ಮಂಗಳೂರು : ಶ್ರೀ ಮಂಗಳಾದೇವಿ ಕ್ರಿಯೇಶನ್ಸ್ ಕುಡ್ಲ ಲಾಂಛನದಲ್ಲಿ ನಿರ್ಮಿಸುತ್ತಿರುವ ಶರತ್‌ಚಂದ್ರ ಕುಮಾರ್ ಕದ್ರಿ ನಿರ್ದೇಶನದ `ಬೊಳ್ಳಿಲು’ ತುಳು ಚಿತ್ರದ ಮುಹೂರ್ತ ಕದ್ರಿ ಶ್ರೀ ಮಂಜುನಾಥೇಶ್ವರ ದೇವಸ್ಥಾನದಲ್ಲಿ ಜರಗಿತು.
ಚಿತ್ರಕ್ಕೆ ಶಾಸಕ ಮೊಯ್ದೀನ್ ಬಾವ ಕ್ಲಾಪ್ ಮಾಡಿದರು. ನ್ಯಾಯವಾದಿ ಉಮೇಶ್ ಶೆಟ್ಟಿ ಮೂಡುಶೆಡ್ಡೆ ಕ್ಯಾಮರಾ ಚಾಲನೆಗೈದರು. ಸಮಾರಂಭದಲ್ಲಿ ವಿಶ್ವನಾಥ ಶೆಟ್ಟಿ ಮೂಡುಶೆಡ್ಡೆ, ನಿರ್ಮಾಪಕರಾದ ಮಿತ್ರ ಹೇರಾಜೆ, ಪಿತಾಂಬರ ಹೇರಾಜೆ, ಶಕಿಲಾ ಶರತ್, ಶಶಿಕಲಾ ರಾಜಶೇಖರ್, ಮೆಕ್ಸಿಮ್ ಲೋಬೋ, ಮೆಲ್ಕಾನ್ ಮೆಲ್ವಿನ್ ಡಿಸೋಜ, ಪ್ರವೀಣ್‌ಕುಮಾರ್ ಕೊಂಚಾಡಿ, ಸುರೇಶ್ ಮಂಗಳೂರು, ಸುರೇಶ್ ರೈ, ಫ್ರಾನ್ಸಿಸ್‌ಪಿಂಟೋ, ಜಗನ್ನಾಥ ಶೆಟ್ಟಿ ಬಾಳ, ಜಿ.ಕೆ.ಪುರುಷೋತ್ತಮ, ಸತೀಶ್ ಬ್ರಹ್ಮಾವರ ಮೊದಲಾದವರು ಉಪಸ್ಥಿತರಿದ್ದರು.
ಬೊಳ್ಳಿಲು ತುಳು ಸಿನಿಮಾ ಶಶಿಕಲಾ ರಾಜಶೇಖರ್ ಅವರ `ದುರಂತ ಪ್ರೀತಿ’ ಕಿರು ಕಾದಂಬರಿ ಆಧರಿಸಿದ ಕಥೆಯನ್ನೊಳಗೊಂಡಿದೆ. ಮಿತ್ರ ಹೇರಾಜೆ, ಪಿತಾಂಬರ ಹೆರಾಜೆ, ಶಕಿಲಾ ಶರತ್ ಹಾಗೂ ಶಶಿಕಲಾ ರಾಜಶೇಖರ್ ಅವರ ಪಾಲುದಾರಿಕೆಯಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ. 25 ದಿನಗಳ ಕಾಲ ಒಂದೇ ಹಂತದಲ್ಲಿ ಮಂಗಳೂರು ಸುತ್ತಮುತ್ತ ಸಿನಿಮಾಕ್ಕೆ ಚಿತ್ರೀಕರಣ ನಡೆಯಲಿದೆ.
ತಾರಾಗಣದಲ್ಲಿ ಶ್ರವಣ್‌ಕುಮಾರ್, ಪ್ರತೀಕ್ಷಾ ಪೂಜಾರಿ, ಸುರೇಶ್ ರೈ, ಸೌಜನ್ಯಹೆಗಡೆ, ನಿತಿನ್ ಹೇರಾಜೆ, ದೀಪಕ್ ರೈ, ಸೋಮನಾಥ ಶೆಟ್ಟಿ, ದಯಾನಂದ ಕುಲಾಲ್ ಮೊದಲಾದವರಿದ್ದಾರೆ. ಸಂಗೀತ ಡಾ.ನಿತೀನ್ ಆಚಾರ್ಯ, ಛಾಯಾಗ್ರಹಣ ರೇಣುಕುಮಾರ್, ಸಲಹೆ ಸಹಕಾರ; ಜಿ.ಕೆ.ಪುರುಷೋತ್ತಮ, ಚಿತ್ರಕತೆ, ಸಂಭಾಷಣೆ ಸಾಹಿತ್ಯ, ನಿರ್ದೇಶನ ಶರತ್ ಚಂದ್ರಕುಮಾರ್ ಕದ್ರಿ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
