ಶ್ರೀ ಗೋಪಾಲಕೃಷ್ಣ ದೇವಸ್ಥಾನ ವಾರ್ಷಿಕಜಾತ್ರೋತ್ಸವ

ಬೆಳ್ತಂಗಡಿ: ಇಲ್ಲಿಗೆ ಸನಿಹದ ಸೂಳಬೆಟ್ಟು ಬರಯ ಶ್ರೀ ಗೋಪಾಲಕೃಷ್ಣ ದೇವಸ್ಥಾನದ ವಾರ್ಷಿಕಜಾತ್ರೋತ್ಸವ ತಂತ್ರಿಗಳಾದ ಕಾಜಿಮುಗೇರು ಸೀತಾರಾಮ ಹೆಬ್ಬಾರ್ ಅವರ ನೇತೃತ್ವದಲ್ಲಿ, ಪುರೋಹಿತ ಪದ್ಮನಾಭ ಜೋಶಿ ಅವರ ಮಾರ್ಗದರ್ಶನದಲ್ಲಿ ಎ.1 ರಿಂದ 5ರ ತನಕ ನಡೆಯಿತು.

ಎ.4 ರಂದು ರಾತ್ರಿ ನಡೆದ ಮಹಾರಥೋತ್ಸವ ಸಂದರ್ಭ ಅಜಿಲ ಸೀಮೆಯ ಅರಸರಾದ ಡಾ. ಪದ್ಮಪ್ರಸಾದ ಅಜಿಲ ಆಗಮಿಸಿದ್ದರು. ಈ ಸಂದರ್ಭ ಬಲಿ ಉತ್ಸವ, ಪಲ್ಲಕಿ ಉತ್ಸವ, ಅಷ್ಟಸೇವೆ, ಕೊಡಮಣಿತ್ತಾಯ ದೈವದ ನೇಮ ನಡೆಯಿತು.

ಸ.ಕಿ.ಪ್ರಾ.ಶಾಲೆ ಹಾಗೂ ಅಂಗನವಾಡಿ ಮಕ್ಕಳಿಂದ ಹಾಗೂ ಸ್ಥಳೀಯ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು. ಈ ಸಂದರ್ಭ ಬಳೆಂಜ ಗ್ರಾ.ಪಂ.ಸದಸ್ಯ ವಿಶ್ವನಾಥ ಡೋಂಗ್ರೆ ಅವರ ಅಧ್ಯಕ್ಷತೆಯಲ್ಲಿ ಸಭಾ ಕಾರ್ಯಕ್ರಮ ನೆರವೇರಿತು. ಅಳದಂಗಡಿ ಗ್ರಾ.ಪಂ.ಸದಸ್ಯ ಸದಾನಂದ ಪೂಜಾರಿ ಉಂಗಿಲಬೈಲು, ಅಮ್ಮಿ ಪೂಜಾರಿ ಸೂಳಬೆಟ್ಟು, ಸ.ಕಿ.ಪ್ರಾ.ಶಾಲಾ ಮುಖ್ಯೋಪಾಧ್ಯಾಯಿನಿ ಶಕುಂತಲಾ ಉಪಸ್ಥಿತರಿದ್ದರು. ಅಂಗನವಾಡಿ ಮಕ್ಕಳ ಕಾರ್ಯಕ್ರಮವನ್ನು ಕಾರ್ಯಕರ್ತೆ ಶಕುಂತಲಾ ನಿರ್ವಹಿಸಿದರು. ಶಾಲಾ ಮಕ್ಕಳಿಗೆ ಬಹುಮಾನಗಳನ್ನು ವಿತರಿಸಲಾಯಿತು.

ಮಧ್ಯಾಹ್ನ ಶಾಸಕ ಕೆ.ವಸಂತ ಬಂಗೇರ ದೇವಳಕ್ಕೆ ಭೇಟಿ ನೀಡಿದರು. ಜಿ.ಪಂ.ಸದಸ್ಯೆ ತುಳಸೀ ಹಾರಬೆ, ತಾ.ಪಂ.ಸದಸ್ಯ ರಾದದರ್ಣಪ್ಪ ಪೂಜಾರಿ, ಸುಧೀರ್ ಸುವರ್ಣ ಮತ್ತಿತರರು ಜೊತೆಗಿದ್ದರು.

ಆಡಳ್ತೆ ಮೊಕ್ತೇಸರ ಪ್ರಸನ್ನ ಹೆಬ್ಬಾರ್ ಫಂಡಿಜೆ, ಸಹಮೊಕ್ತೇಸರರಾದ ರವೀಂದ್ರನಾಥ ಮೆಹೆಂದಳೆ, ಡಾ.ಶಶಿಧರ ಡೋಂಗ್ರೆ, ಅನಂತ ಮರಾಠೆ, ಸುಧೀರ ಗೋಖಲೆ, ಪ್ರವೀಣಚಂದ್ರ ಮೆಹೆಂದಳೆ, ಶರಶ್ಚಂದ್ರ ತಾಮನ್ಕರ್, ಅರ್ಚಕ ದೀಪಕ್ ಆಠವಳೆ ಮಾಜಿ ಅರ್ಚಕ ನರಹರಿ ಮೆಹೆಂದಳೆ ಮತ್ತಿತರರು ಉಪಸ್ಥಿತರಿದ್ದರು.