ನವದೆಹಲಿ: 5G ಸ್ಪೆಕ್ಟ್ರಮ್‌ನ ಅನುಷ್ಠಾನ ಅಕ್ಟೋಬರ್ ಆರಂಭದಲ್ಲಿ ನಡೆಯಲಿದೆ, ಮುಂದಿನ 2-3 ದಿನಗಳಲ್ಲಿ ಸ್ಪೆಕ್ಟ್ರಮ್ ಹರಾಜು ಪೂರ್ಣಗೊಳ್ಳಲಿದ್ದು, ನಂತರ ಶೀಘ್ರದಲ್ಲೇ ಸ್ಪೆಕ್ಟ್ರಮ್ ಹಂಚಿಕೆ ನಡೆಯಲಿದೆ ಎಂದು ಕೇಂದ್ರ ಎಲೆಕ್ಟ್ರಾನಿಕ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಅವರು ಹೇಳಿದ್ದಾರೆ.
“ಸಿದ್ಧತೆ ನಡೆಸಿಕೊಂಡು ಸ್ಪೆಕ್ಟ್ರಮ್ ಹಂಚಿಕೆಯ ನಂತರ ತ್ವರಿತವಾಗಿ ಕಾರ್ಯನಿರ್ವಹಿಸಬೇಕು ಎಂದು ನಾವು ಈಗಾಗಲೇ ಉದ್ಯಮಕ್ಕೆ ತಿಳಿಸಿದ್ದೇವೆ, ಶೀಘ್ರದಲ್ಲೇ ಸೇವೆಗಳನ್ನು ನೀಡಬೇಕು ಎಂಬುದು ನಮ್ಮ ಯೋಜನೆಯಾಗಿದೆ ” ಎಂದು ಅವರು ಹೇಳಿದ್ದಾರೆ.
”5G ಸ್ಪೆಕ್ಟ್ರಮ್ ಹರಾಜು ಚೆನ್ನಾಗಿ ನಡೆಯುತ್ತಿದೆ, ಉದ್ಯಮವು ಉತ್ತಮ ರೀತಿಯಲ್ಲಿ ಸ್ಪಂದಿಸುತ್ತಿದೆ, ಸ್ಪೆಕ್ಟ್ರಮ್ ಖರೀದಿಸಲು ಉದ್ಯಮವು ಸುಮಾರು 1.50 ಲಕ್ಷ ಕೋಟಿ ರೂಪಾಯಿ ಬಿಡ್ ಮಾಡಿದೆ” ಎಂದು ವೈಷ್ಣವ್ ಹೇಳಿದ್ದಾರೆ.
”ಒಂದೆಡೆ, ನಾವು ಮೀಸಲು ಬೆಲೆಯನ್ನು ಕಡಿಮೆಗೊಳಿಸಿದ್ದೇವೆ, ಮತ್ತೊಂದೆಡೆ, ನಾವು ಸ್ಪೆಕ್ಟ್ರಮ್ ಬಳಕೆಯ ಶುಲ್ಕವನ್ನು (ಎಸ್‌ಯುಸಿ) ಸಹ ಕಡಿತಗೊಳಿಸಿದ್ದೇವೆ. ಇದು ಉತ್ತಮ ಪ್ರತಿಕ್ರಿಯೆಯನ್ನು ಖಾತ್ರಿಪಡಿಸಿದೆ. ಎರಡನೆಯದಾಗಿ, ಪಾವತಿ ನಿಯಮಗಳನ್ನು ಬದಲಾಯಿಸಲಾಗಿದೆ. ಹಿಂದಿನ ಹರಾಜಿನಲ್ಲಿ ಭಾರಿ ಮುಂಗಡ ಪಾವತಿಯನ್ನು ಪಾವತಿಸಬೇಕಾಗಿತ್ತು, ಈಗ ಸಂಪೂರ್ಣ ಮೊತ್ತವನ್ನು 20 ಕಂತುಗಳಲ್ಲಿ ಪಾವತಿಸಬಹುದು, ಇದು ಪಾವತಿಯ ಮೇಲಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ ಮತ್ತು ನೆಟ್‌ವರ್ಕ್‌ನ ವ್ಯಾಪ್ತಿಯನ್ನು ಹೆಚ್ಚಿಸುವತ್ತ ಗಮನಹರಿಸಲು ಆಪರೇಟರ್‌ಗಳನ್ನು ಸಕ್ರಿಯಗೊಳಿಸುತ್ತದೆ. ಮೂರನೆಯದಾಗಿ, ದೊಡ್ಡದಾದ ಮತ್ತು ಗಮನಾರ್ಹ ವೆಚ್ಚದ ಹೊರೆಯಾಗಿದ್ದ ಬ್ಯಾಂಕ್ ಗ್ಯಾರಂಟಿಯನ್ನು ತೆಗೆದುಹಾಕಲಾಗಿದೆ” ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
