ದಾವೋಸ್: ವಿಶ್ವದ ಅತಿದೊಡ್ಡ ಲಸಿಕೆ ತಯಾರಕರಾದ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (SII), ಕೋವಿಡ್-19 ಲಸಿಕೆಗಳನ್ನು ಮಾರಾಟ ಮಾಡುವಲ್ಲಿ ಯಶಸ್ಸನ್ನು ಕಂಡ ಬಳಿಕ ಇದೀಗ ಜಾಗತಿಕವಾಗಿ ವಿಸ್ತರಣೆಗೊಳ್ಳುವತ್ತ ಗುರಿ ನೆಟ್ಟಿದೆ.
ಆಫ್ರಿಕಾದಲ್ಲಿ ಸೀರಮ್ ತನ್ನ ಮೊದಲ ಉತ್ಪಾದನಾ ಘಟಕವನ್ನು ಸ್ಥಾಪಿಸಲು ಯೋಜನೆ ಹಾಕಿಕೊಂಡಿದೆ ಎಂದು ಅದರ ಸಿಇಒ ಅದರ್‌ ಪೂನಾವಲ್ಲಾ ಅವರು ತಿಳಿಸಿದ್ದಾರೆ. ಕೋವಿಡ್-19 ಲಸಿಕೆಗಳ ಉತ್ಪಾದನಾ ಸಾಮರ್ಥ್ಯವನ್ನು ಹೊಂದಿರದ ಏಕೈಕ ಖಂಡ ಆಫ್ರಿಕಾವಾಗಿದೆ. ಹೀಗಾಗಿ ಸೀರಮ್ ಅಲ್ಲಿ ತನ್ನ ಉತ್ಪಾದನಾ ಘಟಕ ಆರಂಭಿಸಲು ಆಸಕ್ತಿ ತೋರಿಸಿದೆ.
“ಲಸಿಕೆ ತಯಾರಕರಾಗಲು ಇದು ಉತ್ತಮ ಸಮಯವಲ್ಲ. ನಾನು ಪ್ರಪಂಚದಾದ್ಯಂತ ನಮ್ಮ ಉತ್ಪಾದನೆಯನ್ನು ವಿಸ್ತರಿಸಲು ನೋಡುತ್ತಿದ್ದೇನೆ” ಎಂದು ಅದಾರ್ ಪೂನಾವಾಲ್ಲಾ ದಾವೋಸ್‌ನಲ್ಲಿನ ವಿಶ್ವ ಆರ್ಥಿಕ ವೇದಿಕೆಯಲ್ಲಿ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
“ಆಫ್ರಿಕಾದಲ್ಲ ಕೆಲವು ಉತ್ತಮ ದೇಶಗಳಿವೆ. ದಕ್ಷಿಣ ಆಫ್ರಿಕಾ, ರುವಾಂಡಾ ಹೀಗೆ ಉತ್ಪಾದನಾ ಘಟಕ ಸ್ಥಾಪನೆ ದೇಶವನ್ನು ಪರಿಗಣಸುತ್ತಿದ್ದೇವೆ. ತನ್ನ ಯೋಜನೆಗಳ ಬಗ್ಗೆ ಚರ್ಚಿಸಲು ದಾವೋಸ್‌ನಲ್ಲಿ ಕೆಲವು ಆಫ್ರಿಕನ್ ಅಧಿಕಾರಿಗಳನ್ನು ಭೇಟಿಯಾಗುತ್ತಿದ್ದೇನೆ” ಎಂದಿದ್ದಾರೆ
ಅಂತಹ ಯೋಜನೆಗಳಿಗೆ ಸಾಮಾನ್ಯವಾಗಿ ಸುಮಾರು $300 ಮಿಲಿಯನ್ ಅಗತ್ಯವಿದೆ ಎಂದು ಅವರು ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
