ನವದೆಹಲಿ: ಅಮೃತ ಕಾಲದ ಅವಧಿಯಲ್ಲಿ ಮಹರ್ಷಿ ದಯಾನಂದರು ಕಲ್ಪಿಸಿಕೊಟ್ಟ ಆದ್ಯತೆಗಳನ್ನೇ ರಾಷ್ಟ್ರವು ಹೊಂದಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.
ದೆಹಲಿಯಲ್ಲಿ ಮಹರ್ಷಿ ದಯಾನಂದ ಸರಸ್ವತಿಯ 200ನೇ ಜಯಂತಿಯ ಸ್ಮರಣಾರ್ಥ ಒಂದು ವರ್ಷದ ಆಚರಣೆಗಳನ್ನು ಉದ್ಘಾಟಿಸಿ ಮೋದಿ ಮಾತನಾಡಿದರು.
ಬಡವರು ಮತ್ತು ಹಿಂದುಳಿದವರನ್ನು ಉನ್ನತೀಕರಿಸುವುದು ಮೊದಲ ಆದ್ಯತೆಯಾಗಿದೆ. ದೇಶದ ಹೆಣ್ಣು ಮಕ್ಕಳೂ ಇಂದು ರಫೇಲ್ ಯುದ್ಧ ವಿಮಾನಗಳನ್ನು ಹಾರಿಸುತ್ತಿದ್ದಾರೆ ಎಂದಿದ್ದಾರೆ.
ಮಹರ್ಷಿಗಳು ತಮ್ಮ ಅಗಾಧ ವೈದಿಕ ಜ್ಞಾನದ ಸಹಾಯದಿಂದ ಜಾಗತಿಕ ತಾಪಮಾನ ಮತ್ತು ಹವಾಮಾನ ಬದಲಾವಣೆ ಎಂಬ ಆಧುನಿಕ ಪದಗಳಲ್ಲದಿದ್ದಾಗಲೂ ಅವುಗಳನ್ನು ಬಗ್ಗೆ ಅರಿತುಕೊಂಡಿದ್ದರು ಎಂದು ಮೋದಿ ಹೇಳಿದರು.
ಇಂದು ಜಗತ್ತು ಸುಸ್ಥಿರ ಅಭಿವೃದ್ಧಿಯ ಬಗ್ಗೆ ಮಾತನಾಡುತ್ತಿದೆ, ಮಹರ್ಷಿಗಳು ತೋರಿಸಿದ ಮಾರ್ಗವು ಭಾರತದ ಪ್ರಾಚೀನ ತತ್ವವನ್ನು ಜಗತ್ತಿಗೆ ಪ್ರಸ್ತುತಪಡಿಸುತ್ತದೆ ಮತ್ತು ಪರಿಹಾರದ ಮಾರ್ಗವನ್ನು ಪ್ರಸ್ತುತಪಡಿಸುತ್ತದೆ . ಸಿರಿಧಾನ್ಯವನ್ನು ಶ್ರೀ ಅನ್ನ ಎಂದು ಸಂಬೋಧಿಸುವ ಮೂಲಕ ಭಾರತವು ಸಿರಿಧಾನ್ಯಕ್ಕೆ ಹೊಸ ಹೆಸರನ್ನು ಮತ್ತು ಜಾಗತಿಕ ಗುರುತನ್ನು ನೀಡಿದೆ ಎಂದು ಅವರು ಹೇಳಿದರು.
ಮಹರ್ಷಿ ದಯಾನಂದ ಸರಸ್ವತಿ ಅವರು ಸಾಮಾಜಿಕ ಜೀವನದಲ್ಲಿ ವೇದಗಳ ತಿಳುವಳಿಕೆಯನ್ನು ಪುನರುಜ್ಜೀವನಗೊಳಿಸಿದರು ಮತ್ತು ಸಮಾಜಕ್ಕೆ ನಿರ್ದೇಶನ ನೀಡಿದರು. ಭಾರತವು ಅಮೃತ ಕಾಲವನ್ನು ಆಚರಿಸುತ್ತಿರುವಂತೆ ಮಹರ್ಷಿಗಳ 200 ನೇ ಜನ್ಮದಿನವು ಎಲ್ಲರಿಗೂ ಸ್ಫೂರ್ತಿಯಾಗಿದೆ ಎಂದು ಅವರು ಒತ್ತಿ ಹೇಳಿದರು.
ಸಾಮಾಜಿಕ ತಾರತಮ್ಯ, ಅಸ್ಪೃಶ್ಯತೆ ಮತ್ತು ಇಂತಹ ಅನೇಕ ವಿರೂಪಗಳ ವಿರುದ್ಧ ಮಹರ್ಷಿಗಳು ಪ್ರಬಲವಾದ ಅಭಿಯಾನವನ್ನು ಪ್ರಾರಂಭಿಸಿದರು ಎಂದು ಅವರು ತಿಳಿಸಿದರು.
ಮಹರ್ಷಿ ದಯಾನಂದರು ಭಾರತದ ಮಹಿಳಾ ಶಕ್ತಿಗೆ ಧ್ವನಿಯಾದರು, ಮಹಿಳಾ ಶಿಕ್ಷಣಕ್ಕಾಗಿ ಅನೇಕ ಉಪಕ್ರಮಗಳನ್ನು ಪ್ರಾರಂಭಿಸಿದರು. ಅಸಮಾನತೆಯ ವಿರುದ್ಧ ಹೋರಾಡಲು ಮಹರ್ಷಿ ದಯಾನಂದ ಅವರ ಶ್ರಮ ಸಮಾಜಕ್ಕೆ ಸಂಜೀವನಿಯಾಗಿದೆ ಎಂದರು.
ದೇಶವು ಪರಂಪರೆ ಮತ್ತು ಅಭಿವೃದ್ಧಿ ಎರಡರಲ್ಲೂ ಹೊಸ ಎತ್ತರವನ್ನು ಏರಿದೆ. ಸಾಹಿತ್ಯ, ಯೋಗ, ತತ್ವಶಾಸ್ತ್ರ, ರಾಜಕೀಯ, ವಿಜ್ಞಾನ, ಗಣಿತ ಹೀಗೆ ನಾನಾ ಕ್ಷೇತ್ರಗಳಲ್ಲಿ ಭಾರತೀಯ ಸಂತರು ಮತ್ತೆ ಮತ್ತೆ ಅಪಾರ ಕೊಡುಗೆ ನೀಡಿದ್ದಾರೆ ಎಂದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
