ವಿಶ್ವದ ಅತಿ ಉದ್ದದ ನದಿಗಳಲ್ಲೊಂದು ಮೋದಿ ನೇತೃತ್ವದಲ್ಲಿ ಪುನರುಜ್ಜೀವನ ಕಾಣುತ್ತಿದೆ: ಶೇಖಾವತ್

ನವದೆಹಲಿ: 2014 ರಲ್ಲಿ ಅಧಿಕಾರಕ್ಕೆ ಬಂದ ನಂತರ ಪ್ರಧಾನಿ ನರೇಂದ್ರ ಮೋದಿ ಅವರು ಗಂಗಾ ನದಿಯನ್ನು ಮಾತ್ರವಲ್ಲದೆ ಇಡೀ ನದಿಯ ಜಲಾನಯನ ಪ್ರದೇಶವನ್ನು ಸ್ವಚ್ಛಗೊಳಿಸುವ ಯೋಜನೆಯನ್ನು ರೂಪಿಸಿದರು ಎಂದು ಕೇಂದ್ರ ಜಲ ಶಕ್ತಿ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಗುರುವಾರ ಹೇಳಿದ್ದಾರೆ,

ಕೇಂದ್ರವು ಸಮಗ್ರ ವಿಧಾನದೊಂದಿಗೆ ವಿಶ್ವದ ಅತಿ ಉದ್ದದ ನದಿಗಳಲ್ಲಿ ಒಂದನ್ನು ಪುನರುಜ್ಜೀವನಗೊಳಿಸುವ ಕಾರ್ಯವನ್ನು ಯಶಸ್ವಿಯಾಗಿ ಮಾಡುತ್ತಿದೆ. ಗಂಗಾ ಶುದ್ಧೀಕರಣಕ್ಕಾಗಿ ರಾಷ್ಟ್ರೀಯ ಮಿಷನ್ (ಎನ್‌ಎಂಸಿಜಿ) ಭಾಗವಾಗಿ ಪ್ರಧಾನಿ ಮೋದಿ ಅವರು ‘ಅವಿರಲ್ ಧಾರಾ’ (ನಿರಂತರ ಹರಿವು) ಮತ್ತು ‘ನಿರ್ಮಲ್ ಧಾರಾ’ (ಸ್ವಚ್ಛ ಹರಿವು) ಪ್ರಾಮುಖ್ಯತೆಗೆ ಒತ್ತು ನೀಡಿದರು ಎಂದು ಶೇಖಾವತ್ ಹೇಳಿದ್ದಾರೆ.

ಗಂಗಾ ನದಿ ಜಲಾನಯನ ನಿರ್ವಹಣೆ ಮತ್ತು ಅಧ್ಯಯನ ಕೇಂದ್ರದ (ಸಿ-ಗಂಗಾ) ಸಹಯೋಗದೊಂದಿಗೆ ಎನ್‌ಎಂಸಿಜಿ ನವದೆಹಲಿಯಲ್ಲಿ ಆಯೋಜಿಸಿದ್ದ ಇಂಡಿಯಾ ವಾಟರ್ ಇಂಪ್ಯಾಕ್ಟ್ ಶೃಂಗಸಭೆಯ (ಐಡಬ್ಲ್ಯುಐಎಸ್ 2021) 6 ನೇ ಆವೃತ್ತಿಯಲ್ಲಿ ಶೇಖಾವತ್ ಅವರ ಈ ಮಾತುಗಳನ್ನಾಡಿದ್ದಾರೆ.

“ನದಿ ಸಂಪನ್ಮೂಲಗಳ ಹಂಚಿಕೆ – ಪ್ರಾದೇಶಿಕ ಮಟ್ಟದಲ್ಲಿ ಯೋಜನೆ ಮತ್ತು ನಿರ್ವಹಣೆ” ಎಂಬ ಥೀಮ್‌ನೊಂದಿಗೆ ಒಂದು ವಾರದ ಈವೆಂಟ್ ಅನ್ನು ಹೈಬ್ರಿಡ್ ಮೋಡ್‌ನಲ್ಲಿ ಆಯೋಜಿಸಲಾಗಿದೆ – ಆನ್‌ಲೈನ್ ಮತ್ತು ಭೌತಿಕವಾಗಿ ನವದೆಹಲಿಯ NMCG ಕಚೇರಿ ಮತ್ತು IIT, ಕಾನ್ಪುರದಲ್ಲಿ ಇದನ್ನು ಆಯೋಜಿಸಲಾಗಿದೆ.

ಶೃಂಗಸಭೆಯು ಜಲಾನಯನ ಪ್ರದೇಶದ ನದಿಗಳನ್ನು ನಿರ್ವಹಿಸುವ ಸಂಕೀರ್ಣತೆಗಳು ಮತ್ತು ವಿಶಿಷ್ಟತೆಗಳ ಬಗ್ಗೆ ಭಾಗವಹಿಸುವವರಿಗೆ ಮಾಹಿತಿಯನ್ನು ನೀಡುತ್ತದೆ. ನದಿ ಸಂಪನ್ಮೂಲ ಬಜೆಟ್‌ನ ಮೂಲಕ ದೀರ್ಘಾವಧಿಯ ಅಭಿವೃದ್ಧಿ ಅಗತ್ಯಗಳೊಂದಿಗೆ ನದಿ ಸಂರಕ್ಷಣೆಯನ್ನು ಸಮನ್ವಯ ಮಾಡುವತ್ತ ಗಮನಹರಿಸಲಿದೆ.

ಶೃಂಗಸಭೆಯಲ್ಲಿ ವಿಜ್ಞಾನ, ತಂತ್ರಜ್ಞಾನ ಮತ್ತು ನೀತಿ, ಹಣಕಾಸು ಮತ್ತು ಅರ್ಥಶಾಸ್ತ್ರ, ತಂತ್ರಜ್ಞಾನ ಮತ್ತು ನಾವೀನ್ಯತೆ, ನೀತಿ, ಕಾನೂನು ಮತ್ತು ಆಡಳಿತ ಮತ್ತು ಅಂತರರಾಷ್ಟ್ರೀಯ ಸಹಕಾರದ ಮೇಲೆ ಸಮಗ್ರ ಮತ್ತು ವೈಯಕ್ತಿಕ ಗಮನವನ್ನು ಹೊಂದಿರುವ ಸೆಷನ್‌ಗಳು ಇರಲಿವೆ.