುತ್ಸದ್ಧಿ ಬಿ.ಭುಜಬಲಿ, ಉಜಿರೆ ಎಸ್‌ಡಿಎಂ ಪದವಿಪೂರ್ವ ವಸತಿ ಕಾಲೇಜಿನ ಪ್ರಾಚಾರ್ಯ ಟಿ.ಕೃಷ್ಣಮೂರ್ತಿ ಅತಿಥಿಗಳಾಗಿರುತ್ತಾರೆ.

ಬಳಿಕ ಕರ್ನಾಟಕ ಯಕ್ಷಗಾನ ಮತ್ತು ಬಯಲಾಟ ಅಕಾಡೆಮಿ ಬೆಂಗಳೂರು ಇವರ ಪ್ರಾಯೋಜಕತ್ವದಲ್ಲಿ ಯಕ್ಷಗಾನ ಮಟ್ಟುಗಳು ಮತ್ತು ಹಾಡುಗಳ ಪ್ರಾತ್ಯಕ್ಷಿಕೆ ನಡೆಯಲಿದೆ. ಇದರಲ್ಲಿ ಲೀಲಾವತಿ ಬೈಪಡಿತ್ತಾಯ ಮತ್ತು ಬಲಿಪ ಪ್ರಸಾದ್ ಭಟ್ ಭಾಗವತಿಕೆ, ಹರಿನಾರಾಯಣ ಬೈಪಾಡಿತ್ತಾಯ ಮತ್ತು ಎಂ.ಜಿ.ಶ್ರೀಧರ ರಾವ್ ಮುಂಡ್ರುಪ್ಪಾಡಿ ಮದ್ದಳೆಯಲ್ಲಿ, ಮೋಹನ ಬೈಪಡಿತ್ತಾಯಚೆಂಡೆಯಲ್ಲಿ ಸಹಕರಿಸಲಿದ್ದಾರೆ.

ನಂತರ ಹಿರಿಯ ಕಲಾವಿದರಾದ ಮೂಡಂಬೈಲು ಗೋಪಾಲಕೃಷ್ಣ ಶಾಸ್ತ್ರಿ, ಡಾ|ಕೋಳ್ಯೂರು ರಾಮಚಂದ್ರರಾವ್, ರಾಜಾರಾಮ ಶರ್ಮ ಬೆಳಾಲು, ಹರಿನಾರಾಯಣ ಬೈಪಡಿತ್ತಾಯ ಇವರೊಂದಿಗೆ ಸಂವಾದ ನಡೆಯಲಿದೆ.

ಅಪರಾಹ್ಣ 2 ಗಂಟೆಯಿಂದ ಸತ್ವ ಪರೀಕ್ಷೆ ಎಂಬ ಯಕ್ಷಗಾನ ತಾಳಮದ್ದಳೆ ನಡೆಯಲಿದೆ. ಹಿಮ್ಮೆಳದಲ್ಲಿ ಕುಬಣೂರು ಶ್ರೀಧರ ರಾವ್, ಜನಾರ್ದನ ತೋಳ್ಪಾಡಿತ್ತಾಯ, ಚಂದ್ರಶೇಖರ ಆಚಾರ್ಯ ಗುರುವಾಯನಕೆರೆ, ಶ್ರೀಶ ರಾವ್ ನಿಡ್ಲೆ ; ಹಿಮ್ಮೆಳದಲ್ಲಿ ಮೂಡಂಬೈಲು ಗೋಪಾಲಕೃಷ್ಣ ಶಾಸ್ತ್ರಿ, ಡಾ|ಕೋಳ್ಯೂರು ರಾಮಚಂದ್ರ ರಾವ್, ಅಶೋಕ್ ಭಟ್‌ ಉಜಿರೆ, ಸುರೇಶ್‌ ಕುದ್ರೆಂತ್ತಾಯ, ರವಿಶಂಕರ್ ವಳಕುಂಜ, ರಾಘವೇಂದ್ರ ಅಸ್ರಣ್ಣ ನಾಳ, ಡಾ|ಶ್ರುತಕೀರ್ತಿರಾಜ ಉಜಿರೆ ಸಹಕರಿಸಲಿದ್ದಾರೆ.

ಬಳಿಕ ವಿಜಯರಾಘವ ಪಡ್ವೆಟ್ನಾಯ ಅವರ ಅಧ್ಯಕ್ಷತೆಯಲ್ಲಿ ಸಮಾರೋಪ ಸಮಾರಂಭ ನೆರವೇರಲಿದೆ.ಲ|ಎನ್.ಎ.ಗೋಪಾಲ ಶೆಟ್ಟಿ, ಅಕಾಡೆಮಿ ಸದಸ್ಯ ಕಿಶನ್ ಹೆಗ್ಡೆ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ರಿಜಿಸ್ಟ್ರಾರ್‌ ಚಂದ್ರಹಾಸ ರೈಅಭ್ಯಾಗತರಾಗಿರುತ್ತಾರೆ. ಈ  ಸಂದರ್ಭ ಎಂ. ಜಿ. ಶ್ರೀಧರ ರಾವ್ ಮುಂಡ್ರುಪಾಡಿ ಮತ್ತು ಮೋಹನ ಬೈಪಾಡಿತ್ತಾಯ ಇವರಿಗೆ ಗುರವಂದನೆ ಸಲ್ಲಿಸಲಾಗುವುದಲ್ಲದೆ ಯಕ್ಷಗಾನ ಸಂಘಟಕರಾದ ಬಾಲಕೃಷ್ಣ ನಾಯಕ್, ವಿನಾಯಕ ಪ್ರಭು ಆಲಂದಡ್ಕ, ಹಿರಿಯ ಯಕ್ಷಗಾನ ಕಲಾವಿದರಾದ ಶಿವರಾಯ ಆಚಾರ್ಯ ಪಣಕಜೆ, ಶ್ರೀಕಂಠ ದಾಮ್ಲೆ ಅರಸಿನಮಕ್ಕಿ, ಹಿರಿಯ ಯಕ್ಷಗಾನ ಭಾಗವತ ಜಯರಾಮ ಕುದ್ರೆತ್ತಾಯ ಧರ್ಮಸ್ಥಳ ಇವರನ್ನು ಸಮ್ಮಾನಿಸಲಾಗುವುದು.

ಸಂಜೆ ೭ ಗಂಟೆಯಿಂದ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಇವರ ಪ್ರಾಯೋಜಕತ್ವದಲ್ಲಿ ಭೈರವಿ ಕಲಾ ತಂಡ ಜೋಡುಸ್ಥಾನ, ಧರ್ಮಸ್ಥಳ ಇದರ ಕಲಾವಿದರಿಂದ ಬೇಡರ ಕಣ್ಣಪ್ಪಯಕ್ಷಗಾನ ಬಯಲಾಟ ಪ್ರದರ್ಶಿತವಾಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.