ದೃಢವಾದ ಬೆಳವಣಿಗೆ ಸಾಧಿಸುತ್ತಿದೆ ಭಾರತದ ರಫ್ತು ವಲಯ

ನವದೆಹಲಿ: ಭಾರತೀಯ ರಫ್ತು ವಲಯವು ಭೌಗೋಳಿಕ ರಾಜಕೀಯ ಅನಿಶ್ಚಿತತೆಗಳ ಹೊರತಾಗಿಯೂ ಏಪ್ರಿಲ್‌ನಲ್ಲಿ $40 ಬಿಲಿಯನ್‌ನಷ್ಟು ಬೆಳವಣಿಗೆಯೊಂದಿಗೆ ದೃಢವಾದ ಮುಂದುವರೆಯುತ್ತಿದೆ.

ರಫ್ತುದಾರರ ಅತ್ಯುತ್ತಮ ಸಾಧನೆಗಳಿಂದಾಗಿ ಭಾರತದ ಆರ್ಥಿಕತೆಯು ಹೆಚ್ಚಿನ ಲಾಭಾಂಶವನ್ನು ನಿರಂತರವಾಗಿ ಪಡೆಯಲು ಸಹಾಯ ಮಾಡುತ್ತಿದೆ. 2025 ರ ವೇಳೆಗೆ 5 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ನಮ್ಮ ಪ್ರಯತ್ನವನ್ನು ಇದು ಬೆಂಬಲಿಸುತ್ತದೆ ಎಂದು ಭಾರತೀಯ ರಫ್ತು ಸಂಸ್ಥೆಗಳ ಒಕ್ಕೂಟದ (FIEO) ಅಧ್ಯಕ್ಷ ಎ ಶಕ್ತಿವೇಲ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಆದರೂ, ಮೌಲ್ಯವರ್ಧಿತ ರಫ್ತುಗಳನ್ನು ಉತ್ತೇಜಿಸಲು,  ಉತ್ಪಾದನೆಯನ್ನು ಹೆಚ್ಚಿಸಲು ಮತ್ತು ಬೆಳವಣಿಗೆಯನ್ನು ಉಳಿಸಿಕೊಳ್ಳಲು ಜಾಗತಿಕ ಖ್ಯಾತಿಯ ಭಾರತೀಯ ಹಡಗು ಮಾರ್ಗವನ್ನು ಅಭಿವೃದ್ಧಿಪಡಿಸಲು ಕಚ್ಚಾ ವಸ್ತುಗಳ ಹೊರಹೋಗುವ ಸಾಗಣೆಯನ್ನು ಉದಾರಿಕರಿಸುವ ಅವಶ್ಯಕತೆಯಿದೆ ಎಂದಿದೆ.

ಹೊಸದಾಗಿ ಸಹಿ ಮಾಡಲಾದ ಮುಕ್ತ ವ್ಯಾಪಾರ ಒಪ್ಪಂದಗಳ ಪ್ರಯೋಜನಗಳು ಮತ್ತು ಉತ್ಪಾದನಾ ಆಧಾರಿತ ಪ್ರೋತ್ಸಾಹಕ ಉಪಕ್ರಮಗಳು ಹಿಂದಿನ ಹಣಕಾಸು ವರ್ಷದಲ್ಲಿ ಸಾಧಿಸಿದ ಮೈಲಿಗಲ್ಲುಗಳನ್ನು ನಿರ್ಮಿಸಲು ಭಾರತಕ್ಕೆ ಸಹಾಯ ಮಾಡುತ್ತದೆ ಎಂದು ಶಕ್ತಿವೇಲ್‌ ಹೇಳಿದ್ದಾರೆ.

ಪೆಟ್ರೋಲಿಯಂ ಉತ್ಪನ್ನಗಳು, ಇಂಜಿನಿಯರಿಂಗ್ ವಸ್ತುಗಳು, ಎಲೆಕ್ಟ್ರಾನಿಕ್ ವಸ್ತುಗಳು, ಸಾವಯವ ಮತ್ತು ಅಜೈವಿಕ ರಾಸಾಯನಿಕಗಳು, ಸಿದ್ಧ ಉಡುಪುಗಳು, ಔಷಧಗಳು ಮತ್ತು  ರತ್ನಗಳು ಮತ್ತು ಆಭರಣಗಳು ಏಪ್ರಿಲ್ ತಿಂಗಳ ರಫ್ತು ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿವೆ.