ಕೃಷಿಕರ ಜೊತೆ ಶಾಸಕರ ಸಂವಾದ

ಪಾಲ್ತಾಡಿ : ಸವಣೂರು ಯುವಕ ಮಂಡಲ , ಗ್ರಾಮ ವಿಕಾಸ ಸಮಿತಿ ಪಾಲ್ತಾಡಿ ,ಪುಣ್ಚಪ್ಪಾಡಿ,ಸವಣೂರು ಇದರ ಆಶ್ರಯದಲ್ಲಿ ಸವಣೂರು ಯುವ ಸಭಾಭವನದಲ್ಲಿ ಕೃಷಿಕರ ಜೊತೆ ಶಾಸಕರು ಸಂವಾದ ಕಾರ್ಯಕ್ರಮ ನಡೆಯಿತು.

ಕಾರ್ಯಕ್ರಮದಲ್ಲಿ ಸುಳ್ಯ ಶಾಸಕ ಎಸ್.ಅಂಗಾರರ ಜತೆ ಕೃಷಿಕರು ತಮ್ಮ ಕೃಷಿ ಸಮಸ್ಯೆಯ ,ಕೊಳೆರೋಗ ,ಮಳೆಯ ಅಭಾವದ ಕುರಿತು ಶಾಸಕರ ಜತೆ ಹೇಳಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕರು,ಕರಾವಳಿ ಭಾಗದಲ್ಲಿ ಬಾಧಿಸಿರುವ ಅಡಿಕೆ ಕೊಳೆರೋಗ ಕುರಿತಾಗಿ ಈಗಾಗಲೇ ಸಂಭಂಧಿಸಿದ ಇಲಾಖೆಯ ಜೊತೆ ಮಾತುಕತೆ ನಡೆಸಿ, ಪರಿಹಾರದ ಮೊತ್ತ ಏರಿಕೆ ಕುರಿತಂತೆ ಒತ್ತಾಯಿಸಲಾಗಿದೆ.ಅಲ್ಲದೆ ಪ್ರತಿಯೊಬ್ಬ ಕೃಷಿಕನೂ ಬೆಳೆ ವಿಮೆ ಮಾಡಿಸಿಕೊಳ್ಳುವುದು ಅವಶ್ಯಕ. ಇದರಿಂದ ಅತಿವೃಷ್ಟಿ ಅಥವಾ ಅನಾವೃಷ್ಟಿಯಿಂದ ಕೃಷಿಗೆ ನಷ್ಟ ಉಂಟಾದರೆ ಪರಿಹಾರ ಪಡೆಯಬಹುದು ಎಂದರು.

ಸಂವಾದ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸವಣೂರು ಗ್ರಾ.ಪಂ.ಅಧ್ಯಕ್ಷೆ ಇಂದಿರಾ ಕಲ್ಲೂರಾಯ ವಹಿಸಿದ್ದರು. ಪುತ್ತೂರು ತಾ.ಪಂ.ಉಪಾಧ್ಯಕ್ಷ ದಿನೇಶ್ ಮೆದು,ಉಪಾಧ್ಯಕ್ಷ ಬಿ.ಕೆ.ರವಿಕುಮಾರ್ ,ಸದಸ್ಯರಾದ ಗಿರಿಶಂಕರ್ ಸುಲಾಯ , ವಸಂತಿ ಬಸ್ತಿ ,ರಾಜೀವಿ ಶೆಟ್ಟಿ ,ಸತೀಶ್ ಬಲ್ಯಾಯ ,ಸತೀಶ್ ಅಂಗಡಿಮೂಲೆ ,ಪ್ರಕಾಶ್ ಕುದ್ಮನಮಜಲು ,ಮಾಜಿ ಉಪಾಧ್ಯಕ್ಷ ರಾಕೇಶ್ ರೈ ಕೆಡೆಂಜಿ ,ಭಾರತಿ ಗ್ರಾಮವಿಕಾಸ ಪ್ರತಿಷ್ಠಾನದ ಸ್ಥಾಪಕಾಧ್ಯಕ್ಷ ಬಿ.ಕೆ.ರಮೇಶ್ ,ಪಾಲ್ತಾಡಿ ಚೈತನ್ಯ ರೈತ ಶಕ್ತಿ ಕೇಂದ್ರದ ಅಧ್ಯಕ್ಷ ಗಣೇಶ್ ಶೆಟ್ಟಿ ಕುಂಜಾಡಿ ,ಹಿರಿಯ ಕೃಷಿಕರಾದ ಸುಬ್ಬಣ್ಣ ರೈ ಖಂಡಿಗ,,ಪ್ರಭಾಕರ ಶೆಟ್ಟಿ ನಡುಬೈಲು ,ಮೊದಲಾದವರು ಸಂವಾದ ಕಾರ್ಯ ನಡೆಸಿದರು.

ಸವಣೂರು ಯುವಕ ಮಂಡಲದ ಅಧ್ಯಕ್ಷ ರಾಜೇಶ್ ರೈ ಮೊಗರು ಸ್ವಾಗತಿಸಿ ,ಮಾಜಿ ಅಧ್ಯಕ್ಷ ಗಂಗಾಧರ ಪೆರಿಯಡ್ಕ ವಂದಿಸಿದರು.ಸಾಮಾಜಿಕ ಮುಂದಾಳು ರಾಮಕೃಷ್ಣ ಪ್ರಭು ನಿರೂಪಿಸಿದರು.