ಬೆಳ್ತಂಗಡಿ : ಸಾಮಾಜಿಕ, ಧಾರ್ಮಿಕ ಸಂಘಟನೆಗೋಸ್ಕರ ಶ್ರೀ ಕೃಷ್ಣೋತ್ಸವ ಸೇವಾ ಸಮಿತಿ ಬೆಳ್ತಂಗಡಿ ಎಂಬುದನ್ನುರಚಿಸಲಾಗಿದ್ದುಈ ಸಮಿತಿಯ ವತಿಯಿಂದ ಸೆ.13 ರಂದು ಬೆಳ್ತಂಗಡಿಯಲ್ಲಿ ಪ್ರಥಮ ಬಾರಿಗೆ ಶ್ರೀ ಕೃಷ್ಣೋತ್ಸವ ಮತ್ತುಗೋವಿಂದ ಸ್ಪರ್ಧೆ ನಡೆಸಲಾಗುವುದುಎಂದು ಸಮಿತಿಗೌರವಾಧ್ಯಕ್ಷ ಹರೀಶ್ ಪೂಂಜ ತಿಳಿಸಿದರು.
ಬೆಳಿಗ್ಗೆ 9 ಗಂಟೆಗೆ ಬೆಳ್ತಂಗಡಿ ಬಸ್ ನಿಲ್ದಾಣದ ಬಳಿ ಶಾಸಕ ಕೆ.ವಸಂತ ಬಂಗೇರ ಸ್ಪರ್ಧೆಯನ್ನುಉದ್ಘಾಟಿಸಲಿದ್ದುಅಧ್ಯಕ್ಷತೆಯನ್ನು ಬಿಜೆಪಿ ಜಿಲ್ಲಾಧ್ಯಕ್ಷ ಪ್ರತಾಪಸಿಂಹ ನಾಯಕ್‌ಉದ್ಘಾಟಿಸಲಿದ್ದಾರೆ. ತಾ.ಪಂ.ಅಧ್ಯಕ್ಷೆಜಯಂತಿ ಪಾಲೇದು, ಪಟ್ಟಣ ಪಂ.ಅಧ್ಯಕ್ಷೆ ನಳಿನಿ ವಿಶ್ವನಾಥ್, ಸ್ಥಾಯಿ ಸಮಿತಿಅಧ್ಯಕ್ಷ ಮುಗುಳಿ ನಾರಾಯಣರಾವ್, ಬಿಜೆಪಿ ಯುವ ಮೊರ್ಚಾಜಿಲ್ಲಾಧ್ಯಕ್ಷರಂಜನ್ ಜಿ. ಗೌಡ, ಮಂಗಳೂರು ವಿವಿ ಅಕಾಡೆಮಿಕ್‌ಕೌನ್ಸಿಲ್ ಸದಸ್ಯ ತೇಜಸ್ವಿ ರಾಜ್ ಅತಿಥಿಗಳಾಗಿರುತ್ತಾರೆ.
ಉದ್ಘಾಟನೆಯ ಬಳಿಕ ಪಟ್ಟಣದ ಮುಖ್ಯರಸ್ತೆಯಲ್ಲಿ ವಿಜೃಂಭಣೆಯ ಕಲಾ ಮೆರವಣಿಗೆಯೊಂದಿಗೆ ಅಹ್ವಾನಿತ 10 ತಂಡಗಳಿಂದ ಹತ್ತು ಕಡೆಗಳಲ್ಲಿ ಗೋವಿಂದ ಸ್ಪರ್ಧೆ ನಡೆಯಲಿದೆ.ಅಂತಿಮ ಸ್ಪರ್ಧೆಯುಎಸ್‌ಡಿಎಮ್ ಸಭಾ ಭವನದ ಮುಂಭಾಗದ ಮೈದಾನದಲ್ಲಿ ನಡೆಯಲಿದೆ. ಸ್ಪರ್ಧಾತಂಡಗಳಿಗೆ ವಿಶೇಷ ಪ್ರೋತ್ಸಾಹಕ ಬಹುಮಾನ ಮತ್ತು ವಿಜೇತರಾದವರಿಗೆ ರೂ.15,000 ನೀಡಲಾಗುವುದುಎಂದುಅವರು ತಿಳಿಸಿದರು.
ಮಧ್ಯಾಹ್ನ ಭೋಜನಾನಂತರ 6 ವರ್ಷದ ಕೆಳಗಿನ ಶಾಲಾ ಮಕ್ಕಳಿಗೆ ಮುದ್ದುಕೃಷ್ಣ ಸ್ಪರ್ಧೆ ನಡೆಯಲಿದೆ ಸಂಜೆ 6 ಗಂಟೆಗೆ ನಡೆಯುವ ಸಮಾರೋಪ ಸಮಾರಂಭಉದ್ಯಮಿರಮಾನಂದ ಸಾಲಿಯಾನ್‌ಅವರಅಧ್ಯಕ್ಷತೆಯಲ್ಲಿ ನಡೆಯಲಿದ್ದುಕಟೀಲು ಪ್ರ.ದ.ಕಾಲೇಜಿನ ಸಂಸ್ಕೃತ ವಿಭಾಗ ಮುಖ್ಯಸ್ಥಡಾ|ಸೋಂದ ಭಾಸ್ಕರ ಭಟ್ ನಂಬಿಕೆ ಮತ್ತು ಆಚರಣೆ ಬಗ್ಗೆ ಉಪನ್ಯಾಸ ನೀಡಲಿದ್ದಾರೆ. ಉದ್ಯಮಿಗಳಾದ ಬಾಲಕೃಷ್ಣ ಭಂಡಾರಿ, ಸಂದೇಶ್‌ಕುಮಾರ್ ಶೆಟ್ಟಿ, ನ್ಯಾಯವಾದಿ ಧನಂಜಯರಾವ್ ಹಾಗೂ ಚಲನಚಿತ್ರ ನಟ ಪ್ರೇಮ್, ಕಿರಿತರೆಕಲಾವಿದರು ಅತಿಥಿಗಳಾಗಿರುತ್ತಾರೆ.
ಈ ಸಂದರ್ಭ ಕಲಾಕ್ಷೇತ್ರದ ಕಮಲಾಕ್ಷ ಆಚಾರ್ಯ, ವೈದ್ಯಕೀಯಕ್ಷೇತ್ರದಡಾ|ವೇಣುಗೋಪಾಲ ಶರ್ಮ, ಸೇವಾ ಕ್ಷೇತ್ರ ಮೋಂಟ, ಶೈಕ್ಷಣಿಕ ಕ್ಷೇತ್ರದ ಸತ್ಯಾವತಿ ಅನಂತಆಚಾರ್ಯ, ಪತ್ರಕರ್ತ ಬಿ.ಎಸ್.ಕುಲಾಲ್, ಮಾಜಿ ಸೈನಿಕ ಪೂವಯ್ಯ, ಸಾಮಾಜಿಕ ಕ್ಷೇತ್ರದ ಶ್ರೀಧರ ಗೌಡ, ನಾಟಿ ವೈದ್ಯ ಬೇಬಿ ಪೂಜಾರಿ, ಕೃಷಿ ಕ್ಷೇತ್ರದ ಪ್ರಭಾಕರ ಮಯ್ಯಇವರನ್ನು ಸಮ್ಮಾನಿಸಲಾಗುವುದು ಎಂದು ಪೂಂಜ ತಿಳಿಸಿದರು.
ಬಳಿಕ ನೃತ್ಯ ನಿಕೇತನ ಕೊಡವೂರು ಇವರಿಂದ ನೃತ್ಯ ಸಿಂಚನ ಮತ್ತು ಭಾರ್ಗವಿ ನೃತ್ಯ ತಂಡ ಉಡುಪಿ ಇವರಿಂದ ನೃತ್ಯ ವೈವಿಧ್ಯ ನಡೆಯಲಿದೆ ಎಂದರು. ಗೋಷ್ಠಿಯಲ್ಲಿ ಸಮಿತಿ ಅಧ್ಯಕ್ಷ ಪ್ರಕಾಶ್‌ ಆಚಾರ್ಯ, ಕಾರ್ಯದರ್ಶಿ ಉಮೇಶ್‌ಕುಲಾಲ್, ಕೋಶಾಧಿಕಾರಿ ಶರತ್‌ಕುಮಾರ್ ಶೆಟ್ಟಿ, ಗೌರವ ಸಲಹೆಗಾರ ಸಂತೋಷ್‌ ಕುಮಾರ್‌ ಜೈನ್, ಕಾರ್ಯಕ್ರಮ ಸಂಯೋಜಕ ನವೀನ್‌ಇದ್ದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
