ಇಂದು ʼಸ್ವರಾಜ್ʼ ಧಾರವಾಹಿಯ ವಿಶೇಷ ಸಂಚಿಕೆ ವೀಕ್ಷಿಸಲಿದ್ದಾರೆ ಮೋದಿ

ನವದೆಹಲಿ: ದೂರದರ್ಶನ ನಿರ್ಮಾಣದ  ಸ್ವರಾಜ್‌ ಧಾರವಾಹಿಯ ವಿಶೇಷ ಪ್ರದರ್ಶನವನ್ನು ಇಂದು ಸಂಜೆ ಸಂಸತ್ತಿನ ಬಾಲಯೋಗಿ ಆಡಿಟೋರಿಯಂನಲ್ಲಿ ಆಯೋಜಿಸಲಾಗಿದ್ದು, ಇದನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಸಂಪುಟ ಸಹೋದ್ಯೋಗಿಗಳೊಂದಿಗೆ ವೀಕ್ಷಿಸಲಿದ್ದಾರೆ.

ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅನುರಾಗ್ ಠಾಕೂರ್ ಈ ಬಗ್ಗೆ ಮಾಹಿತಿ ನೀಡಿದ್ದು, “ಪ್ರಧಾನಿ ನರೇಂದ್ರ ಮೋದಿ ಅವರು ಇಂದು ಸಂಜೆ ಸಂಸತ್ತಿನಲ್ಲಿ ನಡೆಯಲಿರುವ ಸ್ವರಾಜ್ಯ ಪ್ರದರ್ಶನದಲ್ಲಿ ನಮ್ಮ ವಿಶೇಷ ಅತಿಥಿಯಾಗಲಿದ್ದಾರೆ. ಸಂಪುಟ ಸಚಿವರು ಮತ್ತು ಹಿರಿಯ ಅಧಿಕಾರಿಗಳು ಸಹ ಉಪಸ್ಥಿತರಿರುತ್ತಾರೆ” ಎಂದು ಹೇಳಿದರು.

ಇಂದು ಸಂಜೆ ಎರಡು ಸಂಚಿಕೆಗಳು ಪ್ರದರ್ಶನವಾಗುತ್ತಿದೆ. ಒಂದು ಶಿವಪ್ಪ ನಾಯಕ ಮತ್ತು ಇನ್ನೊಂದು ರಾಣಿ ಅಬ್ಬಕ್ಕನ ಬಗೆಗಿನ ಕಥೆ ಪ್ರದರ್ಶನಗೊಳ್ಳಲಿದೆ ಎಂದು ಮೂಲಗಳು ತಿಳಿಸಿವೆ.

ಸ್ವರಾಜ್ ಸ್ವಾತಂತ್ರ್ಯ ಹೋರಾಟದ ವೈಭವದ ಇತಿಹಾಸ ಮತ್ತು ಭಾರತೀಯ ಇತಿಹಾಸದ ಬಗ್ಗೆ ಕಡಿಮೆ-ತಿಳಿದಿರುವ ಕಥೆಗಳನ್ನು ಪ್ರಸ್ತುತಪಡಿಸುವ 75 ಕಂತುಗಳ ಧಾರಾವಾಹಿಯಾಗಿದೆ. ಪ್ರತಿ ಭಾನುವಾರ ರಾತ್ರಿ 9 ರಿಂದ 10 ರವರೆಗೆ ಪ್ರಸಾರವಾಗುತ್ತಿದೆ. ಆಗಸ್ಟ್ 14 ರಿಂದ ದೂರದರ್ಶನ ನ್ಯಾಷನಲ್‌ನಲ್ಲಿ. ಕಾರ್ಯಕ್ರಮವನ್ನು ಒಂಬತ್ತು ಪ್ರಾದೇಶಿಕ ಭಾಷೆಗಳಲ್ಲಿ ಡಬ್ ಮಾಡಲಾಗುತ್ತಿದೆ. ತಮಿಳು, ತೆಲುಗು, ಕನ್ನಡ, ಮಲಯಾಳಂ, ಮರಾಠಿ, ಗುಜರಾತಿ, ಒರಿಯಾ, ಬೆಂಗಾಲಿ ಮತ್ತು ಅಸ್ಸಾಮಿ ಜೊತೆಗೆ ಇಂಗ್ಲಿಷ್‌ನಲ್ಲಿ ಪ್ರಸಾರವಾಗಲಿದೆ.