ಭಾರತ-ರಷ್ಯಾ ದ್ವಿಪಕ್ಷೀಯ ವ್ಯಾಪಾರ ಹೊಸ ದಾಖಲೆ ಸೃಷ್ಟಿಸಲಿದೆ: ರಷ್ಯಾ ರಾಯಭಾರಿ

ನವದೆಹಲಿ: ಭಾರತಕ್ಕೆ ಕಚ್ಚಾ ತೈಲ ಪೂರೈಕೆಯ ಟ್ರೆಂಡ್ ಮುಂದುವರಿಯಲಿದ್ದು, ದ್ವಿಪಕ್ಷೀಯ ವ್ಯಾಪಾರ ಹೊಸ ದಾಖಲೆಗಳನ್ನು ಸೃಷ್ಟಿಸಲಿದೆ ಎಂದು ಭಾರತದಲ್ಲಿನ ರಷ್ಯಾದ ರಾಯಭಾರಿ ಡೆನಿಸ್ ಅಲಿಪೋವ್ ಸುದ್ದಿ ಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

“ಭಾರತವು ಗ್ರಾಹಕರಾಗಿರುವುದರಿಂದ, ಸ್ವಾಭಾವಿಕವಾಗಿಯೇ ಅಗ್ಗದ ಕೊಡುಗೆಗಳನ್ನು ಹುಡುಕುತ್ತಿದೆ ಮತ್ತು ರಷ್ಯಾ ಯುರೋಪ್‌ನಲ್ಲಿ ತನ್ನ ಸಾಂಪ್ರದಾಯಿಕ ಮಾರುಕಟ್ಟೆಗಳಿಂದ ವಂಚಿತವಾಗಿರುವ ಕಾರಣ ಹೊಸ ಮಾರುಕಟ್ಟೆಗಳನ್ನು ಹುಡುಕುತ್ತಿದೆ, ಹೀಗಾಗಿ ಈ ಎರಡೂ ದೇಶಗಳು ವ್ಯಾಪಾರವನ್ನು ನಡೆಸುವ ಅವಕಾಶವನ್ನು ಪಡೆದುಕೊಂಡಿರದೆ ಮತ್ತು ಇಂಧನ ಕ್ಷೇತ್ರದಲ್ಲಿ ನಮ್ಮ ಸಂಬಂಧ ರಚನಾತ್ಮಕ ರೀತಿಯಲ್ಲಿ ಮುಂದುವರಿಯುತ್ತದೆ ಎಂದು ನಾವು ಭಾವಿಸುವುದು ಸಹಜ” ಎಂದು ರಷ್ಯಾದ ರಾಯಭಾರಿ ಹೇಳಿದ್ದಾರೆ.

“ವರ್ಷಾಂತ್ಯದ ವೇಳೆಗೆ ಇಂಧನ ಮಾರುಕಟ್ಟೆಗಳ ಸ್ಥಿತಿ ಹೇಗಿರಬಹುದು ಎಂಬುದು ಯಾರಿಗೂ ತಿಳಿದಿಲ್ಲ, ದೀರ್ಘಾವಧಿಯ ವ್ಯವಸ್ಥೆಗಳು ಮತ್ತು ಒಪ್ಪಂದಗಳ ಆಧಾರದ ಮೇಲೆ ನಡೆಯುತ್ತಿರುವ ಸಂವಾದ ಮತ್ತು ಸಹಕಾರವನ್ನು ಉತ್ತೇಜಿಸಲು ಈ ಕ್ಷೇತ್ರದಲ್ಲಿ ನಮ್ಮ ಸಂಬಂಧವನ್ನು ಇನ್ನಷ್ಟು ವಿಸ್ತರಿಸಲು ನಾವು ನೋಡುತ್ತಿದ್ದೇವೆ” ಎಂದು ಅವರು ಹೇಳಿದ್ದಾರೆ.

ಒಂದು ಅಂದಾಜಿನ ಪ್ರಕಾರ, ಭಾರತಕ್ಕೆ ರಷ್ಯಾದ ತೈಲ ರಫ್ತಿನಲ್ಲಿ ಜಿಗಿತವಾಗಿದೆ,  ಇದು ಈ ವರ್ಷ ಹತ್ತು ಪಟ್ಟು ಹೆಚ್ಚಾಗಿದೆ ಮತ್ತು ರಷ್ಯಾದ ಕಚ್ಚಾ ತೈಲವು ಈಗ ಭಾರತದ ಆಮದು ಮಾಡಿಕೊಳ್ಳುವ ತೈಲ ಬಳಕೆಯಲ್ಲಿ ಸುಮಾರು 10% ಅನ್ನು ಪೂರೈಸುತ್ತಿದೆ.  ಈ ವರ್ಷ ಈಗಾಗಲೇ ವ್ಯಾಪಾರದ ಪ್ರಮಾಣಗಳು USD 11.5 ಶತಕೋಟಿ ತಲುಪಿದೆ. ನಾವು ನಮ್ಮ ವ್ಯಾಪಾರದಲ್ಲಿ ಹೊಸ ದಾಖಲೆಯನ್ನು ಮಾಡುವುದು ಶತಸಿದ್ಧ” ಎಂದು ರಾಯಭಾರಿ ಹೇಳಿದ್ದಾರೆ.

ಭವಿಷ್ಯದಲ್ಲಿ ಪರಿಸ್ಥಿತಿ ಅನಿರೀಕ್ಷಿತವಾಗಿರುವುದರಿಂದ ಇಂಧನ ವಲಯದಲ್ಲಿ ಭಾರತ ಮತ್ತು ರಷ್ಯಾ ಸಂಬಂಧವನ್ನು ಮತ್ತಷ್ಟು ವಿಸ್ತರಿಸಲು ನೋಡುತ್ತಿವೆ ಎಂದು ರಷ್ಯಾದ ರಾಯಭಾರಿ ಹೇಳಿದ್ದಾರೆ.